1 TIMOHTI 6:18 - Jinghpaw Hanson Version Bible

¹⁸ shanhte mai kaja ai galaw nga na, mai kaja ai bungli hta sut su let, karan kachyan jaw ai hte, jaw jahproi ai myit rawng nga nna,

Jinghpaw Common Language Bible 2009

¹⁸ Mai kaja ai galaw na matu mung, mai kaja ai bungli ni hta sut su na matu mung, masha kaga ni hpe karan kachyan jaw jahproi ai lam hta mung, n daw n hta jaw ya na matu jin jin rai nga mu ga shanhte hpe sharin shaga nga u.

1 TIMOHTI 6:18 ပူးပေါင်းရင်းမြစ်များ

2 HKAWHKAM LABAU 24:16

Shi gaw Israela amyu hta mung, Karai Kasang hte shi a nta matu mung kaja ai hku galaw nu ai majaw, Dawi mare hta hkawhkam ni hte rau, shi hpe makoi mayang di mu ai.

SHAKAWN KUNGDAWN 112:9

Shi gat hkai nna matsan mayan ni hpe gam jaw mu ai, Shi a dinghpring ai gaw htani htana anga nga ai; Shi a nrung arawng hte rawt nga lu ai.

SHAKAWN KUNGDAWN 37:3

Yehowa hpe shamyet shanat nga nna kaja ai amu galaw u: Dai mung hta shanu nga nna, sadi sahka hpe tam u.

HPAJI NINGLI 11:6

Jahpawt jau jau e nli gat u; shana aten hta mung, n gat ai, hkum nga et; kaning rai nme law, gara mahtang tu na n tu na kun, dai lahkawng yan maren tu kaba wa na kun, nang n chye ndai.

HPAJI NINGLI 3:12

Shanhte pyaw pyaw nga lu na hte, naw hkrung nga ai laman e, mai kaja ai amu galaw na hta, shanhte a matu grau kaja ai lam hpa mung n nga ai gaw, ngai chye nngai.

ESAIA 32:8

Salang myit rawng ai wa chyawm gaw, salang hte ging ram ai hku bawng nna, dai baw amu hta grin nga na ra ai.

ESAIA 58:7

kawsi hkrum ai wa hpe lusha jaw nna, shapraw kau hkrum ai matsan mayan wa hpe na nta de woi jashawn na hte, hpun palawng n lu ai wa hpe shabu jahpun nna, tinang manang ni hpe n koi kau na gaw, ngai sharawng awng ai lusha gam ai lam rai nga ai, n rai ni?

MAHTE 5:42

Nang kaw hpyi ai wa hpe jaw u; nang kaw nna hkoi shap mayu ai wa hpe hkum gang kau u;

LUKA 12:21

Tinang a matu sutgan mahkawng da nhtawm, Karai Kasang hta n lu n su ai wa gaw, shing re ai wa rai nga ai, ngu nna shanhte hpe tsun mu ai.

LUKA 3:11

Shi shanhte hpe htan mu ai gaw, “Palawng lahkawng lu ai wa gaw n lu ai wa hpe karan u ga, shat lusha lu ai wa mung dai hte maren jaw u ga,” ngu mu ai.

KASA 10:38

dai gaw Nazaret wa Yesu a lam rai nga ai; Karai Kasang gaw Chyoi pra ai Wenyi hte mung, n-gun atsam hte mung, shi hpe chya ya wu ai; Karai Kasang shi hte rau rai nga ai majaw, mai kaja ai amu shi galaw nna, nat gumlau e zingri zingrat hkrum ai ni yawng mayawng hpe shamai ya let, kawan katsan hkawm nga ai.

KASA 11:29

Dai rai nna, sape ni gaw, Yuda mung na kahpu kanau ni hpang de langai hte langai rai lu ai made karum dat na nga, myit shatawng da ma ai:

KASA 9:36

Ya, Yopa mare hta Tabihta mying ai numsha sape langai mi nga ai; mying de a ga lachyum gaw Dorka ngu ai rai lu ai: dai numsha gaw kaja ai bungli hte alu jaw ya ai lam hta, myit tsup ai jan rai nga ai.

ROMA 12:13

chyoi pra ai ni a ra ai lam a matu mara gam jaw nga mu; manam daw ai lam hta sharau nga mu.

ROMA 12:8

shadum jahprang chye ai wa gaw, shadum jahprang ai amu hpe, shachyen u ga; alu jaw ai wa gaw n daw n hta jaw u ga; up hkang ai wa gaw, kasang kalang hte up nga u ga; matsan dum chye ai wa gaw, kabu gara ai myit hte galaw u ga.

1 KORINHTU 16:2

Ngai sa du ai shaloi e lahkawn shara n nga nga la u ga, bat shagu na shawng shani hta e, langai hte langai ngamu ngamai ai hte maren, tinang a alu mahkawng da nga ma la.

2 KORINHTU 8:12

Kaning rai nme law, galaw mayu ai myit rawng nga a yang gaw, n sharai lu ai hte n re ai sha, sharai lu ai hku sha sharawng awng nga ai.

2 KORINHTU 8:9

kaning rai nme law, anhte a Madu Yesu Hkristu gaw sut su nga ai rai timung, nanhte a matu mara matsan mayan hkrum nna, shi a matsan mayan ai hta nanhte sut su lu na rai nga ai chyeju hpe, nanhte chye nga myit dai.

GALATI 6:10

Dai re ai majaw, aten ladaw naw pra nga yang, anhte masha nlang hte hpe mai kaja ai amu galaw nga ga, rai timung, makam masham a dinghku na ni hpe, grau nna galaw nga ga.

EHPESU 4:28

Lagu ga ai wa gaw, bai hkum lagu u ga; kadawn nga ai ni hpe karan jaw lu hkra, tinang a lata hte mai kaja ai shachyen let, magam bungli galaw nga u ga.

1 TIMOHTI 5:10

kaja ai bungli galaw yu ai rai nna gumhkawng nga ai jan; kashu kasha hpe lanu lahku yu ai; manam daw yu ai, chyoi pra ai ni a lagaw hpe kashin yu ai, nni nkri hkrum ai ni hpe galaw bau ai hte, kaja ai amu bungli shagu hta azin ayang hkan galaw yu ai rai a yang gaw, gaida jahpan laika hta shang u ga.

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

TITU 3:8

Ndai ga gaw kangka re ai ga rai nga ai rai nna, Karai Kasang hpe kamsham ai ni gaw, kaja reng ai magam bungli a shachyen nga na myit dum nga mu ga, ndai lam ni hpe nang grai ngu tsun shangang ya na, ngai ra nga nngai. Dai lam ni gaw masha a matu mai kaja nga ai rai nna akyu rawng nga ai:

HEBRE 13:16

Mai kaja ai amu galaw na hte gam jaw gam ya ai lam, hkum malap kau myit; shing re ai hkungga hpe, Karai Kasang gaw sharawng awng nga ai.

YAKU 2:5

Ngai tsawra ai hpunau ni e, madat mara la mu: kamsham ai sutgan hta lu su nna, Karai Kasang hpe tsawra ai ni a matu mara, ndat da ai mungdan a sali wunli hpe hkam la lu mu ga, Karai Kasang gaw mungkan ga na matsan mayan ni hpe lata la manu ai, n rai ni?

1 PETRU 3:11

N hkru ai hpe koi kau nhtawm, kaja ai galaw nga u ga, Ngwipyaw ai hpe tam nna, hkan sa nga u ga.

1 YAWHAN 3:17

Kadai rai timung, ga ntsa a sutgan lu nga ai hte, shi a kahpu kanau matsan mayan rai nga ai hpe, mu ninglen, shi a matsan dum ai myit hpe pat kau wu yang gaw, Karai Kasang a tsawra ai myit gaw, dai zawn re ai wa hte e kaning rai nga lu na rai ta?

3 YAWHAN 1:11

Tsawra ai wa e, n kaja ai hku n rai, kaja reng ai hku hpe hkan sharau nga u; kaja ai amu galaw ai wa gaw, Karai Kasang hte seng nga ai: n kaja ai amu galaw ai wa chyawm gaw, Karai Kasang hpe n mu chye ai.