2 KORINHTU 10:5 - Jinghpaw Hanson Version Bible

⁵ masha a myit mang ai hku hte, Karai Kasang a chye chyang ai lam hpe hkum da mayu ai tsaw matsaw hte hpe, anhte sharun shabya lu ai hte, Hkristu a ga madat mara na lam a npu e myit mang shagu hpe sharen da mu ai;

Jinghpaw Common Language Bible 2009

⁵ Anhte gaw Karai Kasang hpe chye chyang ai hpaji hpe dingbai dingna jaw ai amu yawng hpe run hpya jahten kau ga ai. Anhte gaw masha myit mang ai lam nga manga hpe rim sharen da nhtawm Hkristu a ga madat mara shangun ga ai.

2 KORINHTU 10:5 ပူးပေါင်းရင်းမြစ်များ

NINGPAWT NINGHPANG 8:21

Yehowa mung dai manam pyaw ai sangau hkap manam la wu ai: dai rai nna Yehowa gaw, Ginding aga hpe shinggyim masha ni a majaw, hpang de ngai dagam kau na ni ai n rai; kaning rai nme law, shi a kraw lawang na myit mang gaw, kaji kaw nna n shawp nga lu ai: dai hta kaga, ya e hkrung mahkrung hte hpe ngai jahten mawe ai zawn, hpang de galoi mung ngai bai jahten na ni ai n rai:

2 HKAWHKAM 19:22

Nang gaw kadai wa hpe matsa jahpoi kau wu ni? kadai wa hpe na a nsen sharawt nna, na a myi man hte gumrawng gumtawng di kau wu ta? Israela a Chyoi Pra re ai Wa hpe rai nga a hka!

2 HKAWHKAM 19:28

Nang ngai hpe n-yun bu ai hte na a gumrawng gumtawng ga nye na hta e shang sai majaw, ngai nang hpe lashoi shoi nna runghtung dat nhtawm, nang du sa ai lam hku bai nhtang wa shangun na de ai.

YOBA 42:6

Dai re ai majaw, nye hkum dai hpe ngai matsat kau nna, ga nhpu hte wan dap hta myit nem nga nngai law,” nga ai.

SHAKAWN KUNGDAWN 10:4

Tara n lang ai wa myit kaba nna, “Shi ari jaw na n rai,” nga ai. Karai Kasang n nga ai, nga nna, myit mang nga ai.

SHAKAWN KUNGDAWN 139:2

Ngai dung nga ai hte rawt wa ai gaw nang chye nga ndai: Ngai myit mang ai hpe mung, Tsan tsan kaw nna pyi nang chye nga ndai.

SHAKAWN KUNGDAWN 18:27

Ru tsang hkrum ai amyu hpe nang hkye la nna, Gumrawng ai myi man hpe shagrit kau ndai.

SHAKAWN KUNGDAWN 18:44

Nye a lam na yang, shanhte madat nga nna, Tsasam ni a kasha ni nye a man e nem na ma ai.

PRU MAT 5:2

Hpara-u chyawm gaw, “Yehowa a ga madat nna, Israela a amyu masha ni hpe ngai dat kau na gaw, dai Yehowa kadai rai ta? Yehowa hpe ngai n chye nngai, Israela a amyu hpe mung ngai n dat dat na nngai,” ngu wu ai.

GA SHAGAWP 15:26

Yehowa gaw mawp lu mawp sha ai lam hpe, matsat nga ai; Ngwipyaw ai ga chyawm gaw, san seng ai ga rai nga ai.

GA SHAGAWP 24:9

Myit n su ai wa a myit mang ai lam, yubak rai nga ai; Jahpoi ai wa gaw, masha a man e matsat shabat rai nga ai.

ESAIA 2:17

Dai shaloi gumrawng gumtawng dum ai wa gaw shagrit kau ai, myit kaba ai wa gaw shanem kau ai hkrum nna, Yehowa shi chyu sha, dai shani e shagrau sha-a ai hkrum na ra ai.

ESAIA 55:7

tara n lang ai wa gaw shi a lam hpe, n hkru ai wa gaw shi a myit mang ai hku kau da nna, Yehowa hpang de kayin wa u ga; shing rai yang shi gaw dai wa hpe matsan dum na ra ai; anhte a Karai Kasang hpang de mung kayin wa u ga; shi gaw yubak hpe htum hkra raw dat kau ya na ra ai.

ESAIA 59:7

Shanhte a lagaw n kaja ai amu galaw na matu gat nna, mara n kap ai asai ru kau na, larau nga ai: shanhte myit mang ai hku n hkru n hkra ai hku rai nga nna, shanhte a nmaw lam ni gaw, nni nkri hte hten byak ai hkrai rai nga ai.

ESAIA 60:14

Nang hpe zingri zingrat ai ni a kashu kasha ni gaw, sa nna na a man e gum dagup na mara ai; nang hpe n kaw n law di ai ni yawng, na a lagaw nhpang e dingnyawm na mara ai; dai hta kaga shanhte gaw, nang hpe, Yehowa a mare, Israela Chyoi pra ai wa a Ziun mare, nga nna shamying na mara ai.

YEREMIA 23:29

Nye a mungga gaw wan zawn, nlung dup ai sumdu zawn, rai nga ai, n rai ni? nga nna Yehowa tsun ai.

YEREMIA 4:14

Yerusalem e, nang hkye hkrang la ai hkrum lu hkra, na a kraw lawang na n hkru n hkra ai hpe kashin kau u: na a n shawp ai myit mang gaw, gaten du hkra nang hta shanu nga na rai ta?

EZEKELA 17:24

Shing rai, ngai Yehowa gaw, tsaw ai hpun hpe shanem kau nna, nem ai hpun hpe shatsaw nngai mung, tsit lali ai hpun hpe jahkraw kau nna, hkraw ai hpun hpe tsit lali shangun nngai mung, nam mali na hpun ni yawng chye lu na mara ai: ngai Yehowa nan tsun ai hte maren shabyin nngai,” nga ai.

Daniela 4:37

Ya ngai Nebuhkadneza gaw, sumsing lamu na Hkawhkam wa hpe shakawn kungdawn, shagrau sha-a ai hte, hkungga lara rai nga nngai: shi galaw da ai yawng mayawng tengman nga nna, shi a lam ni dinghpring nga ai: shi gaw gumrawng gumtawng ai ni hpe shagrit kau lu nga ai, nga nna shara shagu mungga shabra dat wu ai.

MAHTE 15:19

Kaning rai nme law, myit masin hta na n hkru ai myit mang ai, masha sat na, num shaw na, num shut hpyit na, lagu na, n teng n man ai sakse hkam na hte shatan nhkan ai lam hte gaw byin pru wa ai.

LUKA 1:51

Shi a lahpum hte atsam pra di nu ai; Tinang kraw e maw ai hku hta gumrawng nga ai ni hpe, shi shabra kau nu ai.

ROMA 1:21

Shanhte Karai Kasang hpe chye chyang ninglen, Karai Kasang hpe shagrau sha-a ang ai hte maren, n shagrau n sha-a ma ai hte, shakawn kungdawn mung n rai ma ai; shanhte a myit mang ai lam gaw, kaman lila sha rai mat malu ai rai nna, shanhte a n gring ai myit gaw, sin mak mat malu ai.

ROMA 1:5

shi mying ningsang a marang e, amyu baw shagu dai kamsham ai lam hpe madat mara mu ga she, shi kaw nna chyeju hte kasa aya hpe anhte hkam la lu sagaw ai:

ROMA 16:26

ya e shadan dat ai sung ai shingran ga hku hkan let, nye a kabu gara shiga hte, Yesu Hkristu a lam hkaw dan ai ga hte maren, nanhte hpe shadaw shangang ya lu ai,

ROMA 7:23

rai timung, nye a daw shan ni hta e tara kaga gaw, nye myit mang hta rawng ai tara hte gasat hkat nga ai rai nna, nye daw shan ni hta e rawng ai yubak a tara hta e ngai hpe bawng dung shangun nngai, ngai mu ni ai.

1 KORINHTU 1:19

Kaning rai nme law nga yang, “Hpaji rawng ai ni a hpaji hpe ngai jahten na nngai, Nyan rawng ai ni a nyan hpe ngai shinggan kau na nngai,” nga nna ka da nga ai.

1 KORINHTU 3:19

Kaning rai nme law, ndai mungkan ga na hpaji byeng-ya gaw, Karai Kasang a man e angawk angak rai nga ai. Dai rai nna, Hpaji rawng ai ni hpe shanhte a hpaji hte shi shakrip mu ai;

2 KORINHTU 11:20

Kaning rai nme law, marai langai ngai nanhte hpe rim yam ai, kashun sha ai, rim la ai, tinang a hkum hpe shagrau ai hte nanhte hpe shabyi kahpret ya myit yang gaw, dai wa hpe nanhte sharang ya nga myit dai.

2 KORINHTU 9:13

ndai galaw daw ai lam hte nanhte hpe chyam yu ngut jang, Hkristu a kabu gara shiga a lam hkan nang nna madat mara nga myit dai hte, n daw n hta re ai alu kumhpa, shanhte hpe mung, mahkra hpe mung, a jaw nga ai majaw, shanhte gaw Karai Kasang hpe shagrau sha-a nga ma ai:

TARA JAHPRANG 15:9

Na a kraw hta n shawp ai myit rawng nna, Sanit ning ngu na raw dat ningdaw du magang ra ai nga, dum let, dai matsan mayan hpunau wa hpe lahpawt ai myit hte hpa n jaw ai nga nna, dai wa Yehowa hpe jahtau shaga yang na ntsa e yubak n du lit ga, sadi nga u.

HPILIPI 4:7

Shaloi chye chyang ai nyan yawng hta grau lai ai Karai Kasang angwi pyaw ai gaw, nanhte a myit masin hte nanhte a myit mang ai hpe, Hkristu Yesu hta e bau sin na ra ai.

2 HTESALONI 2:4

dai wa gaw Karai ngu mangu hte mung, nawku ai lam yawng mayawng hte mung, nhtan shai nga ai hte tinang dai shagrau la nna, Karai Kasang a nawku Htingnu hta dung nga let, shi hkum nan hpe Karai Kasang shatai da wu ai.

2 HTESALONI 2:8

Yeng kau hkrum ai shaloi e dai n tara ai wa gaw dan pru wa na ra ai: Madu Yesu chyawm gaw shi a n-gup na wenyi hte shi hpe sat kau nna, shi a yu wa ai a dan hkung kama ai hte shaza kau na ru ai.

HEBRE 4:12

Kaning rai nme law, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ningtawng nhtu hta mung grau dai ai hte, myit masin hte wenyi hpe mung, nra hkrihkraw hte laswi hpe mung, dinghkren ginhka chye nna, kraw lawang na myit mamyit hte maw mawn ai hku hpe jeyang hparan ya lu ai.

HEBRE 5:9

dai hte hkum tsup wa lu ngut jang, shi gaw, shi a ga madat mara ai ni yawng mayawng a matu, htani htana hkye hkrang la ai a npawt tai wa ai hte,

1 PETRU 1:2

Puntu, Galati, Kapadoki, Asi hte Behtuni mung hkan e bra mat ai ni hte rau, lata la ai shingbyi nga ai ni hpe, ga shana dat nngai: chyeju hte ngwipyaw ai gaw nanhte hta law htam wa malit ga law.

1 PETRU 1:22

Dai dingman ai ga hpe madat mara nga let, nanhte kahpu kanau ni hpe gaja wa teng teng, tsawra lu ai du hkra, nanhte a myit masin hpe san seng kau lu myit dai majaw, nanhte a myit ting hte shada da tsawra nga mu;