2 KORINHTU 10:18 - Jinghpaw Hanson Version Bible

¹⁸ Kaning rai nme law, tinang hkum hpe shagrau ai wa n rai, dai Madu shagrau ai wa chyu sha, ging dan ngu ai hkam la nga ai.

Jinghpaw Common Language Bible 2009

¹⁸ Hpa majaw nga yang, tengman ai arawng hkam la ai wa gaw tinang hkum dai tinang shagrau shatsaw ai wa n rai, Karai Kasang e shagrau shatsaw hkrum ai wa she rai nga ai.

2 KORINHTU 10:18 ပူးပေါင်းရင်းမြစ်များ

GA SHAGAWP 12:8

Masha wa tinang a hpaji hte maren shagrau ai hkrum na ra ai; Myit magaw ai wa chyawm gaw, n kaw n law di kau ai hkrum na ra ai.

GA SHAGAWP 21:2

Masha a man e tinang lam yawng tengman nga ai; Yehowa chyawm gaw myit masin hpe shen yu nga ai.

GA SHAGAWP 27:2

Tinang nan tinang hkum hpe n shakawn ai sha, kaga wa she shakawn u ga. Tinang n-gup hte n rai, tsasam wa she nang hpe shakawn u ga.

LUKA 16:15

Dai rai nna Yesu gaw, “Nanhte gaw masha ni a man e tinang hkum hpe dingman chye shadan ai ni rai myit dai; rai timung, Karai Kasang gaw nanhte a kraw lawng hpe chye ya nga ai: kaning rai nme law, masha e shagrau ai gaw Karai Kasang a man e matsat shabat rai nga ai.

YAWHAN 12:43

kaning rai nme law, Karai Kasang kaw na arawng sadang lu la na hta, masha kaw na arawng sadang lu la na hpe, grau ra ma ai.

KASA 2:22

Israela masha ni e, ga ndai madat la mu: Nanhte chye nga myit dai hte maren, Karai Kasang gaw Nazaret wa ngu ai Yesu a lata hte magam ningsam, mauhpa amu, lamik kumla re ai ni nanhte a man e madun dan let, Karai Kasang e nanhte kaw awlaw shadan ya ai hkrum wu ai:

ROMA 14:18

Dai hku hkan nna Hkristu a bungli gun hpai ai wa gaw, Karai Kasang a man e sharawng awng ai hkrum nna, masha a man e mung awlaw ai hkrum nga ai.

ROMA 16:10

Hkristu hta e jet rai nga ai Apele hpe shakram ya mi. Aristobulu a nta na ni hpe shakram ya mi.

ROMA 2:29

kraw kata e Yuda wa rai nga ai mahtang gaw, Yuda masha majing rai nga ai: dai gadoi ai mung, laika hku hte sha n rai, wenyi hta na kraw lawang e byin nga ai rai nna, de a shakawn kungdawn ai gaw shinggyim masha kaw na n rai, Karai Kasang kaw na sha pru nga ai.

1 KORINHTU 11:19

Kaning rai nme law, nanhte hta e tengman ai ni dan pru u ga, bra wa na lam pyi nanhte hta e byin lu na ra ai.

1 KORINHTU 4:5

Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.

2 KORINHTU 10:12

Kaning rai nme law, tinang a hkum hpe shagrau ai ni nkau mi hte hti lawm nna, anhte a hkum hpe shanhte hte shadawn yu na, anhte n gwi ga ai: shanhte gaw tinang a hkum hpe tinang dai shadawn nna, tinang a hkum hte tinang dai shabung nga ma ai majaw, myit n rawng nga ma ai.

2 KORINHTU 13:7

Dai hta kaga, anhte dinglik hkam lu ai lam dan wa u ga n re ai sha, anhte dinglik n hkam lu ai ni zawn rai na ga ai rai timung, nanhte gaw kaja ai lailen galaw lu myit ga hte, n kaja ai lai len n galaw myit ga, ngu nna Karai Kasang hpe anhte ahpyi nga ga ai.

2 KORINHTU 3:1

Anhte gaw tinang a hkum marai hpe bai dan hpang ga ai kun? dai hta n-ga, masha nkau mi zawn nanhte hpang de, shing n rai nanhte kaw na tinang marai dan ai laika anhte ra ga ai kun?

2 KORINHTU 5:12

Anhte gaw nanhte a man e anhte hkum marai bai dan ga ai n re ai sha, myit masin hta n rai, myi man hta sha gumrawng ai ni hpe htan lu myit ga she, anhte a lam gumrawng na shara, nanhte hpe jaw nga ga ai.

2 KORINHTU 6:4

shakut sharang ai law law hta, tsin-yam tsindam hta, kyin dut ai hta, shagyeng ai hta,

2 TIMOHTI 2:15

Nang chyawm gaw, kaya shara n rawng ai sha, dai tengman ai mungga hpe ding ding chye hpajang ai magam gun hpai wa zawn, Karai Kasang a man e myi man pa lu hkra, na hkum shadan dan na, a shaja nga u.

1 PETRU 1:7

ya chyahkring chyahkra e gunglau amyu myu hte nanhte yawn hkyen hkrum nga myit timung, dai hkye hkrang la ai lam a gawp e, nanhte grai kabu gara nga lu myit dai.