2 HKAWHKAM 7:8 - Jinghpaw Hanson Version Bible

⁸ Ya ndai manggang gang ai ni gaw, dap ndaw de du ma yang, shanhte sum langai mi hta shang nna, lusha nhtawm, dai kaw na aja gumhpraw hte hpun palawng ni hpe shaw la nna, sa makoi da mu ai, dai hpang sum kaga de mung wa shang nna arai ni hpe shaw la nhtawm sa makoi da mu ai.

Jinghpaw Common Language Bible 2009

⁸ Ya dai masha marai mali dap ndaw de du ma yang, shanhte gaw sum langai mi de shang mat wa nhtawm dai yang nga ai malu masha ni hpe lu sha la nna, shanhte mu tam ai aja, gumhpraw hte hpun palawng re ai ni hpe magra htawm la nna sa makoi da ma ai; dai hpang kaga sum de bai shang nna dai hte maren hkan galaw ma ai.

2 HKAWHKAM 7:8 ပူးပေါင်းရင်းမြစ်များ

2 HKAWHKAM 5:24

Ya dai kawng de du yang, Gehazi dai arai hpe shan a lata na la nna, nta nhku e kyem da nhtawm, shan lahkawng hpe shabawn dat nna, shan wa mat ma ai.

2 HKAWHKAM 7:9

Dai hpang shanhte gaw, “Anhte galaw ai lam n mai nga ai, dai ni gaw kaja ai shiga htawn tsun ai shani rai nga timung, anhte atsin sha nga nga ga ai, nhtoi leng hkra naw hkring nga ga yang gaw ari ahpri hkrum na ga ai, dai rai nna, sa marit, hkawhkam a nta masha ni hpe sa tsun shana ya ga,” nga nna shada bawng ma ai.

ESAIA 33:23

Na a li sumri ni malaw mat sai; sumpan shadaw hpe shangang lu ai n rai; sumpan hpe mung hpyan lu ai n rai: dai rai nna, lanep law law karan la lu myit dai; lagaw hten ai ni pyi, lanep kashun la lu ma ai.

YEREMIA 41:8

Dai ni hta lawm ai marai shi chyawm gaw, Anhte hpe hkum sat kau mi; anhte mahkawng da ai sut ngu ai, hkaulan mam, muk-yaw mam, sau hte lagat jahku pa ga e makoi nga ai, ngu nna Ishmaela hpe tsun mu ai majaw, shi dai ni hpe tawn da nna, kahpu kanau ni hte rau n sat kau mu ai.

MAHTE 13:44

Sumsing lamu a mungdan gaw, ga dachyawk hta e makoi da nna, masha mu hkrup lu ai hte, bai makoi da ai sutgan hte bung nga ai: kabu gara ai myit hte shi wa nhtawm e, shi lu malu hte hpe dut kau nna, ga dachyawk dai hpe mari la wu ai.

MAHTE 25:18

Joi mi arang ai wa mahtang pru sa nhtawm, nhkun htu nna, shi a madu a gumhpraw hpe lup da wu ai.

YAWSHU 7:21

ngai shut kau ai lam gaw, dai lanep rai hta na reng ai Shina hpajawng langai mi, gumhpraw shekela ni tsa hte shekela manga shi rawng ai ja hkaw langai mi ngai mu nna, dai hpe ra ai majaw la kau se ai: yu u, dai gaw nye a sum kata e ga hta lup da we ai, gumhpraw gaw ga de jahtum nga ai,” ngu nna tsun dan wu ai.