1 TIMOHTI 6:6 - Jinghpaw Hanson Version Bible

⁶ Gaja wa, tara hkungga ai gaw, myit dik ai hte nawng, amyat kaba rai nga ai:

Jinghpaw Common Language Bible 2009

⁶ Kaja wa nga yang gaw tinang lu ai hta myit dik chye ai rai yang nawku htung gaw masha langai mi hpe lu su shangun ai rai nga ai.

1 TIMOHTI 6:6 ပူးပေါင်းရင်းမြစ်များ

2 HKAWHKAM 6:2

Dai rai nna anhte gaw Yawdan hka kau de sa nhtawm, langai hte langai ngau shaw nna, dai yang e nga nga na shara galaw ga,” ngu nna hpyi mu ai. Shi gaw, “Sa wa ma su,” ngu mu ai.

SHAKAWN KUNGDAWN 37:16

Tara n lang ai ni a n taw n tsang lu ai hta, Dingman ai wa a kaji sha gaw, grau mai nga ai:

SHAKAWN KUNGDAWN 84:11

Yehowa Karai Kasang ajan hte n-gang rai nga ai, Yehowa gaw chyeju hte arawng sadang jaw lu ai; Dingman ai hku hkan ai ni hpe, shi kaja ai hpa mung ndang na n rai.

PRU MAT 2:21

Mawshe mung dai wa kaw nga ra nga ai rai nna, shi a shayi sha Tsihpura hte hkungran ya wu ai.

GA SHAGAWP 15:16

Yehowa hpe hkrit kamyin let, lu ai kaji sha gaw, Nji nmu hte lu ai sutgan law law hta, grau mai nga ai.

GA SHAGAWP 16:8

Dinghpring ai hte loi mi sha lu ai gaw, N tara ai hte law law lu la ai hta, grau mai nga ai.

GA SHAGAWP 28:25

Lawhpa myit rawng ai wa gaw, ga law ga la shabyin nga ai; Yehowa hpe machyu ai wa chyawm gaw, hpum sau na ra ai.

YEREMIA 35:9

nga na matu nta mung n galaw, tsabyi sun n hkai, yi hkauna n galaw, nli mung n gat;

LUKA 12:15

Shanhte hpe mung shi bai tsun mu ai gaw, Nammak lawhpa lam yawng hta na myit hpe shim shadang nna koi gam mu: kaning rai nme law, sutgan law htam wa ai hta, masha asak rawng ai n rai,” ngu mu ai.

LUKA 3:14

Hpyen masha ni mung, “Anhte wa gaw kaning rai na rai ta?” nga nna shi hpe san ma ai. Shi gaw, “Kadai hpe mung adip arip hkum rai myit: jahkrit shama sha ai mung hkum rai myit; nanhte a shabrai hte ram dum nga mu,” ngu nna shanhte hpe tsun mu ai.

ROMA 8:28

Dai rai nna, shakyet tawn da ai hte maren, shaga la ai hkrum ai ni ngu ai, Karai Kasang hpe tsawra ai ni a matu mara, yawng mayawng mai kaja hkra jawm byin wa sai, anhte chye ga ai.

2 KORINHTU 4:17

Kaning rai nme law, dandawng nga ai arai ni gaw ndai aprat na sha, n dan n dawng nga ai arai ni gaw htani htana na arai rai nga ai majaw, dandawng nga ai arai ni hpe anhte n tau yu ai sha, n dan n dawng ai arai ni hpe tau yu let,

HPILIPI 1:21

Kaning rai nme law, ngai asak hkrung ai gaw Hkristu nan rai nga ai, si wa yang mung amyat rai nga ai.

1 TIMOHTI 4:8

kaning rai nme law, hkumhkrang hpe jahpan ai lam gaw akyu loi sha mi nga ai rai timung, tara hkungga ai myit gaw lam shagu hta akyu nga ai rai nna, ndai aprat hte rai timung, htawm hpang na prat hte rai timung, seng ai ga ndat rawng nga ai.

1 TIMOHTI 6:8

dai rai nna, lusha hte hpun palawng lu nga ga yang gaw, anhte dai hte myit dik nga ga.

HEBRE 13:5

Gumhpraw marin ai lam hkum hkan myit; nanhte lu ai made hte myit dik nga mu: kaning rai nme law, Ngai nang hte teng teng n hka na nngai, gaja wa teng teng n kau da na nngai, nga nna shi nan tsun nga ai.