2 KORINHTU 1:5 - Jinghpaw Hanson Version Bible

⁵ Shing rai, Hkristu a nni nkri anhte hta e law htam wa ai hte maren, Hkristu a jaw e mung, anhte a shangwi shapyaw na lam, law htam wa nga ai.

Jinghpaw Common Language Bible 2009

⁵ Anhte gaw Hkristu hkam sha ai law la ai nni nkri ni hpe shang lawm garan hkam sha ga ai hte maren, Hkristu hta Karai Kasang jaw ai karum ai chyeju kaba hpe mung anhte shang lawm garan hkam la nga ga ai.

2 KORINHTU 1:5 ပူးပေါင်းရင်းမြစ်များ

LUKA 2:25

Ya, yu mu, Simun mying ai masha langai mi Yerusalem mare e nga ai: dai wa gaw dinghpring ai hte tara hkungga nna, Israela hpe shalan shabran na lam myit mada nga ai wa rai nga ai; dai Chyoi pra ai Wenyi mung shi a ntsa e nga nga ai.

KASA 9:4

shi mung, ga e kadawng taw mat ai hte, “Shawlu, Shawlu, nang ngai hpe hpa rai zingri nga n ta?” nga nna shi hpe tsun ai nsen na wu ai.

ROMA 8:17

Kashu kasha rai nga ga yang gaw, sali wunli hkam la ai ni mung anhte rai nga ga ai; Hkristu hte rau hpung shingkang hkam la lu hkra, shi hte rau nni nkri hkrum nga ga yang gaw, Karai Kasang a sali wunli hkam la ai ni hte, Hkristu hte rum ai sali wunli hkam la ai ni, anhte rai nga ga ai.

HPILIPI 1:20

nanhte a akyu hpyi ai hte Yesu Hkristu a Wenyi a lanawn ya ai a marang e, ndai lam mung nye a hkye hkrang la ai lam tai na re ai, ngai chye nga nngai.

HPILIPI 2:1

Dai re ai majaw, Hkristu hta e shadum jahprang na lam, tsawra ai myit hte shangwi shapyaw na lam, wenyi a kanawn mazum ai lam hte, n-gaw nwai nna matsan dum ai lam lama ma nga a yang gaw,

HPILIPI 3:10

si mat ai ni a bai rawt wa na lam hta ngai mung dep lu hkra, shi hte shi a bai rawt ai lam a atsam chye lu nna, shi a nni nkri hkrum ai hta kanawn lu na hte, shi a si hkam ai hpe hkan dagraw lu u ga,

KOLOSE 1:24

Ya chyawm gaw nanhte a matu mara ngai hkrum ai tsin-yam tsindam hta ngai kabu nga ai hte, dai Hpung ngu ai Hkristu a hkumhkrang a matu mara, shi a naw ngam nga ai nni nkri hpe nye a hkum shan hta e ngai jahkum shatsup nga nngai.

2 TIMOHTI 3:11

zingri zingrat hkrum ai hte nni nkri hkrum ai lam hta mung: Antioki, Ikoni, Lustra mare hkan e ngai hkrum mahkrum hta mung; zingri zingrat ai ngai gade wa hkrum ni ai hta mung, nang htep lahti hkan nang nit dai: shing rai hkrum timung, ngai hkrum ai yawng hta na dai Madu gaw ngai hpe shaw la ni ai.

1 PETRU 4:13

Hkristu gaw shi a hpung shingkang hta paw pru ai shaloi, kabu gara ai kaba hte nanhte kabu gara wa lu myit ga, shi a nni nkri hkrum ai lam hta, nanhte lawm lu myit dai majaw, kabu gara nga mu.