2 KORINHTU 1:24 - Jinghpaw Hanson Version Bible

²⁴ Ning nga tsun ai gaw, nanhte a kamsham ai hpe anhte madu nga ai n re ai sha, nanhte a kabu gara ai hta shingdep shingtau ai ni anhte rai nga ga ai; kaning rai nme law, kamsham ai hta nanhte grin grin tsap nga myit dai.

Jinghpaw Common Language Bible 2009

²⁴ Nanhte hpa baw hpe kam sham ra myit dai ngu nna anhte hkang ga ai n rai. Nanhte ngang ngang kang kang dai makam masham hta tsap nga myit dai hpe anhte chye ga ai. Anhte gaw nanhte a ngwi pyaw kabu gara ai lam a matu she nanhte hte rau amu gun hpai nga ga ai.

2 KORINHTU 1:24 ပူးပေါင်းရင်းမြစ်များ

MAHTE 24:49

shi a manang mayam ni hpe anu ajin di nhtawm chyaru nang ai ni hte rau lu rau sha, rai nga yang,

ROMA 1:12

shing ngu made ai gaw, nanhte hte nye a kamsham ai lam a marang e, nanhte hte ngai, shangwi shapyaw ai hkam la lu n ga, ngu ai rai nga ai.

ROMA 11:20

Rai taw, rai u ga; shanhte gaw n kam n sham ai majaw gyi kau ai hkrum ma ai, nang mahtang gaw makam masham hte ngang hkang nga ndai. Myit hkum kaba et, hkrit kang nga u:

ROMA 5:2

Yesu a gawp e mung, ya lu la sagaw ai chyeju hta e, anhte kamsham ai hte shang lu saga ai rai nna, Karai Kasang a hpung shingkang hpe myit mada nga let, kabu gumrawng nga ga ai.

1 KORINHTU 15:1

Bai hpunau ni e, ngai nanhte hpe tsun dan yu nna, nanhte mung hkam la ai hte, hkan nang yu manit dai kabu gara shiga a lam, ngai nanhte hpe naw shapraw shadan dan na made ai;

1 KORINHTU 3:5

Apolo gaw kadai rai nga a ta? Pawlu mung kadai rai nga a ta? Shan gaw shangun ma rai nga nna, shan a jaw e nanhte kamsham ai kaw du lu myit dai: dai Madu e jaw da mu ai hte maren, shan langai hte langai shachyen lu ma ai.

2 KORINHTU 11:20

Kaning rai nme law, marai langai ngai nanhte hpe rim yam ai, kashun sha ai, rim la ai, tinang a hkum hpe shagrau ai hte nanhte hpe shabyi kahpret ya myit yang gaw, dai wa hpe nanhte sharang ya nga myit dai.

2 KORINHTU 4:5

Kaning rai nme law, anhte gaw tinang a lam hkaw dan ga ai n re ai sha, Madu Hkristu Yesu a lam hpe mung, anhte nan Yesu a jaw e nanhte a mayam ni rai nga ga ai lam hpe mung, hkaw dan nga ga ai.

2 KORINHTU 5:7

myi hte mu lu ai n re ai sha, makam masham a marang e anhte hkawm nga ga ai;

1 PETRU 5:3

dai hpung hpe madu mayu ai myit hte n re ai sha, dai hpung hta lawm ai ni a man e ningli apawt tai nga myit ga.