2 HKAWHKAM 8:4 - Jinghpaw Hanson Version Bible

⁴ Dai shaloi e hkawhkam wa gaw Karai Kasang a masha wa a shangun ma Gehazi hte ga tsun let; “Elisha galaw ai magam amu mahkra a lam, ngai hpe gawn dan yu e,” ngu nna hpyi wu ai.

Jinghpaw Common Language Bible 2009

⁴ Elisha a shangun ma Gehazi hte ga shaga nga ai hkawhkam wa hpe shi sa mu wu ai. Hkawhkam wa chyawm gaw Elisha galaw ai mauhpa lamik kumla hte seng ai lam ni hpe chye la mayu nga wu ai.

2 HKAWHKAM 8:4 ပူးပေါင်းရင်းမြစ်များ

KASA 24:24

Dai hpang gade ya garai n na yang, Hpilik gaw, Yuda num Drusila ngu ai madu jan hte sa nna, Pawlu hpe shaga la nhtawm, Hkristu Yesu a makam masham lam tsun dan ai madat la wu ai.

YAWHAN 9:27

Dai wa gaw, “Ya sha mung ngai nanhte hpe tsun ni ai, nanhte she n na myit dai; hpa rai bai na mayu myit ta? nanhte mung shi a sape tai mayu myit ni?” ngu nna shanhte hpe bai htan wu ai.

LUKA 23:8

Herod gaw Yesu hpe mu jang grai kabu nga ai: kaning rai nme law, shi a lam na yu nu ai rai nna, shi galaw dan ai lamik kumla langai ngai mu lu na, nga nna myit mada nga ai majaw, shi hpe mu mayu ai na la salu ai.

LUKA 9:9

Herod mahtang gaw, Yawhan hpe ngai baw htau kau se ai; rai timung, ndai hte wa ngai na ai gaw, kadai wa rai ta?” nga nna, Yesu hpe mu yu na tam nga ai.

MAHTE 2:8

Betlehem de shanhte hpe shangun dat yang, “Nanhte sa nna, dai ma kaji a lam azin ayang hkan tam ai hte, shi hpe mu hkrup lu jang, ngai mung shi hpe sa nawku lu n ga, ngai hpe wa shana ya mi,” ngu nna tsun dat mu ai.

2 HKAWHKAM 7:10

Shing rai shanhte gaw mare chyinghka sin ai ni hpe sa shaga nna, “Anhte gaw Suri masha ni a hpyen dap de du saga ai, rai timung, masha langai mi muk n nga ai, masha a nsen mung n na ga ai, gumra ni hte lawze ni sha dun nga ma la ai rai nna, sum ni mung myi na ta rai nga ma ai,” ngu nna shanhte hpe tsun shana mu ai.

2 HKAWHKAM 7:3

Ya manggang gang ai masha mali mare chyinghka lam e nga nga ma ai, shanhte gaw, “Ataw, anhte si hkra hpa majaw nang e adung nga ga ta?

2 HKAWHKAM 7:1

Shaloi Elisha gaw, “Yehowa a ga madat mara mu, Yehowa ning nga ai, Hpawt de ndai aten e, Samari mare chyinghka lam hta e, muk shadung jik mi gumhpraw lap mi, muk-yaw mam hpai mi gumhpraw lap mi hte dut na ra ai,” ngu nna htawn tsun wu ai.

2 HKAWHKAM 6:32

Ya Elisha gaw shi a nta e nga nga nna, salang ni shi hte rau dung nga ma ai: hkawhkam wa mung kasa langai mi shi a shawng e shangun dat wu timung, kasa wa garai n du yang, Elisha gaw, “Masha sat ai wa a kasha, ndai wa gaw, nye a baw htau kau na nga du sa ra ai gaw, nanhte mu mada nga myit ni? yu mu, dai kasa wa du yang, chyinghka la da nna, chyinghka lam e shi hpe hkum da mu: shi madu a lagaw nsen shi a hpang e ngoi nang nga ai n rai ni?” ngu nna salang ni hpe tsun mu ai.

2 HKAWHKAM 6:6

Shaloi Karai Kasang a masha wa gaw, “Gara kaw hkrat a ta?” san wu yang, shi hpe hkrat ai shara madun dan wu ai. Shing rai myihtoi wa gaw, hpun dingshan langai mi kahtam la nna, dai shara de kabai bang dat wu yang, dai hpri gaw waw pru wa ai.

2 HKAWHKAM 5:14

Shing rai shi gaw, Karai Kasang a masha wa tsun ai hte maren, Yawdan hka de yu wa nna, shi hkum hpe sanit lang kapruk jang, shi a hkum shan gaw ma kaji a hkum shan zawn rai mat nna, shi gaw san pra wa ai.

2 HKAWHKAM 4:12

Shaloi Elisha gaw shi a shangun ma Gehazi hpe, “Shunem num hpe shaga la su,” ngu wu ai. Dai num gaw Elisha man e sa tsap nga ai.

2 HKAWHKAM 2:24

Shi mahtang kayin yu nna, shanhte hpe mada yu let, Yehowa a amying hte dagam kau mu ai. Shing rai tsap yi lahkawng, maling de na pru nna ma mali shi lahkawng hpe kawa sat kau mu ai.

2 HKAWHKAM 2:14

Elia gaw nna hkrat wa ai hpajawng hpe la nhtawm, hka hpe kayat let, shi gaw, “Elia a Karai Kasang Yehowa gaw kanang rai nga a ta?” ngu wu ai: shing rai dai hka hpe kayat yang, hka gaw gade de karan mat wa nna, Elisha gaw rap tawng mat wa ai.

2 HKAWHKAM 8:3

Ya sanit ning ladu hkrum yang, dai numsha gaw Hpilisti mung na bai wa nna, shi a nta hte yi hkauna ni sa hpyi na nga, hkawhkam wa kaw sa shang wu ai.

2 HKAWHKAM 4:25

Shing rai shi wa wa nna, Hkarmela bum de nga ai Karai Kasang a masha wa kaw du ai. Ya Karai Kasang a masha wa gaw tsan tsan kaw nna shi hpe mu mada jang, shi gaw shi a shangun ma Gehazi hpe, “Yu u, Shunem num gaw wora de du ra ai: