2 KORINHTU 1:21 - Jinghpaw Hanson Version Bible

²¹ Nanhte hte rau anhte hpe Hkristu hta e shagrin da nna, anhte hpe namman chya ya ai wa gaw, Karai Kasang hkrai rai nga ai:

Jinghpaw Common Language Bible 2009

²¹ Nanhte hte anhte hpe Hkristu hta langai sha tai hkra asak hkrung shangun ai wa gaw Karai Kasang shi nan rai nga ai.

2 KORINHTU 1:21 ပူးပေါင်းရင်းမြစ်များ

SHAKAWN KUNGDAWN 45:7

Nang gaw dinghpring ai tsaw nna yubak hpe n dawng ndai: Dai majaw Karai Kasang gaw, na a Karai Kasang, Na a manang ni hta, kabu gara ai namman hte nang hpe grau chya ya nit dai.

SHAKAWN KUNGDAWN 87:5

“Langai hte langai, Ziun mung hta shangai wa masai, Tsaw Htum ai Wa mung, dai hpe shadaw da wu ai,” Ngu nna Ziun a lam masha ni tsun na maru ai.

SHAKAWN KUNGDAWN 89:4

Na a aru arat hpe tutnawng e, ngai shagrin da nga nna, Na a tingnyang hpe prat mi hte prat mi shadun da na we ai,” nga nit dai. [Selah.]

ESAIA 49:8

Yehowa ning nga ai: “Ang wa ai aten e ngai na a ga htan ya de ai, hkye hkrang la ai nhtoi e ngai nang hpe karum de ai; ngai nang hpe makawp maga nna, dai mung hpe bai shagrin da na hte, katsi katsang re ai shara ni hpe bai madu na matu, mung masha ni a ga shaka nang hpe shatai na de ai:

ESAIA 59:21

Bai Yehowa gaw, “Ngai shanhte hte tawn da ai, nye a ga shaka gaw, da ndai rai nga ai: na ntsa e dung ai nye a wenyi mung, na n-gup hta ngai bang da ai nye a sumtu ga mung, na a n-gup hta na mung, na nshu nsha ni a n-gup hta na mung, na a shu mashi shu masha ni a n-gup hta na mung, ya kaw nna htani htana prat du hkra, htum mat na n rai,” nga nna Yehowa tsun ai.

ESAIA 61:1

Madu Yehowa a Wenyi gaw nye a ntsa e dung nga ai; kaning rai nme law nga yang, matsan mayan ni hpe kabu gara shiga hkaw tsun dan na matu, Yehowa ngai hpe namman chya ya ni ai; gawng run ai ni a nma hpe ahkyen kayawp na matu mung, bawng dung ai ni hpe shalawt dat na lam, gyit hkang hkrum ai ni hpe htawng chyinghka hpaw ya na lam, hkaw dan na hte,

ESAIA 62:7

Shi gaw Yerusalem mare hpe garai n shagrin da ai hte, ga ntsa e shakawn kungdawn lam garai n shatai dingsa, shi hpe hkum sim shangun myit.

ESAIA 9:7

Madu gaw Yaku hpang de mungga shangun dat nna, dai gaw Israela ntsa e di hkrat nga ai.

JAW JAU 7:35

Dai gaw, Arun hte shi a shadang sha ni Yehowa a man e hkinjawng amu gun hpai nga na matu, shanhte hpe aya dang ai shani e Yehowa hpe wan hte nawng ai kumhpa ni hta na, shanhte lu la ai namman chya ya ai kumhtaw rai malu ai; Israela a kashu kasha ni a lata na kumhtaw dai lu la na matu, Yehowa shanhte hpe namman chya ya ai shani e hkang da ai lam rai nga ai: dai gaw shanhte a shu mashi shu masha prat dingsa na kumhtaw rai nga malu ai.

HABAKU 2:12

Asai jahkaw ai hte, kahtawng de ai wa, myit magaw ai hte, mare shangang ai wa, dingnye lu u ga!

YAWHAN 3:34

Karai Kasang e shangun dat ai wa gaw, Karai Kasang a mungga tsun nga ai: kaning rai nme law, Karai Kasang gaw shadawn sharam nna sha, Wenyi jaw wu ai n rai.

KASA 10:38

dai gaw Nazaret wa Yesu a lam rai nga ai; Karai Kasang gaw Chyoi pra ai Wenyi hte mung, n-gun atsam hte mung, shi hpe chya ya wu ai; Karai Kasang shi hte rau rai nga ai majaw, mai kaja ai amu shi galaw nna, nat gumlau e zingri zingrat hkrum ai ni yawng mayawng hpe shamai ya let, kawan katsan hkawm nga ai.

ROMA 16:25

Amyu baw shagu makam masham a madat mara ai lu la hkra, htani htana Karai Kasang a matsun maroi ga majaw, myihtoi laika ni a jaw e kajai gara pri rai nga ai, chyi nma hpri nhpra e kyem da nhtawm,

ROMA 8:9

Nanhte hta e chyawm gaw Karai Kasang a Wenyi rawng nga myit yang gaw, nanhte hkum shan myit hta e n rai, Wenyi hta e nan rawng nga myit dai. Langai ngai gaw Hkristu a Wenyi n rawng yang dai wa shi hte n seng nga ai.

1 KORINHTU 1:8

anhte a Madu Yesu Hkristu a nhtoi e mung, mara shagun shara n nga hkra, shi nanhte hpe shangang shakang na marin dai.

2 KORINHTU 5:5

Dai chyeju nan lu la na anhte hpe shachyen ai wa gaw, Karai Kasang rai nga ai; shi gaw dai Wenyi a masat dingsat mung, anhte hpe jaw da ma ni ai.

KOLOSE 2:7

shi hta e ru jung nna gaw da nga ai hte, nanhte sharin achyin la ai hte maren, nanhte a makam masham hta ngang ngang hkang hkang rai nga let, dai hta e shakawn kungdawn ai hte law htam wa mu.

1 HTESALONI 3:13

anhte nanhte hpe tsawra nga ga ai hte maren, nanhte a tsawra ai myit gaw shada da hte yawng mayawng a matu, kaba wa nna law htam wa lu hkra, dai Madu shabyin ya u ga.

2 HTESALONI 2:17

nanhte a kraw lawang hpe shangwi shapyaw nga nna, mai kaja ai amu bungli hte ga sumtu amyu myu hta, nanhte hpe shangang jahkang nga myit ga law.

2 HTESALONI 2:8

Yeng kau hkrum ai shaloi e dai n tara ai wa gaw dan pru wa na ra ai: Madu Yesu chyawm gaw shi a n-gup na wenyi hte shi hpe sat kau nna, shi a yu wa ai a dan hkung kama ai hte shaza kau na ru ai.

2 HTESALONI 3:3

Dai Madu chyawm gaw kangka rai nga ai rai nna, shi nanhte hpe shangang jahkang ya nna, n hkru n hkra ai hta na, bau sin na marin dai.

HEBRE 13:9

Sharin shaga ai lam tsasam amyu myu de hkum htawt hkum hkan myit: hkan nang ai ni a matu hpa akyu n shabyin ya lu ai shahpa lam hte n rai, chyeju lam hte she myit masin hpe shangang shakang lu na, mai kaja nga ai.

1 PETRU 5:10

Nanhte mahtang chyahkring chyahkra nni nkri hkrum ai hpang, Hkristu hta e htani htana nga ai hpung shingkang a matu, nanhte hpe shaga la da ai, chyeju hkum hkum rawng ai Karai Kasang gaw, shi hkum nan, nanhte hpe shakup shatsup na, shangang shakang na hte n-gun sharawng na marin dai.

1 YAWHAN 2:20

Nanhte mahtang gaw dai Chyoi Pra ai wa kaw na nam man chya ai chyeju hpe hkam la lu myit dai rai nna, yawng mayawng hte hpe chye lu myit dai.

1 YAWHAN 2:27

Nanhte hta chyawm gaw, shi kaw nna nanhte lu la ai nam man chya ai chyeju gaw, anga nga ai rai nna, kadai wa mi nanhte hpe sharin shaga lu na shara n nga ai. Rai timung, shi a namman chya ai chyeju gaw, lam shagu hta e nanhte hpe sharin shaga nga ai hte, dai gaw tengman nga ai rai nna, masu ai hpa n lawm ai sha, nanhte hpe sharin shaga nga ai hte maren, shi hta e nanhte anga nga myit dai.

SHINGRAN 1:6

shi a Kawa Karai Kasang a matu anhte hpe mungdan amyu hte hkinjawng amyu shatai ai wa kaw, hpung shingkang hte daru magam ahkang gaw, htani htana e anga nga u ga law. Amen.

SHINGRAN 3:18

Dai re ai majaw, nang sut su u ga, wan mang hta jen kau sai ja jet hpe mung, na a singgu krin re ai kaya hpa masha man e n dawng lit ga, nang lawai na matu hpraw ai hpun palawng mung, na a myi mu lu lit ga, chya na matu myi tsi mung, ngai kaw na mari la lu na, ngai nang hpe hpaji daw ya de ai.