2 KORINHTU 1:10 - Jinghpaw Hanson Version Bible

¹⁰ Shi gaw ning san ai si lam hta na anhte hpe mawai la ma ni ai rai nna, naw mawai la na mi ai; shi anhte hpe naw mawai la na, anhte shi hpe myit mada nga ga ai rai nna, law law ni a myi man a marang e anhte lu la ai chyeju a majaw,

Jinghpaw Common Language Bible 2009

¹⁰ Shi gaw shing san ai hkrithpa si lam hta na anhte hpe mawai la mani ai rai nna, bai mung naw mawai la na mi ai. Nanhte mung nanhte a akyu hpyi ai hku nna anhte hpe karum nga myit dai majaw, naw hkye la na ra ai ngu nna anhte shi hpe naw myit mada ala nga ga ai.

2 KORINHTU 1:10 ပူးပေါင်းရင်းမြစ်များ

SHAKAWN KUNGDAWN 34:19

Dingman ai wa gaw ru tsang law law hkrum nga timung, Yehowa shi hpe nlang hta na mawai la nu ai.

ESAIA 46:3

Yaku a nta dap ni e, shangai shani kaw na ngai pawn ba ai hte, hkritung kaw nna gun hpai hkrum ai, naw ngam nga ai Israela nta dap ni e, nye a ga madat mu.

Daniela 3:17

Anhte daw jau nga ai Karai Kasang gaw, grung nga ai wan htung hta na, anhte hpe shaw la lu na ra ai: hkawhkam wa e, shi gaw na a lata na mung, anhte hpe mawai la na ra ai.

Daniela 6:16

Shaloi hkawhkam wa ahkang jaw nna, shanhte gaw Daniela hpe woi la nhtawm, hkanghkyi nhkun hta jahkrat bang kau mu ai. Hkawhkam wa chyawm gaw, “Daniela e, nang n sim n sa nawku nga ai, na a Karai Kasang gaw, nang hpe mawai la na ra ai,” ngu wu ai.

KASA 26:21

Dai lam a majaw Yuda masha ni, nawku Htingnu e ngai hpe rim la nna, sat kau na maw mi ai.

ROMA 15:31

Karai Kasang a myit e, kabu gara ai hte nanhte kaw du lu nna, nanhte hte rau ban sa ai hkam la lu n ga,

2 KORINHTU 1:9

dai hta n-ga, anhte gaw tinang dai n shamyet ai sha, si mat ai ni hpe hkrung sharawt ya ai Karai Kasang hpe sha shamyet shanat nga u ga, anhte nan tinang hkum hta si na dawdan gun saga ai.

2 KORINHTU 6:9

hkalem sha ai ni zawn rai timung, tengman nga ga ai ni; gade e n dum n chye ai ni zawn rai timung, kajai gumhkawng hkrum ai ni; si hkrung si htan hkrum ai ni rai timung, yu mu, anhte ahkrung nga ga ai;

1 TIMOHTI 4:10

dai rai nna, shinggyim masha mahkra hte kamsham ai ni hpe grau nna hkye hkrang la ai Madu rai nga ai, ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw nna a shaja nga ga ai.

2 TIMOHTI 4:17

Rai timung, nye a jaw e dai hkaw dan ai ga hpe dan dan hkaw shahproi lu nna, maigan amyu ni yawng na la lu hkra, dai Madu gaw ngai hpang maga de rau tsap nga nna, ngai hpe n-gun shaja ya ai hte, hkanghkyi a n-gup hta na mawai la ai ngai hkrum ni ai.

2 PETRU 2:9

Dai madu gaw, tara hkungga ai ni hpe agung alau kata na mawai la na hte, n ding n hpring ai ni hpe ari jahkrum na matu, tara dara na nhtoi du hkra hkang tawn da na nga, chye nga ai: dai hkum shan a matsat shabat marin ai lam hta hkawm wa ma ai rai nna, ahkang aya lu ai ni hpe n gawn n sawn di mu ai ni nan, grau nna dai zawn di na, shi chye nga ai.

1 SAMUELA 17:37

Bai Dawi gaw, “Hkanghkyi hte tsap a lata na ngai hpe hkye la ai Yehowa gaw, dai Hpilisti wa a lata na mung hkye la na ra ai,” ngu wu ai. Shawlu mung, “Sa sa, Yehowa nang hte rau nga na ra ai,” ngu nna Dawi hpe tsun wu ai.

1 SAMUELA 7:12

Dai shaloi e Samuela nlung la nna, Mizpa hte Shen lapran e jung tawn nhtawm, “Yehowa anhte hpe ya du hkra karum ma ni ai,” nga nna nlung dai hpe Ebeneza ngu shamying wu ai.