2 HKAWHKAM 7:5 - Jinghpaw Hanson Version Bible

⁵ Shing rai shanhte gaw Suri dap de shang na matu nhtoi garai n leng yang, rawt sa wa nna, Suri dap ndaw de du jang, yu mu, masha langai mi muk n nga nga ai.

Jinghpaw Common Language Bible 2009

⁵ Dai rai nna nsin sin wa mahka, Suri dap de shanhte sa wa ma ai. Rai ti mung dai shara de shanhte shang wa yang, dai yang e kadai mung n nga nga masai.

2 HKAWHKAM 7:5 ပူးပေါင်းရင်းမြစ်များ

TARA JAHPRANG 28:7

“Yehowa gaw nang hpe hpyen ai gumlau ni hpe na a man e jasum kau na mu ai: shanhte nang hpang de lam langai sha hta shang ma timung, lam sanit hku na a man na htaw mat na mara ai.

EZEKELA 12:12

Shanhte hpe up ai du gaw, tinang a lahpa hta hpai nna, nsin htat ai aten e pru na ra ai; shanhte gaw bunghku hpe htu waw nna, arung arai hpe shapraw na mara ai: shi gaw ga n mu lu hkra, tinang myi man hpe htinggrum na ra ai.

1 SAMUELA 30:17

Dawi mung, nnan shana de kaw nna hpang shana de du hkra, shanhte hpe gasat mu ai rai nna, gawla-uk jawn ai shabrang mali tsa hprawng lawt lu ai hta kaga, langai mi muk n lawt hkra sat kau nna,

TARA JAHPRANG 32:30

Shanhte a shamyet lunghkrung shanhte e dut ya ai n rai yang, Yehowa nan shanhte kaw ap kau ai n rai yang, Marai langai sha masha hkying mi hpe, Marai lahkawng e sha mun mi hpe, kaning rai hkan jahtaw kau lu a ta?

TARA JAHPRANG 32:25

Ndaw shinggan de na ari nhtu, Nhku kata de na hkrithpa amyu gaw, Mahkawn hte shabrang hpe n nga, Chyu chyu ai ma hte baw hpraw ai dingla hpe n da hkra, hpya kau na ra ai, nga ai.

JAW JAU 27:26

Yamnga hta na Yehowa a matu tawn sai alat hpe kadai mung shachyoi shapra san da lu na n rai: dumsu rai timung, sagu bainam rai timung, Yehowa a chyalu rai nga ai.

JAW JAU 27:8

Nang tawn ai manu hku n dang hkan ai wa hpe gaw, hkinjawng wa hpang de sa dat nna, hkinjawng wa gaw shi a manu tawn ya na rai wu ai: ga shaka da ai wa shi dang lu ai made hkinjawng wa sawn yu nna tawn ya na rai wu ai.

2 HKAWHKAM 7:4

Mare kata de shang ngu yang, dai yang e hku wa kaba hkrum nna si na ga ai, bai, nang e dung nga yang mung si ai hkrai hkrum na ga ai. Dai re ai majaw, sa marit; Suri luksuk ni hpang de shang bang wa saga, shanhte anhte hpe jahkrung da ni yang, hkrung nga na ga ai, sat kau mi yang, si na sha rai nga ai, nga nna shada da tsun hkat na ai.

2 HKAWHKAM 7:6

Kaning nme law, Madu gaw Suri masha ni hpe, hpyen leng ngoi ai hpe mung, gumra ngoi ai hpe mung, wunawng wuwa kaba ngoi ai nsen hpe na shangun mu ai rai nna, shanhte gaw, Yu mu, Israela hkawhkam gaw anhte hpe gasat na matu, Hiti hkawhkam ni, Egutu mung na hkawhkam ni hpe shaga manu ai,” nga nna shada da tsun kajawng nhtawm,