2 HKAWHKAM 5:9 - Jinghpaw Hanson Version Bible

⁹ Dai rai nna Naman gaw shi a gumra ni hte, shi a leng ni hte, sa du nna, Elisha a nta ndaw e tsap nga ai.

Jinghpaw Common Language Bible 2009

⁹ Dai rai nna Naman gaw shi a gumra ni hte shi a leng hte sa du nna, Elisha a nta ndaw e sa hkring nga wu ai.

2 HKAWHKAM 5:9 ပူးပေါင်းရင်းမြစ်များ

ESAIA 60:14

Nang hpe zingri zingrat ai ni a kashu kasha ni gaw, sa nna na a man e gum dagup na mara ai; nang hpe n kaw n law di ai ni yawng, na a lagaw nhpang e dingnyawm na mara ai; dai hta kaga shanhte gaw, nang hpe, Yehowa a mare, Israela Chyoi pra ai wa a Ziun mare, nga nna shamying na mara ai.

2 HKAWHKAM 6:32

Ya Elisha gaw shi a nta e nga nga nna, salang ni shi hte rau dung nga ma ai: hkawhkam wa mung kasa langai mi shi a shawng e shangun dat wu timung, kasa wa garai n du yang, Elisha gaw, “Masha sat ai wa a kasha, ndai wa gaw, nye a baw htau kau na nga du sa ra ai gaw, nanhte mu mada nga myit ni? yu mu, dai kasa wa du yang, chyinghka la da nna, chyinghka lam e shi hpe hkum da mu: shi madu a lagaw nsen shi a hpang e ngoi nang nga ai n rai ni?” ngu nna salang ni hpe tsun mu ai.

2 HKAWHKAM 3:12

Bai Yehosahpat gaw, “Yehowa a mungga dai wa hte rau rai nga ai,” ngu nna tsun wu yang, Israela hkawhkam, Yehosahpat hte Edom hkawhkam hte gaw shi hpang de yu wa ma ai.

2 HKAWHKAM 5:8

Israela hkawhkam wa gaw shi a hpun palawng gang je kau nga ai hpe, Karai Kasang a masha wa Elisha na wu yang, shi gaw hkawhkam wa hpang de shangun dat nna, “Nang hpa majaw na a hpun palawng gang je kau nga n ta? Dai wa hpe ngai hpang de shangun dat rit, Israela amyu hta e myihtoi nga nga ai gaw shi chye lu na ra ai,” ngu nna htet dat wu ai.

2 HKAWHKAM 5:10

Shaloi Elisha gaw shi hpang de shangun ma dat nna, “Nang gaw Yawdan hka hta e sanit lang sa shin u; shaloi na a hkum shan galai wa nna, nang san pra na rin dai,” ngu nna tsun shangun wu ai.