2 KORINHTU 1:6 - Jinghpaw Hanson Version Bible

⁶ Dai rai nna, anhte tsin-yam tsindam hkrum yang, nanhte a shangwi shapyaw na lam hte hkye hkrang la na lam a majaw, hkrum ga ai: shangwi shapyaw ai hkrum yang, anhte nan hkam ai nni nkri amyu hta, shakut sharang ai shachyen chye ai nanhte a shangwi shapyaw na lam a majaw sha hkrum ga ai rai nna, nanhte a matu mara anhte a myit mada ai lam ngang ngang grin grin rai nga ai:

Jinghpaw Common Language Bible 2009

⁶ Dai rai nna anhte hta tsin-yam tsindam hkrum yang, dai gaw nanhte a matu shalan shabran ai chyeju hte hkye hkrang la ai lam hkam la na matu rai nga ai. Anhte hta shalan shabran ai chyeju hkam la lu ga yang gaw, nanhte mung anhte hte maren, dai chyeju hpe hkam la lu nna, anhte hkam sharang ai nni nkri hpe nanhte myit galu ai hte hkam sharang lu na n-gun lu la myit dai.

2 KORINHTU 1:6 ပူးပေါင်းရင်းမြစ်များ

KASA 21:5

Sanit ya nhtoi lai jang, anhte bai pru wa ga ai; shanhte mung, madu jan kasha ni hte rau, mare shinggan du hkra hkan sa dat ma ai rai nna, hka kau e hput di let, akyu hpyi ga ai: shing rai shada da shakram ngut jang,

ROMA 8:28

Dai rai nna, shakyet tawn da ai hte maren, shaga la ai hkrum ai ni ngu ai, Karai Kasang hpe tsawra ai ni a matu mara, yawng mayawng mai kaja hkra jawm byin wa sai, anhte chye ga ai.

2 KORINHTU 1:4

Karai Kasang kaw na anhte hkum nan lu la sagaw ai shangwi shapyaw ai lam tau yu yang, dai shangwi shapyaw ai a marang e, tsin-yam tsindam amyu myu hkrum ai ni hpe shangwi shapyaw lu hkra, anhte a tsin-yam tsindam amyu myu hta shi anhte hpe shangwi shapyaw mi ai.

2 KORINHTU 12:15

Ngai chyawm gaw nanhte a myit masin a matu sutgan jahkrat mayu ai hta n-ga, nye a hkum hpe pyi jahkrat na grau nna ra nga nngai. Nanhte hpe ning rai ladu lai hkra tsawra nga nngai majaw, ngai hpe n dawng n yawt na mai nga a ni?

2 KORINHTU 5:5

Dai chyeju nan lu la na anhte hpe shachyen ai wa gaw, Karai Kasang rai nga ai; shi gaw dai Wenyi a masat dingsat mung, anhte hpe jaw da ma ni ai.

EHPESU 3:1

Ndai lam a majaw, nanhte maigan masha ni a matu mara, Hkristu Yesu a lam bawng dung ai wa, ngai Pawlu gaw;

EHPESU 3:13

Dai re ai majaw, nanhte a matu mara ngai hkam ai tsin-yam tsindam hta nanhte myit n hten u ga, ngai hpyi nem nga nngai: dai tsin-yam gaw nanhte a arawng sadang rai nga malit dai.

HPILIPI 1:19

kaning rai nme law, nye a myit ndawt ai hte myit mada nga nngai hte maren, hpa lam hta mung ngai kaya kahpa n hkrum ai sha, shawoi na hte maren ya e pyi, hkrung timung, si timung, nden ja ai myit ting hte Hkristu gaw nye a hkumhkrang hta shagrau ai hkrum lu na hpe,

2 TIMOHTI 2:10

Dai re ai majaw, lata la hkrum ai ni mung, Hkristu Yesu hta na hkye hkrang la ai chyeju hte nawng, htani htana a hpung shingkang hpe hkam la lu mu ga, dai ni a matu mara hkrum mahkrum ngai hkam sharang nga nngai.