2 HKAWHKAM 9:3 - Jinghpaw Hanson Version Bible

³ dai namman tau la nna, shi a baw hta ru bun let, Yehowa ning nga ai: ‘Nang Israela hkawhkam tai na matu, ngai nang hpe namman chya ya sade ai,’ nga nna tsun ngut jang, hpa n hkring nga ai sha, chyinghka hpaw nna gat sa su,” ngu dat wu ai.

Jinghpaw Common Language Bible 2009

³ ndai tsanlun sau shi a baw ntsa e ru bun let, ‘Israela hkawhkam tai na matu nang hpe namman jaw ya u, nga nna dai Madu tsun ai,’ ngu tsun u. Dai hpang dai yang kaw nna nang chyang lu ai made pru mat wa u,” ngu nna tsun wu ai.

2 HKAWHKAM 9:3 ပူးပေါင်းရင်းမြစ်များ

1 HKAWHKAM 1:34

dai shara hta e hkinjawng Zadok yan myihtoi Nahtan gaw, shi hpe Israela hkawhkam shatai na matu, namman chya ya mu ga: pahke dum let, hkawhkam Shawlumon gaw ahkrung nga u ga law,” ngu nna tsun mu;

1 HKAWHKAM 19:16

bai, Israela hkawhkam tai na matu Nimshi a kasha Yehu hpe namman chya ya na ndai; bai, na a malai myihtoi tai na matu, Abela-mehola mare na Shahpat a kasha Elisha hpe namman chya ya na ndai.

2 HKAWHKAM 8:13

Bai Hazaela gaw, “Na a mayam wa gwi she rai nga ai mi, ndai daram kaba ai amu galaw lu na rai ni?” ngu nna san wu yang, Elisha gaw, “Nang Suri mung na hkawhkam tai na gaw, Yehowa ngai hpe madun dan ni ai,” ngu nna htan wu ai.

2 HKAWHKAM 9:6

Shaloi shi rawt nna nta nhku de shang wa yang, myihtoi ma gaw shi a baw ntsa e namman ru bun let, Israela Karai Kasang Yehowa ning nga ai: “Nang gaw Yehowa a amyu, ngu ai, Israela amyu ntsa e hkawhkam tai na matu, nang hpe namman chya ya ni ai.

2 HKAWHKAM LABAU 22:7

Ahazia gaw Yoram hte rau sa wa ai majaw, shi a hten wa ai lam Karai Kasang kaw na rai nga ai: shi sa du yang shi gaw Yehoram hte rau Nimshi a kasha Yehu hpe sa hkap tau ma ai: dai wa gaw Ahab a nta masha ni hpe sat kau na matu, Yehowa shi hpe namman chya ya wu ai.

PRU MAT 29:7

Shing di nhtawm chya na namman la nna, shi a baw hta ru bun let shi hpe chya na rai wu ai.

Daniela 2:1

Nebuhkadneza gaw, shi hkaw dung ai ni ning hta e, yup mang mu nna, myit ung ang ai majaw, yup n lu sha nga ai.

Daniela 4:35

mungkan masha ni yawng mayawng shi a man e hpa mi n rai nga ai: sumsing lamu na luksuk laba ni hta mung, mungkan ga e shanu ai ni hta mung, shi galaw mayu ai hte maren galaw nna, shi a lata hpe hkum da ai wa n nga ai: “Nang hpa galaw nga n ta?” nga nna shi hpe tsun lu ai wa kadai mung n nga ai.

Daniela 5:18

Nang hkawhkam wa e, Tsaw Htum ai Karai Kasang gaw, na nwa Nebuhkadneza hpe mungdan hte hpawn, daru magam, arawng sadang hte hpung shingkang jaw wu ai:

JAW JAU 8:12

Dai chya ai namman hpe Arun a baw hta ru jaw nhtawm, shi hpe chya nna shachyoi shapra wu ai.

MAHTE 10:16

Yu mu, chyahkyawn ni a ka-ang de sagu hpe zawn, ngai nanhte hpe shangun dat made ai: dai rai nna nanhte gaw; lapu zawn hpaji rawng nna, hkrudu zawn myit shingdi nga mu.

MAHTE 2:13

Ya shanhte wa mat ai hpang, yu mu, dai Madu a lamu kasa langai mi yup mang hta Yawsep kaw dan pru nna, “Rawt u, dai ma kaji hte shi a kanu hpe woi la nna, Egutu mung de hprawng sa u: ngai nang hpe bai shaga ai ladaw du hkra, dai yang e anga nga su; kaning rai nme law, dai ma kaji hpe sat kau na, Herod tam magang ra ai,” ngu wu ai.

MAHTE 26:7

nachying hpu ai mura rawng ai lunghpraw gawm lang ai numsha langai mi, shi shat sha na hkrawn taw nga yang, shi hpang de sa nna shi a baw hta e ru bun wu ai.

1 SAMUELA 10:1

Shaloi Samuela gaw, namman tauba la nna, Shawlu a baw e jaw bun nhtawm shi hpe pup nna, “Yehowa gaw, shi a Sali amyu a du tai na matu, nang hpe namman chya ya nit dai, n rai ni?

1 SAMUELA 15:1

Shaloi Samuela gaw Shawlu hpe, “Yehowa amyu Israela hpe up na matu, nang hpe namman chya su, nga nna Yehowa ngai hpe shangun ni ai: dai re ai majaw, Yehowa tsun ai ga ya madat u.

1 SAMUELA 15:17

Shaloi Samuela gaw, “Nang gaw, nang hkum dai pyi, kaji dum ai wa rai nga ninglen, Israela amyu ni a baw nang tai nit dai, n rai ni? Yehowa nang hpe Israela amyu ntsa e hkawhkam shatai na namman chya nit dai;

1 SAMUELA 16:2

Samuela chyawm gaw, “Ngai kaning rai sa lu na rai ta? Shawlu na jang, ngai hpe sat kau na ring ngai,” ngu wu ai. Yehowa gaw, “Dumsu upra langai mi la nna, Yehowa hpe hkungga jaw na sa wa nngai, ngu nna tsun u.

1 SAMUELA 9:16

“Hpawt de ndai ten e, Ben-yamin ga na masha langai mi, nang hpang de ngai shangun dat na ring ngai; dai wa hpe nye a amyu Israela du shatai nna, namman chya aya dang na rai ndai; shi gaw nye a amyu masha ni hpe, Hpilisti masha ni a lata na hkye la na ra ai: kaning rai nme law, shanhte a jahtau shaga ai nsen, nye a na hta hkrang ra ai rai nna, nye a amyu hpe ngai mada mara se ai,” ngu nna shi hpe shadan dan ya wu ai.