2 KORINHTU 1:17 - Jinghpaw Hanson Version Bible

¹⁷ Ya, shing rai ngai myit da nga yang, ngai gaja wa nhting nhtang re ai myit madun nngai kun? Bai, nye a ga gaw, Rai sa, rai sa, nga ai gaw, N rai, n rai, tai wa u ga, ngu nna ngai myit da ai gaw, dinghta myit hku hkan nna myit da nngai kun?

Jinghpaw Common Language Bible 2009

¹⁷ Ya ndai zawn yaw shada ai hta ngai gaw myit n grin ai kajam kalam myit rawng ai wa re ai lam madun nga nngai kun? Nye a yaw shada ai lam ni hpe ngai myit daw dan sa wa ai shaloi tinang akyu tam ai maw mawn ai myit hte galaw sa wa nngai kun? Aten langai mi hta sha, “Rai sa, rai sa,” nga nna mung, “N rai law, n rai law,” nga nna mung, ga kabra tsun nngai kun?

2 KORINHTU 1:17 ပူးပေါင်းရင်းမြစ်များ

YEREMIA 23:32

Yu u, masu ai yup mang hkai dan nna, tinang a masu ga hte kaman lila grang ai ga majaw, nye amyu masha ni hpe lam dam shangun ai myihtoi ni hpe, ngai hkap daw na nngai: ngai shanhte hpe shangun ai, n rai, hkang da ai mung, n rai; shanhte gaw ndai amyu a matu, akyu n nga ai, nga nna Yehowa tsun ai.

ZEHPANI 3:4

Myihtoi ni gaw ga kaman tsun nna, hkalem hkalau ai ni, rai nga ma ai: hkinjawng ni gaw, dai chyoi pra ai shata hpe, awu asin di kau nna, jep ai tara hpe shanut kau ma ai.

MAHTE 1:19

Shi a madu wa Yawsep chyawm gaw, dingman nga ai rai nna, shi hpe n shabrawng mayu wu ai majaw, shi e lagyim dat kau na maw nga ai.

MAHTE 5:37

Na a ga gaw, Rai sa nga yang, rai u ga, N rai, nga yang, n rai u ga; dai hta lai ai ga nlang hte gaw n kaja ai wa hte seng nga ai.

YAWHAN 8:15

Nanhte gaw hkum shan lam hku sha dawdan myit dai; ngai gaw kadai hpe mung n dawdan nngai.

2 KORINHTU 1:12

Kaning rai nme law, Karai Kasang a chyoi pra nna san seng ai myit hte, dinghta hpaji n lawm ai sha, Karai Kasang a chyeju hte, mungkan ga e anhte htinglet nga nna, nanhte hte rau grau nna dai zawn rai nga ga ai hpe, anhte a myit masin a sakse hkam ai lam ngu ai gaw, anhte a gumrawng shara rai nga ai.

2 KORINHTU 11:18

Masha law law wa hkum shan lam hta gumrawng nga ma ai majaw, ngai mung gumrawng na nngai.

GALATI 1:16

shi a chyeju majaw ngai hpe shaga la nna shi Kasha a lam ngai hta shapraw dan na ra nga ai shaloi jang, ngai hkum shan yan asai hpe bawng yu nngai n rai.

GALATI 2:2

Shingran ga hte maren ngai lung wa nngai rai nna, ngai galaw yu sai amu hte, ya e galaw nga ai amu gaw, kaman lila n rai dam nhten ngu nna, maigan amyu ni hpe ngai hkaw tsun dan ai kabu gara shiga hpe, shanhte a man e mung, arawng lu ai ni a man e kaga lak mung, hkai dan dat made ai.

1 HTESALONI 2:18

Dai re ai majaw, ngai Pawlu nan, nanhte hpang de du na lang lahkawng lang myit lawn ga ai rai timung, Satan gaw anhte hpe hkum shadang kau mi ai.

YAKU 5:12

Ya mahkra hta n-ga nye a hpunau ni e, hpa hpe mung dagam dala hkum nga myit: sumsing lamu hte dinghta aga hpe dagam dala hkum nga myit: dagam dala ai ga kaga mung hkum tsun nga myit. Nanhte dawdan ai n hkrum myit ga, nanhte a aga gaw, Re ai gaw, re ai, N re ai gaw, n re ai, rai nga malit ga.

TARA AGYI 9:4

Bala-berit nta na gumhpraw lap sanit shi shaw ya dat wu ai: shaloi Abimelek gaw gumhpraw jaw nna, pagawn para re ai masha hpe saw wu ai.