2 KORINHTU 10:2 - Jinghpaw Hanson Version Bible

² anhte gaw hkum shan hking hte hkawm nga ga ai myit nna, anhte a lam nawn ya ai ni nkau mi hpe nachying nden ja ai myit madun na ngai maw nga nngai hte maren, nanhte hte rau nga yang, dai hte wa nden ja ai myit madun shara n nga u ga, ngai hpyi nem nngai.

Jinghpaw Common Language Bible 2009

² Hkristu a sumnung ai hte myit gyip ai hpe tau yu nna nanhte kaw du sa ai shaloi sheng mareng nga nna ga shaga ai kaw n du ra na matu hpyi nem dat nngai; hpa majaw nga yang, anhte hpe mungkan a ra marit ai hku maw mawn ai myit hte asak hkrung ai ni re ngu nna tsun ai ni hpe sheng mareng ngu nna ngai hkrak sha tsun shaga lu nngai.

2 KORINHTU 10:2 ပူးပေါင်းရင်းမြစ်များ

ROMA 8:1

Dai re ai majaw ya gaw, Hkristu Yesu hta e nga ai ni a matu mara, dawdan shara n nga ai.

ROMA 8:4

Karai Kasang gaw yubak a matu mara, yubak a hkumhkrang hte bung ai gawng shing-yan hte, shi hkum nan a Kasha hpe shangun dat ru ai rai nna, shinggyim hkum shan hta e yubak hpe dawdan wu ai.

ROMA 8:5

Kaning rai nme law, shinggyim hkum shan myit hkan ai ni gaw, hkum shan hte seng ai arai ni hpe myit nga ma ai; Wenyi hkan ai ni mahtang gaw, Wenyi a lam myit nga ma ai.

2 KORINHTU 1:17

Ya, shing rai ngai myit da nga yang, ngai gaja wa nhting nhtang re ai myit madun nngai kun? Bai, nye a ga gaw, Rai sa, rai sa, nga ai gaw, N rai, n rai, tai wa u ga, ngu nna ngai myit da ai gaw, dinghta myit hku hkan nna myit da nngai kun?

2 KORINHTU 11:21

Anhte gaw n-gun kya ai ni zawn rai nga ga ai, ngu nna anhte a lam shatan let ngai tsun nngai; rai timung lam gale hta masha wa manoi nna nden ja nga a yang gaw, ngai mung dai lam hta nden ja lu nngai, ngu nna angawk angak re ai ga ngai tsun nngai.

2 KORINHTU 13:10

Dai re ai majaw, nanhte hte rau nga ai shaloi sharun shabya na matu n rai, shadaw shalan na matu sha dai Madu ngai hpe jaw da ai ahkang aya hte maren, aja awa n di u ga she, ya e naw tsan gang nga yang, ning rai ngai ka dat nngai.

2 KORINHTU 13:2

Ngai bai du yang gaw matsan n dum na nngai, ngu nna shawng e tsun ni ai hte maren, ya nanhte hte rau garai n nga rai timung, lahkawng lang na bat e rau nga ai hte maren, ya du hkra shut hpyit ai ni hte kaga yawng mayawng hte hpe, ngai tsun magang made ai;