2 HKAWHKAM 7:9 - Jinghpaw Hanson Version Bible

⁹ Dai hpang shanhte gaw, “Anhte galaw ai lam n mai nga ai, dai ni gaw kaja ai shiga htawn tsun ai shani rai nga timung, anhte atsin sha nga nga ga ai, nhtoi leng hkra naw hkring nga ga yang gaw ari ahpri hkrum na ga ai, dai rai nna, sa marit, hkawhkam a nta masha ni hpe sa tsun shana ya ga,” nga nna shada bawng ma ai.

Jinghpaw Common Language Bible 2009

⁹ Rai ti mung shanhte shada da mahtang, “Ndai zawn re ai amu anhte n galaw ang na ga ai! Anhte shiga kaja lu ga ai, ti mung dai hpe anhte nan n shim da ang na ga ai. Jahpawt du hkra anhte naw ala nga ai rai yang, teng teng ari jaw ai hkrum na ga ai. Dai rai nna hkawhkam wa a du salang ni hpe ya jang sa tsun dan saga!,” ngu nna tsun jahta hkat ma ai.

2 HKAWHKAM 7:9 ပူးပေါင်းရင်းမြစ်များ

2 HKAWHKAM 5:4

Dai rai nna marai langai mi gaw, “Israela mung na mahkawn ma ning nga a tsun nga ai,” ngu nna shi a madu hpe shang tsun wu ai.

2 HKAWHKAM 7:10

Shing rai shanhte gaw mare chyinghka sin ai ni hpe sa shaga nna, “Anhte gaw Suri masha ni a hpyen dap de du saga ai, rai timung, masha langai mi muk n nga ai, masha a nsen mung n na ga ai, gumra ni hte lawze ni sha dun nga ma la ai rai nna, sum ni mung myi na ta rai nga ma ai,” ngu nna shanhte hpe tsun shana mu ai.

2 HKAWHKAM 7:3

Ya manggang gang ai masha mali mare chyinghka lam e nga nga ma ai, shanhte gaw, “Ataw, anhte si hkra hpa majaw nang e adung nga ga ta?

2 HKAWHKAM 7:6

Kaning nme law, Madu gaw Suri masha ni hpe, hpyen leng ngoi ai hpe mung, gumra ngoi ai hpe mung, wunawng wuwa kaba ngoi ai nsen hpe na shangun mu ai rai nna, shanhte gaw, Yu mu, Israela hkawhkam gaw anhte hpe gasat na matu, Hiti hkawhkam ni, Egutu mung na hkawhkam ni hpe shaga manu ai,” nga nna shada da tsun kajawng nhtawm,

2 HKAWHKAM 7:8

Ya ndai manggang gang ai ni gaw, dap ndaw de du ma yang, shanhte sum langai mi hta shang nna, lusha nhtawm, dai kaw na aja gumhpraw hte hpun palawng ni hpe shaw la nna, sa makoi da mu ai, dai hpang sum kaga de mung wa shang nna arai ni hpe shaw la nhtawm sa makoi da mu ai.

GA SHAGAWP 24:16

Kaning rai nme law, dinghpring ai wa gaw sanit lang kataw timung, bai rawt lu na ra ai; Tara n lang ai ni chyawm gaw, tsin-yam tsindam hte htum mat na mara ai.

ESAIA 41:27

Yu mu, yu mu, dai lam byin na ra ai, ngu nna Ziun hpe shawng tsun ai wa ngai rai nga nngai; Yerusalem mare hpe kabu gara shiga htawn tsun ai wa ngai shapraw nngai.

ESAIA 52:7

Shiga kaja gun nna, ngwipyaw ai lam shana, kaja ai shiga kajai gumhkawng ai hte, hkye hkrang la ai lam shana ya let, “Na a Karai Kasang up nga ai,” nga nna Ziun hpe tsun shana ai wa a lagaw gaw, bum lang ntsa e gade tsawm htap nga a hka!

NAHUM 1:15

Mai kaja ai shiga hte, ngwipyaw lam tsun shana ya ai wa a lagaw hpe, bum lang ntsa e mada yu mu! Yuda e, na a poi ni hpe galaw u; na ndat ga rap raw u: n hkru ai wa gaw htawm hpang e nang kaw ga sa wa lu na n rai: shi gaw nhtum nni shamyit kau ai hkrum wa sai.

BU HKAWM 32:23

Dai hku n galaw myit yang chyawm gaw, nanhte Yehowa hpe shut myit dai rai nna, gaja wa teng teng nanhte a mara gaw nanhte hpe hkan dep na ra ai.

LUKA 2:10

Dai majaw lamu kasa gaw, “Hkum hkrit myit; yu mu, masha nlang a matu nachying kabu gara mai ai shiga, ngai nanhte kaw gun sa ring ngai;

HPILIPI 2:4

Langai hte langai tinang hte seng ai sha n rai, masha gale hte seng ai hpe mung, myit yu nga mu ga.