1 TIMOHTI 6:17 - Jinghpaw Hanson Version Bible

¹⁷ Ndai prat e sutgan lu ai ni gaw, gumrawng gumtawng n re ai hte, n grin ai sutgan hpe n shamyet nga ai sha, ngamu ngamai nga na matu, arai yawng mayawng anhte hpe n daw n hta jaw ai Karai Kasang hpe shamyet shanat nga na hte,

Jinghpaw Common Language Bible 2009

¹⁷ Ndai dinghta asak hkrung nga ai prat a sut gan ngamu ngamai ai lam ni hta gumrawng gumtawng n rai mu ga hte n grin ai ngamu ngamai ai lam ni hta shanhte a myit mada kam hpa shara n shatai ai sha anhte kabu gara hkam la na matu arai yawng mayawng hpe n daw n hta jaw ya ai Karai Kasang hta myit mada ala nga na matu hkang da u.

1 TIMOHTI 6:17 ပူးပေါင်းရင်းမြစ်များ

NINGPAWT NINGHPANG 13:2

Abram chyawm gaw yamnga sut mung, aja, gumhpraw sut mung ja ja lu su nga ai.

2 HKAWHKAM LABAU 26:16

Ya shi gaw hpung shingkang lu la jang, shi a akyu hten hkra myit kaba wa nna shi a Karai Kasang Yehowa hpe shut kau wu ai: kaning rai nme law, manam pyaw ai baw nat nawng ai hkungri ntsa e, manam pyaw ai baw nat nawng na matu, Yehowa a nawku htingnu kata de shi shang wa ai.

SHAKAWN KUNGDAWN 104:28

Nang jaw nna shanhte hkap la ma ai, Nang lata hpaw nna, shanhte mai kaja ai hte hkru kat lu ma ai.

SHAKAWN KUNGDAWN 52:7

“Yu mu, Karai Kasang hta n shingbyi nga ai, Shi a sutgan hpe shamyet nna, Shi a n hkru ai hta ngang nga ai share wa gaw, ndai wa rai nga ai,” nga na mara ai.

SHAKAWN KUNGDAWN 62:10

Kashun kashe ai hpe hkum machyu myit, Shanyen la lu ai majaw myit hkum gumrawng myit. Sut su yang dai hta myit hkum noi myit.

SHAKAWN KUNGDAWN 62:8

Amyu masha ni e, Karai Kasang hpe tut tut hpa nga mu; Nanhte a myit shi a man e hpaw dan mu: Karai Kasang gaw anhte a shingbyi shara rai nga ai. [Selah.]

GA SHAGAWP 11:28

Tinang sutgan hta hpa ai wa gaw, kadawng mat na ra ai; Dinghpring ai wa chyawm gaw, tsit lali ai hpun lap zawn prut wa na mara ai.

GA SHAGAWP 23:5

Hpa n re ai hpe nang azi yu nga n ni? Sumsing lamu de pyen mat wa ai langda zawn, Gaja wa sutgan gaw singkaw tu nga ai.

GA SHAGAWP 27:24

Kaning rai nme law, sutgan gaw tutnawng nga nga lu ai, n rai; Janmau gaw shu mashi shu masha prat du hkra, grin nga lu a ni?

GA SHAGAWP 30:9

Matsan mayan rai yang, ngai lagu nna, Nye a Karai Kasang a amying hpe awu asin n di kau u ga mung, Asak bau ram ai shat sha karan jaw e law.

HPAJI NINGLI 2:24

Masha gaw shi a amu bungli galaw let, lusha nna myit pyaw nga lu ai hta, grau kaja ai gaw nga lu ai n rai; dai mung Karai Kasang a lata kaw na rai nga ai hpe ngai mu chye nngai.

YEREMIA 2:31

Amyu masha ni e, Yehowa a ga hpe sumru yu mu: ngai gaw Israela amyu a matu nam mali, shing n rai, nsin htat ai mungdan tai yu ni ni? nye a amyu masha ni gaw, Anhte prang mat saga ai; nang hpang de bai wa na n rai, nga nna hpa majaw tsun nga ma ta?

YEREMIA 49:4

Htak mat ai shayi sha e, Ngai hpang de kadai du lu na rai ta? nga nna tinang a sutgan hta machyu let, na a hka lwi ai kadit ni hta, hpa majaw gumrawng nga n ta?

EZEKELA 16:56

Kaning rai nme law, nang galaw ai yubak hpe garai n shadawng dan nna, Suri shayi sha ni hte shanhte grup yin e nga ai ni gaw, nang hpe asawng nna, na a grup yin na Hpilisti shayi sha ni gaw, nang hpe n kaw n law di ai aten garai n du yang,

Daniela 4:30

“Ndai mare gaw nye a mungdan daju tai nga nna, nye a hpung shingkang dan hkung na matu, nye a hpung shingkang hte ngai de da ai, galu kaba ai Babelon mare rai nga ai, n rai ni?” nga nna tsun ai.

HOSEA 13:6

Shanhte a udat shara law ai majaw, hkru kat ma ai: hkru kat ma yang, shanhte myit kaba nna, ngai hpe, malap kau ma ai.

MAHTE 12:32

Dai Masha Kasha hpe ga hte shut hpyit ai wa kadai hpe mung, mara raw dat kau ya na lam hku nga ai; Chyoi pra ai Wenyi hpe ga hte shut hpyit ai wa chyawm gaw, ndai aprat hta rai timung, hpang na aprat hta rai timung, raw dat kau ya ai hkrum lu na n rai.

MAHTE 19:23

Dai rai nna Yesu gaw shi a sape ni hpe, “Ngai nanhte hpe teng teng tsun made ga, sut su ai wa gaw, sumsing lamu a mungdan hta nachying wa shang yak nga ai.

MAHTE 25:16

Shaloi jang gumhpraw joi manga lu la ai wa gaw pru sa na, dai hte hpaga ga wu yang, kaga gumhpraw joi manga myat la nu ai.

MAHTE 27:57

Ya, shana du yang, Aramahti a mare na, Yawsep mying ai sut su ai wa langai mi sa du ai; shi hkum nan Yesu a sape rai nga ai.

MAHTE 6:32

kaning rai nme law, tara maigan ni dai nlang hte hpe tam nga ma ai: dai yawng mayawng hte hpe nanhte ra nga myit dai gaw, sumsing lamu na nanhte a Kawa gaw chye nga ai.

MARKU 10:24

Sape ni mahtang shi a ga majaw, mau mahka nga ma ai. Dai rai nna Yesu gaw, “Ngai sha ni e, Karai Kasang a mungdan hta shang na gaw, nachying yak la a hka gaw.

LUKA 19:2

Ya Zake mying ai kang hta agyi langai mi nga ai; dai wa gaw sut su ai wa rai nga ai;

LUKA 3:11

Shi shanhte hpe htan mu ai gaw, “Palawng lahkawng lu ai wa gaw n lu ai wa hpe karan u ga, shat lusha lu ai wa mung dai hte maren jaw u ga,” ngu mu ai.

KASA 14:17

rai timung, shi hkum a sakse kata ai n rai; mai kaja ai amu galaw let sumsing lamu na marang hte, nsi naisi shangai chye ai duhkra ladaw shi jaw da ai hte, nanhte hpe lusha hte mung kabu gara ai hte mung, jahkru shakat ya nga ai,” ngu nna jahtau mu ai.

KASA 14:27

Shan du wa jang, Hpung masha ni hpe jahpawng tawn nna, Karai Kasang shan hta galaw ai lam yawng mayawng mung, maigan amyu ni hpe dai makam masham lam chyinghka hpaw ya wu ai mung, hkai dan mu ai.

KASA 17:25

shi nan, yawng mayawng hpe hkrung ai asak, nsoi nsa hte arai hkum sumhpa jaw ya ai wa rai nga ai majaw, lama ma ra ai wa zawn masha lata hte daw jau ra ai n rai.

ROMA 11:20

Rai taw, rai u ga; shanhte gaw n kam n sham ai majaw gyi kau ai hkrum ma ai, nang mahtang gaw makam masham hte ngang hkang nga ndai. Myit hkum kaba et, hkrit kang nga u:

EHPESU 5:5

Kaning rai nme law, hpye ai wa, n san n seng ai wa hte, gawngngu sumla nawku ai wa rai nga ai nammak lawhpa ai wa kadai rai timung, Hkristu yan Karai Kasang a mungdan hta sali wunli hpe n lu nga ai gaw, nanhte nan chye na myit dai.

TARA JAHPRANG 33:15

Ju majat na bum ni a reng grau ai arai hte mung, Dinggrin anga nga ai kawng ni a reng ai sut hte mung,

TARA JAHPRANG 8:17

Nye a marai nye a atsam hte ndai sutgan ngai lu nngai, nga nna na a kraw kata e myit kau ai yubak n pru lit ga sadi nga u.

KOLOSE 3:16

Hkristu a mungga gaw hpaji byeng-ya amyu myu hte nanhte hta n taw n tsang ashanu nga u ga: shakawn kungdawn ga, mahkawn mangoi ga, Wenyi hte seng ai laka ga hte, chyeju hku hkan nna, nanhte shada da sharin shaga nna shadum jahprang nga let, nanhte a kraw lawang hta Karai Kasang hpe mahkawn mangoi nga mu.

1 HTESALONI 1:9

Kaning rai nme law, nanhte hpang de anhte a shang wa ai lam kaning rai rai nga ai gaw, shanhte nan anhte a lam tsun kajai ma ai rai nna, nanhte gaw ahkrung nga nna tengman ai Karai Kasang hpe daw jau nga myit ga, gawngngu sumla ni hpe shinggan kau nhtawm, Karai Kasang hpang de kaning rai kayin wa myit dai hte,

1 TIMOHTI 1:3

Sharin shaga ai lam kaga n sharin la lu mu ga mung, makam masham hta jung nga ai Karai Kasang a shadaw shalan ai lam n shabyin ai sha,

1 TIMOHTI 3:15

Karai Kasang a nta e kaning rai arawn alai hkan mai na nang chye lu n ga, ndai lam ngai nang hpe ka dat nngai; dai nta chyawm gaw, hkrung nga ai Karai Kasang a Hpung rai nga nna, tengman ai a sumsai dawnu hte npawt hkridun mung rai nga ai.

1 TIMOHTI 4:10

dai rai nna, shinggyim masha mahkra hte kamsham ai ni hpe grau nna hkye hkrang la ai Madu rai nga ai, ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw nna a shaja nga ga ai.

1 TIMOHTI 5:21

Ndai lam hte hpe myi man n tau ai hte hpa lachyen lahka n re ai sha nang galaw nga n ga, Karai Kasang hte Hkristu Yesu a man e mung, lata la ai lamu kasa ni a man e mung, ngai nang hpe ga daka dat de ai.

1 TIMOHTI 6:13

Anhte a Madu Yesu Hkristu a paw pru ai du hkra, agang chyalang n re ai hte mara n kap ai sha, dai hkang da ai ga hpe nang hkan nang nga u ga,

1 TIMOHTI 6:9

Kaning rai nme law, sut su mayu ai ni gaw, hten byak nna shaza kau ai hta, masha ni hpe marit si shangun kau ai gunglau ai hte dawnggawng hta, angawk angak re ai hte sheng mareng re ai myit marin ai lam amyu myu hta, lup mat ma ai.

2 TIMOHTI 4:10

kaning rai nme law, Dema gaw ndai mungkan ga hpe tsawra ai a majaw, ngai hpe kau da nna, Htesaloni mare de sa mat wa sai; Kareka gaw Galati mung de, Titu gaw Dalamati mung de, sa mat wa masai.

TITU 2:12

tara n hkungga ai myit hte mungkan ga hpe marin marit ai lam koi kau nhtawm, ndai prat e si si re ai hte dinghpring nna tara hkungga ai lam hkan nang lu hkra,

TITU 3:6

anhte a ntsa e n taw n tsang ru bun ya ai Chyoi pra ai Wenyi e myit ningnan galai ya ai hte e, shi anhte hpe hkye hkrang la mi ai:

2 PETRU 1:11

dai lam hkan nga myit taw gaw, anhte a Madu hte hkye hkrang la ai wa Yesu Hkristu a htani htana prat dingsa na mungdan de shang wa lu na lam, nanhte hpe n taw n tsang di ya na marin dai.