2 KORINHTU 11:22 - Jinghpaw Hanson Version Bible

²² Shanhte Hebre masha rai ma yang gaw, ngai mung rai nga nngai; shanhte Israela amyu rai ma yang gaw, ngai mung rai nga nngai; shanhte Abraham a aru arat rai ma yang gaw, ngai mung rai nga nngai.

Jinghpaw Common Language Bible 2009

²² Shanhte Hebre masha ni rai ma ni? Ngai mung rai nngai. Shanhte Abraham a aru arat ni rai ma ni? Ngai mung rai nga nngai.

2 KORINHTU 11:22 ပူးပေါင်းရင်းမြစ်များ

2 HKAWHKAM LABAU 20:7

Anhte a Karai Kasang e, ndai mung e nga yu ai amyu ni hpe, na a amyu Israela man na nang jahtaw kau ya nna, na a jinghku wa Abraham a aru arat hpe jaw da mu ai, n rai ni?

PRU MAT 10:3

Shaloi Mawshe ya Arun gaw Hpara-u kaw sa shang nna, Hebre masha ni a Karai Kasang Yehowa ning nga ai: “Nang nye a man e na a myit n shagrit ai galoi du hkra nga na ta? nye a amyu ngai hpe sa naw jau mu ga, shanhte hpe dat dat u:

PRU MAT 3:18

Shanhte mung na a ga madat na ma ai; shing rai, nang hte Israela a salang ni gaw Egutu hkawhkam kaw shang nna, Hebre masha ni a Karai Kasang Yehowa gaw anhte hte hkrum sai; dai rai nna, anhte a Karai Kasang Yehowa hpe hkungga jaw lu na nam mali de lam masum ya sat sa lu na ahkang anhte hpe jaw mi, ngu nna shi hpe tsun na rai myit dai.

PRU MAT 5:3

Bai, shan gaw, “Hebre masha ni a Karai Kasang anhte hte hkrum sai; dai re ai majaw, shi anhte hte hkrum katut nna ana ahkya, ri nhtu hte anhte hpe n sat mi ga, nam de lam masum ya sat anhte sa nna, anhte a Karai Kasang Yehowa hpe hkungga sa jaw na, ahkang jaw dat mi,” ngu mu ai.

PRU MAT 7:16

Shi hpe ning ngu u, Nam e ngai hpe sa naw jau lu mu ga, nye a amyu hpe da dat ya mi, nga nna Hebre masha ni a Karai Kasang Yehowa gaw nang kaw ngai e shangun dat nngai: rai timung, yu u, ya du hkra nang n madat nga ndai.

PRU MAT 9:1

Bai Yehowa gaw Mawshe hpe, “Hpara-u kaw shang nna, Hebre masha ni a Karai Kasang Yehowa gaw ning nga ai, Ngai hpe sa naw jau lu na nye a amyu hpe dat dat u:

PRU MAT 9:13

Bai Yehowa Mawshe hpe tsun wu ai gaw, “Hpawt de jau jau rawt nna, Hpara-u a man e sa tsap nga u: shi hpe Hebre masha ni a Karai Kasang Yehowa ning nga ai, Ngai hpe sa naw jau lu na, nye a amyu hpe dat dat u:

MAHTE 3:9

‘Abraham gaw anhte a wa rai nga mali ai,’ nga nna tinang a kraw hta e hkum nawn nga myit! nanhte hpe ngai tsun made ga, Karai Kasang gaw ndai nlung ni hta na Abraham a matu kasha hpan shapraw da lu ai.

KASA 22:3

“Ngai gaw Kiliki mung, Tarshu mare e shangai ai Yuda masha rai nga nngai; rai timung, ndai mare hta Gamale a lagaw nhpang e ngai kaba wa nna, anhte a ji wa ni a ja la ai jep ai tara htung hking hte maren azin ayang sharin achyin la nna, dai ni na nanhte zawn, ngai mung, Karai Kasang hpang maga myit kaba ai hte,

KASA 6:1

Ya, sape ni law htam wa ai nhtoi hte yang, Heleni ngu ai ni hta na gaida jan ni hpe, shani shagu na galaw lu galaw sha ai amu hta shadawng tawn ai nhkan e, dai Heleni ni gaw Hebre masha ni hpe, aput angun nga ma ai.

ROMA 11:1

Dai rai nna, ngai tsun nngai gaw, Karai Kasang shi a amyu hpe kau da nu hka? Shing n rai law. Ngai mung Israela masha rai nga nna, Abraham a aru arat hte Ben-yamin a baw sang rai nga nngai.

ROMA 9:4

shanhte gaw Israela masha rai nga ma ai; kasha yin la ai akyu mung, dai hpung shingkang mung, ga shaka ni mung, tara jaw ai shingran mung, daw jau ai lam mung, ga ndat ni hpe mung, shanhte lu ma ai:

GALATI 3:16

Ya, dai ga ndat ni gaw Abraham hte shi a aru arat hpe tsun da nu ai. Aru arat ni nga ai gaw, law law wa hpe sha-ang ai zawn, shi tsun nga ai n rai: Na a aru arat ngu ai langai wa hpe sha shi tsun nga ai rai nna, dai gaw Hkristu rai nga ai.

HPILIPI 3:5

Ngai gaw matsat ya nhtoi e matu gadoi hkam nngai; Israela amyu, Ben-yamin a aru arat hte, Hebre masha hta na Hebre majing, rai nga nngai: