2 KORINHTU 1:1 - Jinghpaw Hanson Version Bible

¹ Karai Kasang myit ra ai hte maren, Hkristu Yesu a kasa, ngai Pawlu hte, hpunau Timohti gaw, Korinhtu mare na Karai Kasang a Hpung hte Ahkaia mung ting na chyoi pra ai ni nlang hte hpe, ga shana dat ga ai.

Jinghpaw Common Language Bible 2009

¹ Karai Kasang a myit ra ai hku hte maren, Hkristu Yesu a Kasa wa ngai Pawlu hte anhte a hpu nau Timohti gaw, Korinhtu mare na Karai Kasang a hpung hte Ahkaia mung ting na Karai Kasang a masha ni nlang hte hpe shakram dat ga ai.

2 KORINHTU 1:1 ပူးပေါင်းရင်းမြစ်များ

KASA 16:1

Derbe hte Lustra mare de mung shi du nna, yu u, dai yang e Timohti mying ai sape langai mi nga nga ai; kanu gaw kamsham ai Yuda num, kawa chyawm gaw, Heleni masha rai nga ai.

ROMA 15:26

Kaning rai nme law, Makedoni hte Ahkaia mung masha ni gaw, Yerusalem na chyoi pra ai ni hta na matsan mayan ai ni a matu, shawang kumhpa langai mi lahkawn na, myit madu nga masai.

ROMA 16:21

Nye a shingdep shingtau wa Timohti hte, nye a baw sang rai nga ai Luki, Yasun hte Sosipata hte gaw nanhte hpe shakram dat ma ai.

ROMA 16:5

Asi mung e Hkristu a matu shawng si ai asi rai nga ai, ngai tsawra ai Eponetu hpe shakram ya mi.

1 KORINHTU 10:32

Masha yawng mayawng hkye hkrang la ai hkrum mu ga she, lam shagu hta nlang hte hpe ngai hkan jahkau nna, nye a akyu n re ai sha,

1 KORINHTU 16:10

Timohti nanhte kaw du dam a yang gaw, shi n hkrit ai sha nanhte hte rau nga nga lu u ga, yu yu nga mu; kaning rai nme law, shi gaw ngai hte maren dai Madu a magam bungli hpe gun hpai nga ai.

1 KORINHTU 16:15

Ngai nanhte hpe shadut jahkat made ai, hpunau ni e; Stehpan a nta masha ni gaw, Ahkaia mung na shawng si ai asi rai nga ai hte, chyoi pra ai ni hpe galaw daw na shanhte tinang dai myit hkut nga ma ai hpe, nanhte chye myit dai rai nna,

1 KORINHTU 16:24

Nye a tsawra ai myit gaw, Hkristu Yesu hta e nanhte yawng hte rau anga nga u ga law.

1 KORINHTU 6:11

Nanhte nkau mi gaw shing rai chyalu ni rai nga myit dai: rai timung, nanhte gaw anhte a Madu Yesu Hkristu a mying ningsang hte, anhte a Karai Kasang a Wenyi e kashin kamun kau ai mung, shachyoi shapra ai mung, dinghpring ngu ai mung, hkam la manit dai.

2 KORINHTU 1:19

Kaning rai nme law, ngai hte Silwanu yan Timohti gaw, nanhte hpe hkaw dan yu sai Karai Kasang a Kasha Hkristu Yesu gaw, Rai sa, n rai sa, ngu ai mi n nga ai sha, shi hta e, Rai sa, ngu ai sha tai wa ai.

2 KORINHTU 1:23

Nanhte hpe matsam dum na majaw sha, ngai Korinhtu mare de rai n sa du ai gaw, nye a myit masin hta sakse tai na, Karai Kasang hpe ngai shaga nngai.

2 KORINHTU 11:10

Hkristu a tengman ai ga ngai hta rawng nga ai hte maren, ngai ning rai gumrawng shara nga ai hpe Ahkaia mung ginwang hkan e kadai mung hkum da lu na n rai.

2 KORINHTU 9:2

Kaning rai nme law nanhte a galaw mayu ai myit ngai chye nna, de a lam nanhte a jaw e gumrawng let, Ahkaia mung na ni maning kaw nna lajang jin nga masai, ngu nna Makedoni masha ni hpe tsun nngai: nanhte a sharawng ai myit mung, dai malaw maga hpe shadum sha-awn nga ai.

GALATI 1:1

Masha kaw na n rai, masha a ahkang majaw mung n re ai sha, Yesu Hkristu hte si mat ai ni kaw na shi hpe sharawt la ai Kawa Karai Kasang a ahkang majaw kasa rai nga ai ngai Pawlu hte,

GALATI 3:26

Kaning rai nme law, Hkristu Yesu hta e kamsham nga myit dai majaw, nanhte nlang hte gaw, Karai Kasang a kashu kasha ni rai nga myit dai.

EHPESU 1:1

Karai Kasang a myit ra ai a majaw, Hkristu Yesu a kasa rai nga ai, ngai Pawlu gaw, Ehpesu mare hta e nga ai chyoi pra ai ni hte, Hkristu Yesu hta kangka rai nga ai ni hpe, ga shana dat nngai.

HPILIPI 1:1

Hkristu a mayam rai nga ai Pawlu yan Timohti gaw, Hpilipi mare e nga nga ai, Hkristu Yesu hta e chyoi pra ai ni nlang hte hte, hpung up ni hte hpungtau ni hpe nawng, ga shana dat ga ai.

1 HTESALONI 1:1

Pawlu, Silwanu hte Timohti hte gaw, Kawa Karai Kasang hte Madu Yesu Hkristu hta rai nga ai, Htesaloni masha ni a Hpung hpe, ga shana dat ga ai. Chyeju hte ngwipyaw ai gaw, nanhte hta e anga nga malit ga law.

1 HTESALONI 3:2

ndai tsin-yam tsindam a majaw kadai mung shamu shamawt n rai myit ga, nanhte hpe shadaw shalan nna, nanhte a makam masham hpe shangwi shapyaw na matu,

2 HTESALONI 1:1

Pawlu, Silwanu hte Timohti hte gaw, anhte a Wa Karai Kasang hte Madu Yesu Hkristu hta rai nga ai Htesaloni masha ni a Hpung hpe, ga shana dat ga ai.

1 TIMOHTI 1:1

Anhte a Hkye hkrang la ai Madu Karai Kasang hte, anhte a myit mada shara rai nga ai Hkristu Yesu a htet da ai hte maren, Hkristu Yesu a kasa rai nga ai, ngai Pawlu gaw, dai makam masham hta nye a kasha majing rai nga ai Timohti hpe ga shana dat nngai.

2 TIMOHTI 1:1

Hkristu Yesu hta e rawng ai asak jaw na lam a ga ndat hte maren, Karai Kasang a myit ra ai hku majaw, Hkristu Yesu a kasa rai nga ai, ngai Pawlu gaw, nye tsawra ai ngai sha Timohti hpe, ga shana dat nngai.

TITU 1:1

Karai Kasang a lata la ai ni a makam masham hte, tara hkungga lam hte seng ai, tengman ai ga a chye chyang ai hku hte maren, htani htana asak lu la na myit mada shara chye lu hkra,

HPILEMON 1:1

Hkristu Yesu a bawng dung ai wa, ngai Pawlu hte hpunau Timohti gaw, anhte amu shingtau ai, tsawra ai wa Hpilemon hpe mung,

HEBRE 13:23

Anhte a hpunau Timohti gaw raw dat hkrum sai hpe, chye nga manu; shi alawan du yang gaw, ngai shi hte rau sa nna, nanhte hte hkrum na ring ngai.