2 HKAWHKAM 1:3 - Jinghpaw Hanson Version Bible

³ Yehowa a lamu kasa chyawm gaw, Tishbi masha Elia hpe, “Rawt u, Samari hkawhkam a kasa ni hpe sa tau la nna, ‘Ataw, Israela mung hta e Karai Kasang n nga ai majaw, Ekron mare na Balazebu hpara hpe sa san yu na, rai myit ni?

Jinghpaw Common Language Bible 2009

³ Rai ti mung dai Madu a lamu kasa gaw Tishbi mare na myihtoi Elia hpe Hkawhkam Ahazia a kasa ni hte sa hkrum na matu hkang dat nhtawm shanhte hpe, “Nanhte hpa majaw Ekron karai Balazebu hpe sa san nga myit ni? Dai gaw Israela mung hta karai kaga n nga sai ngu nna nanhte myit nawn la myit dai majaw rai kun?

2 HKAWHKAM 1:3 ပူးပေါင်းရင်းမြစ်များ

1 HKAWHKAM 11:33

Kaning rai nme nga yang, shanhte ngai hpe kau da nna, Sidon Hpara shayi sha Ashtoret, Moba Hpara Hkemosha, Amon kashu kasha ni a Hpara Milhkom hpe nawku ai hte, shi a kawa Dawi zawn, nye a man e tengman ai amu galaw na hte, ngai htet da ai ga hte matsun maroi ga hpe hkan nang na matu, nye a lam ni hpe n hkan hkraw ma ai.

1 HKAWHKAM 17:1

Shaloi Gilead mung e sa nga ai Tirbi masha Elia gaw, Ahab hpe, “Ngai daw jaw nga ai Israela Karai Kasang Yehowa hkrung nga ai hte maren ngai n tsun yang gaw, ya kaw nna mari mung n hkrat, marang mung n htu na ra ai,” ngu wu ai.

1 HKAWHKAM 18:1

Ya tawng marang mi ngu na, masum ning hta e, Yehowa a ga gaw Elia kaw du nna, “Sa wa su, na hkum Ahab hpe madun dan su; ngai gaw ga ntsa e marang htu shangun na we ai,” ngu wu ai.

1 HKAWHKAM 18:36

Ya shana hkungga jaw ang ai aten e, myihtoi Elia sit sa nna, “Abraham a, Isak a, Israela a Karai Kasang Yehowa e; nang gaw Israela amyu hta Karai Kasang rai nga ai mung, ngai gaw na a shangun ma rai nga nngai mung, ndai ngai galaw ai yawng gaw, na a mungga hte ngai galaw nngai mung, dai ni jang chye lu hkra shapraw dan u:

1 HKAWHKAM 19:5

nga nna marau hpun npu e kaleng yup pyaw wa sai; shaloi yu u, lamu kasa langai mi shi hpe ahtawk let, “Rawt u, shat sha u,” ngu nna shi hpe tsun wu ai.

1 HKAWHKAM 19:7

Yehowa a lamu kasa mung bai sa nna, shi hpe ahtawk let, “Rawt u, shat sha u, nang sa wa na lam gaw na a matu naw yak la nga ai,” ngu wu ai.

1 HKAWHKAM 21:17

Shaloi Yehowa a ga Tishbi masha Elia kaw du nna,

2 HKAWHKAM 1:2

Ya Ahazia gaw, Samari mare hta e nga ai, shi a ntsa gawk na hkuwawt hku kaw nna di hkrat ai majaw machyi nga ai; shaloi shi gaw kasa shaga la nna shanhte hpe, “Ngai ndai machyi ai kaw na mai wa lu na kun? Ekron mare e nga ai Balazebu hpara hpe sa san yu ma su,” ngu dat mu ai.

2 HKAWHKAM 1:6

“Marai langai mi anhte hpe hkap tau la nna, ‘Nhtang wa ma su, nanhte hpe shangun dat ai hkawhkam wa hpe ning ngu wa tsun mu, Yehowa gaw ning nga ai, Israela mung hta e Karai Kasang n nga ai majaw, Ekron mare e nga ai Balazebu hpe nang sa san yu ai, rai nni? Dai re ai majaw, nang taw nga ai yup ku hta na, nang yu wa lu na n rai; gaja wa teng teng si na rin dai, ngu mu,” ngu dat mi ai.

2 HKAWHKAM 1:8

Shanhte gaw, “Dai wa gaw mun grai tu nna, shanhpyi shingkyit kyit ai wa re ai,” ngu nna htan mu ai. Shi gaw, “Dai wa Tishbi masha Elia nan rai nga ai,” nga ai.

2 HKAWHKAM 5:15

Dai rai nna shi gaw shi a hkan bawp hkan nang ai ni hte rau, Karai Kasang a masha wa hpang de bai sa nna, shi a man e tsap let, “Yu u, Israela mungdan hta kaga, ga ntsa ting hta e Karai Kasang shaje n nga ai gaw, ya ngai chye se ai: dai rai nna na a mayam wa a kumhpaw kumhpa hpe hkap la u,” ngu wu ai.

2 HKAWHKAM 5:8

Israela hkawhkam wa gaw shi a hpun palawng gang je kau nga ai hpe, Karai Kasang a masha wa Elisha na wu yang, shi gaw hkawhkam wa hpang de shangun dat nna, “Nang hpa majaw na a hpun palawng gang je kau nga n ta? Dai wa hpe ngai hpang de shangun dat rit, Israela amyu hta e myihtoi nga nga ai gaw shi chye lu na ra ai,” ngu nna htet dat wu ai.

SHAKAWN KUNGDAWN 76:1

Yuda mung hta e, Karai Kasang hpe chye ma ai: Israela hta e, shi a amying galu kaba nga ai.

ESAIA 8:19

Nat shung ai ni hte, mandan bau jawp kahte ai ni hpe tam mu, nga nna nanhte hpe tsun myit yang, masha amyu gaw tinang a Karai Kasang hpe tam mai na, n rai ni? hkrung nga ai ni a amu, si mat ai ni hpe mai san na rai ni?

YONA 2:8

Nye a kraw kata e minla byaw mat yang, Yehowa hpe ngai dum nga nngai; Nye a akyu hpyi ai ga, na a chyoi pra ai nawku Htingnu de, nang kaw hkrang sali ai.

MARKU 3:22

Dai hta n-ga, Yerusalem na yu wa ai laika ka ai sara ni mung, “Shi gaw Bezebula rawng ai wa rai nga ai; nat ni a agyi wa hte shi nat ni hpe shaden kau mu ai,” nga nna tsun ma ai.

KASA 8:26

Ya, Madu a lamu kasa Hpilip hpe tsun wu ai gaw, “Rawt u; Yerusalem kaw nna Gaza de hprang ai lam pru hkra, dingda de tawk sa wa su,” ngu wu ai; lam dai gaw nam mali lam rai nga ai.

1 SAMUELA 17:46

Yehowa, dai ni nye a lata hta nang hpe ap nna, nang hpe ngai sat nhtawm, na baw daw la na we ai: shing di, Hpilisti hpyen laba ni a mang hpe, ntsa malen u ni hte nam rai matse ni hpe, dai ni ngai jaw kau na we ai: shaloi, Israela amyu hta Karai Kasang nga nga ai gaw, mungkan ga ting chye lu na mara ai: