2 KORINHTU 11:23 - Jinghpaw Hanson Version Bible

²³ Shanhte Hkristu a bungli gun hpai ai ni rai ma yang gaw, ngai mahtang grau nna rai nga nngai, ngu nna mana bu ai wa zawn ngai tsun nngai. Amu bungli grau nna ngai galaw nngai; htawng hkrat ai grau nna ngai hkrum nngai; ladu lai ai shingna ngai hkam ni ai; si hkrung si htan law law lang ngai hkrum nngai.

Jinghpaw Common Language Bible 2009

²³ Shanhte Hkristu a shangun ma ni rai ma ni? Mana ai wa a ga zawn gaw nga ai, rai ti mung ngai gaw shanhte hta grau kaja ai shangun ma rai nngai. Ngai gaw shanhte hta grau nna amu bungli galaw shaja nngai, shanhte hta grau nna law law lang htawng hkrat nngai, shanhte hta grau nna shingna hkam sha ni ai, si hkrung si htan law law lang ngai grau hkrum nngai.

2 KORINHTU 11:23 ပူးပေါင်းရင်းမြစ်များ

YEREMIA 36:5

Bai Yeremia gaw Baruk hpe, Ngai gaw bawng dung nga nngai; Yehowa nta hta n shang lu nngai;

KASA 14:19

Dai hpang, Antioki hte Ikoni mare hkan na Yuda masha ni sa du nna, shawa hpawng hpe woi awn nhtawm, Pawlu hpe nlung hte kabai nna, shi hpe si mat sai zawn nawn ai majaw, mare shinggan de karawt shapraw kau mu ai.

KASA 20:23

rai timung, gyit hkang ai hte zingri zingrat na gaw ngai hpe la nga ai, nga nna, mare shagu hta Chyoi pra ai Wenyi ngai e sakse hkam nga ai.

KASA 21:11

Dai wa anhte kaw shang nna Pawlu a shingkyit la nhtawm, shi dai dai shi a lagaw lata gyit nna, “Chyoi pra ai Wenyi ning nga tsun nga ai, Ndai shingkyit madu hpe Yuda masha ni Yerusalem mare e ning di gyit nna, maigan amyu ni a lata de ap kau na mara ai da,” nga nna tsun ai.

KASA 25:14

Dai yang e tsawmra wa na hkra nga nga sayang, Hpestu dai hkawhkam hpe Pawlu a lam tsun dan wu ai gaw, “Hpilik sharen da nga la ai bawng langai mi nga ai;

KASA 27:1

Ya, anhte hpe Itali mung de li hte sharap sa wa na myit shatawng da ngut jang, shanhte Pawlu hte kaga bawng ni nkau mi hpe, Agustu hpyen dap hte seng ai, Yuli ngu ai hpyen du a lata hta ap dat mi ai.

KASA 28:16

Ya anhte Roma mare de du bang jang, Pawlu gaw shi hpe sin ai hpyen ma hte rau kaga hkrai rai nga na, ahkang lu la wu ai.

KASA 28:30

Dai kaw nna Pawlu gaw ni ning tup shi shap rawng ai nta hta nga nga let, shi kaw sa masa ni hpe hkap la nna,

KASA 9:16

kaning rai nme law, nye mying majaw gade wa matsan tsin-yam hkrum na gaw, ngai shi hpe madun na we ai,” ngu wu ai.

ROMA 8:36

“Na a jaw e anhte shani shagu sat kau ai hkrum ga ai, Sat na san da ai sagu hpe zawn, anhte hpe nawn da mi ai,” nga nna ka da nga ai hte maren, tsin-yam tsindam atsu atsam, zingri zingrat ai, hku hku hpang gara ai, singgu krin ai, shoihpa hkrithpa hte ri nhtu hkrum yang she, jahka kau lu na mi ni?

1 KORINHTU 15:10

Rai timung, ngai rai nga nngai hte maren, Karai Kasang a chyeju majaw ngai rai nga nngai; ngai hkam la ai shi a chyeju gaw, ngai hta e kaman lila n rai nga ai sha, shanhte nlang hte hta ngai grau nna bungli gun hpai nngai; dai gaw ngai n rai, ngai hte rau anga nga ai Karai Kasang a chyeju sha rai nga ai.

1 KORINHTU 3:5

Apolo gaw kadai rai nga a ta? Pawlu mung kadai rai nga a ta? Shan gaw shangun ma rai nga nna, shan a jaw e nanhte kamsham ai kaw du lu myit dai: dai Madu e jaw da mu ai hte maren, shan langai hte langai shachyen lu ma ai.

1 KORINHTU 4:1

Shing rai an gaw Hkristu a hkringmang ni hte Karai Kasang a sung htum ai lam ni a kunhting yan an rai nga ga ai, an a lam masha ni myit nga mu ga.

1 KORINHTU 4:11

Ya ten du hkra anhte kawsi hpang gara, singgu krin, adup adep hkrum nna, nga shara garen nga ai hte,

1 KORINHTU 4:9

Kaning rai nme law, sat na matu san da ai ni hpe zawn, Karai Kasang gaw kasa ni ngu ai anhte hpe hpang chyahtum e shadan dan ma ni ai, ngai myit nga nngai: anhte gaw mungkan ga hte, lamu kasa ni hte shinggyim masha ni a man e, ginsup poi dan ai ni tai wa saga ai.

2 KORINHTU 10:7

Nanhte gaw myi man sha yu matsing myit dai. Ngai gaw Hkristu hta e rai nga nngai, nga nna langai ngai myit da a yang gaw, shi nan Hkristu hta e rai nga ai hte maren, anhte mung rai nga ga ai, tinang hkum dai myit dum nga u ga.

2 KORINHTU 11:5

Ngai chyawm gaw kaba htum ai kasa ni a lawu e loi mi sha pyi n grit nga nngai, ngai nawn nga nngai.

2 KORINHTU 3:6

ningnan ga shaka sara tai na shi anhte hpe shaging sharam ma ni ai; dai ga shaka gaw, laika hkum hta na n re ai sha, Wenyi hta na rai nga ai: kaning rai nme law, laika hkum gaw sat kau chye ai, Wenyi chyawm gaw jahkrung ya lu ai.

2 KORINHTU 4:11

Kaning rai nme law, Yesu a asak hkrung ai gaw anhte a si chye ai hkum shan hta dan pru lu n ga, anhte naw hkrung nga ai ni gaw, Yesu a jaw e tut tut si ai de ap kau ai hkrum nga ga ai.

2 KORINHTU 6:9

hkalem sha ai ni zawn rai timung, tengman nga ga ai ni; gade e n dum n chye ai ni zawn rai timung, kajai gumhkawng hkrum ai ni; si hkrung si htan hkrum ai ni rai timung, yu mu, anhte ahkrung nga ga ai;

GALATI 6:17

Ya kaw nna kadai mung ngai hpe hkum sharu shatsang manu ga: kaning rai nme law, Yesu a nma hkang nye a hkum shing-yan hta ngai gun hkawm nga nngai.

EHPESU 3:1

Ndai lam a majaw, nanhte maigan masha ni a matu mara, Hkristu Yesu a lam bawng dung ai wa, ngai Pawlu gaw;

EHPESU 4:1

Dai re ai majaw, nanhte hpe shaga la manit dai shaga la ai lam hta e, nanhte ging dan ai hte hkawm nga myit ga, dai Madu a jaw e bawng dung ai wa, ngai gaw, nanhte hpe shadut jahkat made ai.

EHPESU 6:20

ngai mai tsun ai hte maren n hkrit n kang ai sha tsun dan lu hkra, nye a n-gup hpaw ai shaloi, tsun dan lu na mung sumtu, ngai hpe jaw ya u ga, nye a matu mung akyu a hpyi nga mu.

HPILIPI 1:13

Dai htingnu na sin langa ting hte kaga, mahkra ni a man e, Hkristu a jaw e ngai bawng dung ai lam, dan leng wa sai:

HPILIPI 2:17

Dai hta n-ga nanhte a makam masham a hkungga hte daw jau ai a ntsa e, ngai hpe dumhpung zawn ru jaw ma timung, ngai kabu nga nna, nanhte mahkra hte rau a kabu nga nngai.

KOLOSE 1:24

Ya chyawm gaw nanhte a matu mara ngai hkrum ai tsin-yam tsindam hta ngai kabu nga ai hte, dai Hpung ngu ai Hkristu a hkumhkrang a matu mara, shi a naw ngam nga ai nni nkri hpe nye a hkum shan hta e ngai jahkum shatsup nga nngai.

KOLOSE 1:29

Shing rai byin lu hkra, ngai hta tsam mari shachyen ai wa a bungli galaw ai hku hte maren, ngai mung bungli galaw ai hta shaja nga nngai.

1 HTESALONI 3:2

ndai tsin-yam tsindam a majaw kadai mung shamu shamawt n rai myit ga, nanhte hpe shadaw shalan nna, nanhte a makam masham hpe shangwi shapyaw na matu,

1 TIMOHTI 4:6

Ndai lam hte gaw nang hpunau ni hpe shadum jahprang nga n yang gaw, nang hkan nang nga ai makam masham a mungga hte mai kaja ai sharin shaga ai lam hta pan kaba wa ai majaw, Hkristu Yesu a amu gun hpai wa kaja, nang rai na ndai.

2 TIMOHTI 1:16

Dai Madu gaw Onesihpuru a nta masha ni hpe chyeju jaw u ga; kaning rai nme law, shi ngai hpe law law lang shalan shabran ni ai hta n-ga, nye a hkang hkyihkyang majaw n kaya ai sha,

2 TIMOHTI 1:8

Dai rai nna, anhte a Madu a sakse hkam ai lam hta mung, shi a bawng dung ai wa nye a lam hta mung, nang kaya ai myit n rawng ai sha, Karai Kasang a n-gun lagaw rawng ai hte maren, dai kabu gara shiga matu mara ru tsang ai rau hkrum nga ga:

2 TIMOHTI 2:9

Dai kabu gara shiga a jaw e, n hkru ai wa zawn, bawng dung hkra ru tsang hkrum nngai, rai timung, Karai Kasang a mungga gaw sharen da hkrum lu ai n rai.

2 TIMOHTI 3:11

zingri zingrat hkrum ai hte nni nkri hkrum ai lam hta mung: Antioki, Ikoni, Lustra mare hkan e ngai hkrum mahkrum hta mung; zingri zingrat ai ngai gade wa hkrum ni ai hta mung, nang htep lahti hkan nang nit dai: shing rai hkrum timung, ngai hkrum ai yawng hta na dai Madu gaw ngai hpe shaw la ni ai.

HPILEMON 1:9

dingla wa Pawlu rai nga nngai hte, ya e Hkristu Yesu a bawng dung ai wa mung rai nga nngai majaw, tsawra ai hku she nang hpe hpyi nem dat na, ngai grau ra nngai:

HEBRE 10:34

Dai hta n-ga, bawng dung ai ni hpe mung nanhte matsan dum manit dai; nanhte a arung arai kashun kashe la ya ai hpe mung, nanhte kabu gara ai myit hte hkam mana kau nna, dai hta grau reng ai dinggrin anga nga ai arung arai nanhte lu nga ai gaw, gaja wa chye dum myit dai.