1 TIMOHTI 6:4 - Jinghpaw Hanson Version Bible

⁴ shi gumrawng gumtawng nga ai hte, hpa mung n chye ai sha, ga sumtu hte sha seng ai ga sawk yu ai hte ndang kalang hkat ai lam sha tam nga ai; dai hta na manawn masham ai, zumbru zumbra ai, shatan nhkan ai, n kaja ai hku aleng ai hte,

Jinghpaw Common Language Bible 2009

⁴ Dai wa gaw grai gumrawng gumtawng nna hpa mung n chye ai wa rai nga ai. Shi gaw ga sumtu tsun shaga ai lam ni hta dangrang hkat na matu, ga law hkat na matu, n hkrak ai myit rawng ai wa rai nga ai. Shing rai galaw ai a majaw manawn masham ai lam, hpung garan ai lam, n sim n sa ndang kalang lam ni n kaw n law roi asawng ai lam ni, n kaja ai hku n rup n tsen ai lam ni hpe byin pru wa shangun nga ai.

1 TIMOHTI 6:4 ပူးပေါင်းရင်းမြစ်များ

GA SHAGAWP 13:7

Langai ngai gaw sut mahkawng timung, hpa n lu nga ai; Langai ngai gaw gam jaw kau timung, sut kaba lu nga ai.

GA SHAGAWP 25:14

“Jaw na,” grang dakat nhtawm, n jaw ai wa gaw, Marang n lawm ai sumwi hte nbung rai nga ai.

GA SHAGAWP 26:12

Hpaji rawng dum ai wa nga yang, Shi hpe myit mada ai hta, angawk wa hpe myit mada ai hta, angawk wa hpe myit mada ai gaw, grau mai nga ai.

ESAIA 58:4

Nanhte gaw dangrang hkat ai hte, ga law ga la nna, n hkru ai lata latup hte htwi let, lusha gam myit dai: nanhte a nsen gaw, matsaw ntsang de hkrang lu na matu, nanhte dai ni lusha gam ai n rai.

KASA 15:2

De a majaw bra na lam pru nna, Pawlu yan Barnaba dai ni hte grai ndang kalang hkat ma yang, dai lam hpe jahkrup yu na matu, hpunau ni gaw, Pawlu yan Barnaba hte shanhte hta na nkau mi hpe, Yerusalem de nga ai kasa ni hte salang ni hpang de, shangun dat na san da ma ai.

KASA 18:15

rai timung, aga sumtu lam, amying shingjawng lam hte, nanhte a tara lam sha tsun hkat ai rai yang gaw, nanhte dai nanhte yu la mu: dai zawn re ai amu a matu ngai tara agyi n tai mayu nngai,” ngu nna Yuda masha ni hpe daru kau wu ai.

KASA 8:9

Rai timung, Simun mying ai wa langai mi, shawng e dai mare hta lakle amu dan nna, shi hkum hpe, “Ngai gaw kang ai wa rai nngai,” nga nna Samari masha ni hpe shamau mu ai:

ROMA 12:16

Langai hte langai shada da myit shara mu; arawng lam n tam ai sha, arawng n lu ai ni hte mazum hkau nga mu. Tinang hkum hpe hpaji rawng ai zawn, hkum nawn nga myit.

ROMA 13:13

Tangpyaw shalai ai hte chyaru nang ai, shawa num gaswi ai hte ngang kayut ai, ga law ga la ai hte manawn masham ai hpe n hkan tam ai sha, shani chyingtung na shingdi ai zawn anhte a hkawm nga ga.

ROMA 14:1

Kamsham ai hta n-gun n ja ai wa hpe hkap hkalum la mu: rai timung, myit mang hparan ai lam hpe dinglik yu na matu, hkum rai myit.

ROMA 2:8

ndang kalang nga nna tengman ai ga hpe n madat ai wa mi, n ding n man ai madat mara ai ni hpe mahtang, pawt bu nna sindawng katawt ai hte arip na maru ai;

1 KORINHTU 11:16

Rai timung, marai langai ngai ndang kalang hkat mayu dam a yang gaw, anhte mung, Karai Kasang a Hpung ni mung, dai zawn re ai htung n nga ga ga ai.

1 KORINHTU 11:18

Shawng na lam tsun yang, nanhte gaw dai Hpung hta e zuphpawng ai shaloi, nanhte hta e hka wa bra wa na lam rai nga ai, ngai na hkrup nngai rai nna, teng dam nhten ngai kam nngai.

1 KORINHTU 3:18

Kadai rai timung tinang hkum hpe hkum hkalem nga myit ga. Marai langai ngai ndai mungkan ga e nanhte hta, Hpaji byeng-ya rawng nga nngai, nga nna grang a yang gaw, dai wa gaw hpaji byeng-ya lu la hkra, angawk angak tai wa u ga.

1 KORINHTU 3:3

kaning rai nme law, nanhte shinggyim ta naw rai nga myit dai. Nanhte hta e manawn masham hte ga law ga la rai nga myit dai majaw, nanhte shinggyim ta naw rai nga myit dai hte, mungkan masha zawn, naw hkawm nga myit dai, n rai myit ni?

2 KORINHTU 11:20

Kaning rai nme law, marai langai ngai nanhte hpe rim yam ai, kashun sha ai, rim la ai, tinang a hkum hpe shagrau ai hte nanhte hpe shabyi kahpret ya myit yang gaw, dai wa hpe nanhte sharang ya nga myit dai.

GALATI 5:15

Shing n rai, nanhte shada da kawa nna sha hkat myit yang gaw, nanhte shada da n shamyit kau myit ga, sadi nga mu.

GALATI 5:26

Anhte kaman lila grang nga nna, shada da jahte tam ai hte, shada da manawn masham ai, hkum rai nga ga.

GALATI 6:3

Hpa garai n re ai wa gaw, ngai mung langai ngai rai nga nngai, nga nna rai dum a yang gaw, tinang dai tinang hkum hpe hkalem kau wu ai.

HPILIPI 1:15

Gaja wa nkau mi gaw, manawn masham nna gasat gala ai hte Hkristu a lam hkaw dan nga ma ai; nkau mi gaw sharawng awng ai myit hte hkaw dan ma ai.

HPILIPI 2:14

Hpa lam hpe mung, put ngun nna ndang kalang hkat ai hte, hkum galaw mu:

HPILIPI 2:3

Ga law ga la ai, kaman lila grang ai hte hpa mung n galaw ai sha, myit nem nga let, langai hte langai tinang a hkum hta manang wa hpe shagrau sha-a nga mu.

KOLOSE 2:18

Myit shagyip ngu na lam tam nna, lamu kasa hpe nawku na htung hte, kadai mung nanhte hpe n hkalem sha u ga; shing re ai wa gaw tinang a man e mu ai hpe sha machyu nga ai hte, tinang hkum shan a myit hta kaman lila grang ai wa rai nna, dai baw hpe n manat nga ai;

2 HTESALONI 2:4

dai wa gaw Karai ngu mangu hte mung, nawku ai lam yawng mayawng hte mung, nhtan shai nga ai hte tinang dai shagrau la nna, Karai Kasang a nawku Htingnu hta dung nga let, shi hkum nan hpe Karai Kasang shatai da wu ai.

1 TIMOHTI 1:4

ga law ga la shapraw ai maumwi ga hte n htum hkraw ai ahtik labau gawn ai hku hpe n hkan shachyut mu ga she, nang gaw masha nkau mi hpe daru jet kau na matu, ngai Makedoni mung de sa wa ai shaloi e Ehpesu mare e naw anga nga na, nang hpe shadut jahkat sade ai hte maren, naw nga nga u.

1 TIMOHTI 1:7

shanhte gaw tara sara tai mayu ma timung, tinang nan hpa tsun nga ai hte, hpa lam hkap yau nga ai gaw, n chye na nga ma ai.

1 TIMOHTI 3:6

Gumrawng ai myit rawng nna, nat a jeyang ai hku hta n hkrat wa u ga, sape nnan wa hpe mung, hkum rai.

2 TIMOHTI 2:14

Ndai lam ni shanhte hpe shadum jahprang nga u; hpa akyu n shabyin ai hta n-ga, na lu ai ni a myit hpe gale galau shangun ai ga hte gasat ningjet n nga mu ga, Karai Kasang a man e shanhte hpe hkang da u.

2 TIMOHTI 2:23

Angawk angak hte tuk shamak re ai ndang kalang ga gaw, ga law ga la lam sha shapraw nga ai, chye da nga let, dai baw ga hpe koi gam u.

2 TIMOHTI 3:4

mayun gumlau ai ni, sadi n dung ai ni, myit tsaw myit dap ai ni, Karai Kasang hpe tsawra ai hta tinang a pyaw daw lam hpe grau sharawng ai ni, rai na mara ai;

TITU 3:9

angawk angak nga nna san ai ndang kalang ga hpe mung, ahtik labau gawn ai lam hpe mung, jep ai tara a majaw ga law ga la nga nna gasat ningjet re ai lam hpe mung, koi kau u: kaning rai nme law, dai lam ni gaw akyu n rawng ai hte kaman lila sha rai nga ai.

YAKU 1:19

Nye a tsawra ai hpunau ni e, ndai lam hpe nanhte chye nga myit dai. Masha kadai wa rai timung, na la na matu lawan nga u ga; ga tsun na matu hkum tin nga u ga, masin pawt na matu mung, hkum tin nga u ga:

2 PETRU 2:12

Dai masha ni mahtang gyit hkang la nna, jahten shabya na matu mara myit n leng ai ashu ashan ni zawn pra wa ai ni nan, rai nga ma ai; n chye n chyang ai hpa lam hpe mung shanhte shatan nhkan mu ai rai nna, tinang ni e jahten shabya di ai lam hta jahten shabya ai hkrum na hte, n ding n man ai amu a matu mara n ding n man ai shabrai hkam la na maru ai.

2 PETRU 2:18

Kaning rai nme law, hkum shan a myit marin nna, mak kayuk nga ai hku hkan yang, kaman lila grang ai ga kaba a tsun nga let, lam dam mat ai ni kaw na lawt lu magang wa ai ni hpe, shanhte lau la mu ai;

YUDA 1:10

Dai ni mahtang gaw, shanhte n chye n chyang ai hpa lam hpe mung, shatan nhkan nga ma ai; myit n leng ai ashu ashan ni zawn, tinang myit hte chye na lu ai lam hta pyi, tinang dai tinang hkum hpe jahten shabya kau mu ai.

YUDA 1:16

Shanhte gaw, wu wu di di rai nna, put ngun nga ai ni, rai nga ma ai; tinang a myit marin ai hku hte maren shanhte hkan hkawm ma ai; shanhte a n-gup grang ai ga kaba tsun nga ai; sake manawn lu sha hkra, masha a myi man hpe tau yu ai ni, shanhte rai nga ma ai.

SHINGRAN 3:17

Kaning rai nme law, Ngai gaw sut su nga nngai, ngai hta sut ring gan chying sali ai, ngai hpa n ra ni ai, nga ninglen, tsin-yam tsindam hkrum ai wa, chyaren garen ai wa, matsan mayan, myi kyaw ai hte singgu krin re ai wa, nang rai nga ndai hpe, nang n chye n hka!