1 TIMOHTI 6:11 - Jinghpaw Hanson Version Bible

¹¹ Nang chyawm gaw, Karai Kasang a masha wa e, ndai lam hte hpe koi gam nga u: dinghpring ai, tara hkungga ai, kamsham ai, tsawra ai, shakut sharang ai hte sumnung ai myit hpe hkan shachyut nga u.

Jinghpaw Common Language Bible 2009

¹¹ Nang chyawm gaw Karai Kasang a masha wa e, dai lam mahkra hte hpe koi gam nga u. Ding hpring ai, tara hkungga ai, kam sham ai, tsaw ra ai, shakut sharang ai hte sumnung ai myit ni hpe lu la hkra shakut shaja nga u.

1 TIMOHTI 6:11 ပူးပေါင်းရင်းမြစ်များ

1 HKAWHKAM 13:1

Ya Yeroboam gaw manam pyaw ai baw nat nawng ya na matu dai tawn hkungri makau e tsap nga ai shaloi jang, Karai Kasang a masha langai mi, Yehowa a ga hkang ai hte maren, Yuda mung na Behtela shara de sa de nhtawm:

1 HKAWHKAM 13:26

Ya dai wa hpe bai shaga la ai myihtoi dingla gaw dai lam na wu yang, shi gaw, “Dai wa gaw Yehowa a n-gup ga n madat ai Karai Kasang a masha wa rai nga ai, dai re ai majaw Yehowa shi hpe tsun dan ai hte maren, shi hpe kawa amya nna shi hpe sat kau ai hkanghkyi a n-gup hta ap kau n hka,” nga ai.

1 HKAWHKAM 17:18

Dai rai nna nta madu jan gaw Elia hpe, “Nang Karai Kasang a masha wa e, ngai nang hte hpa daw ga ta? nye yubak mara ngai hpe shadum nna, ngai sha hpe sat kau na matu, nang ngai hpang de shang n hka!” Ngu wu ai.

1 HKAWHKAM 17:24

Dai numsha mung, “Nang gaw Karai Kasang a masha wa rai nga ai hte, na a n-gup na Yehowa a ga gaw teng nga lu ai hpe, ya ngai chye nga nngai,” ngu nna Elia hpe tsun wu ai.

1 HKAWHKAM 20:28

Shaloi Karai Kasang a masha wa gaw Israela hkawhkam hpang de sit sa nna, Yehowa ning nga ai: “Yehowa gaw bum ga na Hpara rai nga ai, layang ga na Hpara n rai nga ai law, nga nna Suri masha ni tsun shajang ma ai majaw, ngai gaw Yehowa rai nga nngai, nanhte chye lu hkra, ndai masha wunawng wuwa kaba hpe na a lata hta ngai ap da na we ai,” ngu nna htawn tsun wu ai.

2 HKAWHKAM 1:13

Bai shi gaw masum ngu na hpyen ma manga shi hte hpe shangun dat mu ai. Dai wa gaw lung wa nna Elia man e lahput hput di let, “Karai Kasang a masha wa e, nye a asak hpe, na a man e jahpu ya mi:

2 HKAWHKAM 1:9

Ya hkawhkam wa gaw hpyen ma manga shi up ai du hte shi a hpyen ma manga shi hpe shangun dat mu ai: shi gaw Elia hpang de du sa nna, yu u, Elia gaw kawng ntsa e dung nga ai. Hpyen du wa mung, “Karai Kasang a masha wa e, hkawhkam wa gaw, Yu wa rit da, nga ai,” ngu wu ai.

2 HKAWHKAM 23:17

Bai Yoshia gaw, “Ndai ngai mu ai nlung mahtan daw gaw, kaning re ai rai ta?” ngu nna san mu yang, mare masha ni gaw, “Nang madu Behtela tawn hkungri hpe galaw ai hte maren, Yuda mung na pru nna, ndai lam htawn tsun ai, Karai Kasang a masha wa a lup rai nga ai,” ngu nna shi hpe sha na ya mu ai.

2 HKAWHKAM 5:20

Rai timung, Karai Kasang a masha Elisha a shangun ma Gehazi gaw, “Yu u, nye a madu gaw, ndai Suri masha Naman lang ai kumhpaw kumhpa hpe n hkap la ya ai, shi hpe matsan nau dum nu ai: Yehowa hkrung nga ai hte maren, ngai shi kaw hkan gat nang nna lama ma hpyi la na we ai,” nga ai.

1 HKAWHKAM LABAU 23:14

Karai Kasang a masha wa Mawshe a shadang sha ni gaw, Lewi amyu hta hti lawm ma ai.

2 HKAWHKAM LABAU 8:14

Bai shi gaw, kawa Dawi tawn da ai htung hte maren, daw jau na matu, hkinjawng hpung ni hte, lani hte lani ang wa ai hte maren, hkinjawng ni a man e, daw jau ai ni hte, mahkawn mangoi nga na matu, Lewi masha hpung ni hpe mung tawn da mu ai; chyinghka shagu makau e tawn da mu ai: kaning rai nme law, Karai Kasang a masha wa Dawi gaw dai lam hkang da mu ai.

NEHEMIA 12:24

Karai Kasang a masha wa Dawi hkang da ai hte maren, chyeju dum let, shakawn kungdawn na matu, hpung mi hte hpung mi san tawn da ai kahpu kanau Lewi masha ni a agyi ni gaw, Hashabia, Sherebia, Kadmiela kasha Yeshua hte rai ma ai.

NEHEMIA 12:36

shi a kanau ni, Shemaia, Azarela, Milalai, Gilalai, Ma-ai, Nehtanela, Yuda, Hanani hte gaw, Karai Kasang a masha wa Dawi a dum ai baw lang let hkan nang ma ai; chyare wa Ezra gaw shanhte a shawng e sa wa ai.

SHAKAWN KUNGDAWN 34:14

N hkru ai hpe koi kau nna, kaja ai galaw u, Ngwipyaw ai hpe tam nna, hkan sa nga u.

SHAKAWN KUNGDAWN 38:20

Shanhte kaja ai hpe n kaja ai hte htang ma ai; Ngai kaja ai lam hkan nga nngai majaw, Shanhte ngai hte nhtan shai nga ma ai.

GA SHAGAWP 15:9

Tara n lang ai wa a lm hpe, Yehowa matsat nga ai; Dinghpring ai lam shachyut ai wa hpe chyawm gaw, shi tsawra nga ai.

ESAIA 51:1

Dinghpring ai hku hkan nang nna, Yehowa hpe hkan tam ai ni e, nye a ga madat mara mu: nanhte hpe tawk la ai lunghkrung hte, nanhte hpe htu shapraw la ai nhkun hpe mada yu mu.

YEREMIA 35:4

Yehowa nta kata, chyinghka sin ai Shalum a kasha Masea gawk ntsa, du salang ni hpawng nga ai gawk makau e, Karai Kasang a masha Igdala a kasha Hanan a kasha ni a gawk kata de woi jashawn nhtawm,

ROMA 14:19

Dai re ai majaw, ngwipyaw ai lam hte, shada da sharin hkang na lam hpe, anhte hkan shachyut nga ga.

1 KORINHTU 10:14

Dai re ai majaw, ngai tsawra ai ni e, sumla nawku na lam hpe koi gam mu.

1 KORINHTU 14:1

Tsawra ai myit hpe hkan tam mu; wenyi kumhpa ni hpe myit marit nga mu: myihtoi chye htoi lu na mahtang grau nna myit marit nga mu.

1 KORINHTU 6:18

Hpye ai amu hpe zai nga mu: masha e galaw nga ai yubak nga manga gaw, tinang a hkumhkrang a shinggan e nga nga ai; hpye ai amu galaw ai wa mahtang gaw, shi a hkumhkrang hpe nan shut hpyit da wu ai.

TARA JAHPRANG 16:20

Nang hkrung nga lu na hte na a Karai Kasang Yehowa nang hpe jaw ai mungdan madu sha lu n ga gaw, dingman ai hku hkrai jeyang lu na rai ndai.

TARA JAHPRANG 33:1

Karai Kasang a Masha Mawshe gaw, shi garai n si yang, ndai shaman ga hte Israela kashu kasha ni hpe ning nga shaman ya da wu ai.

1 TIMOHTI 1:14

Hkristu Yesu hte seng ai makam masham hte tsawra ai hte hpawn, anhte a Madu a chyeju gaw ladat hta lai hkra law htam wa sai.

1 TIMOHTI 4:12

Na a brang ram prat e, nang hpe kadai mung n shatan u ga: tsun ai ga hte mung, arawn alai hte mung, tsawra ai hte mung, kamsham nna chyoi pra ai hte mung, kamsham ai ni a matu mara, kasi kamang tai nga u.

1 TIMOHTI 5:10

kaja ai bungli galaw yu ai rai nna gumhkawng nga ai jan; kashu kasha hpe lanu lahku yu ai; manam daw yu ai, chyoi pra ai ni a lagaw hpe kashin yu ai, nni nkri hkrum ai ni hpe galaw bau ai hte, kaja ai amu bungli shagu hta azin ayang hkan galaw yu ai rai a yang gaw, gaida jahpan laika hta shang u ga.

1 TIMOHTI 6:20

O, Timohti e, nang hpe ap ya de ai aya hpe, a mahkyu nga u: n san n seng ai baw law ai ga hpe mung, chye chyang ai lam re ai ngu nna, shamying gawm ai nhtan shai ai lam hpe mung, koi kau nga u:

2 TIMOHTI 2:21

Dai re ai majaw, dai ni hta na tinang hkum hpe jasan jaseng kau ai wa rai yang gaw, chyoi pra ai, madu lang ging ai hte, amu kaja shagu a matu hkyen da ai arawng lu ai wa rai na ra ai.

2 TIMOHTI 2:22

Dai rai nna, brang ram a myit kayut ai lam koi gam u: san seng ai myit hte dai Madu hpe shaga gang ai ni hte rau, dinghpring ai, kamsham ai, tsawra ai hte ngwipyaw ai hpe, hkan shachyut nga u.

2 TIMOHTI 3:10

Nang mahtang gaw, nye a sharin shaga ai lam, nye a lai len, maw mawn ai hku, kamsham ai lam, myit galu kaba ai, tsawra ai, shakut sharang ai,

2 TIMOHTI 3:17

Karai Kasang e shung ya ai Chyum laika shagu gaw, sharin shaga ya ai, daru sharin chye ai, mye shading lu ai hte, dinghpring ai lam hta sharin achyin ya na matu, akyu rawng nga ai.

HEBRE 12:14

Masha yawng mayawng hte ngwipyaw lu hkra mung, chyoi pra ai hpe dep lu hkra mung, hkan tam nga mu; chyoi pra ai n rawng yang gaw, kadai mung dai Madu hpe mu lu na n rai.

1 PETRU 3:11

N hkru ai hpe koi kau nhtawm, kaja ai galaw nga u ga, Ngwipyaw ai hpe tam nna, hkan sa nga u ga.

1 SAMUELA 2:27

Dai shaloi e Karai Kasang a masha langai mi Eli kaw sa du nna, “Yehowa ning nga ai: Egutu mung e, Hpara-u a nta e naw rawng nga yang, na nji nwa ni kaw ngai dan pru ai n rai ni?

1 SAMUELA 9:6

Shaloi ma dai gaw, “Yu u, ndai mare e kajai gumhkawng ai Karai Kasang a masha langai mi nga ai; shi tsun matsun kang lu ai: shi hpang de sa saga; an sa ai lam shi madun lu a nhten,” ngu wu ai.