1 TIMOHTI 6:10 - Jinghpaw Hanson Version Bible

¹⁰ Gumhpraw marin ai myit chyawm gaw, n hkru n hkra ai amyu myu a ru npawt rai nga ai; nkau mi gaw dai hpe hkan shachyut ma ai majaw, dai makam masham lam hpe yit kau nna, yawn hkyen ai amyu myu hte tinang hkum hpe galun dinggrang kau mu ai.

Jinghpaw Common Language Bible 2009

¹⁰ Hpa majaw nga yang, gumhpraw marin ai myit chyawm gaw n hkru n kaja ai lam amyu myu a ru npawt rai nga ai. Masha nkau mi gaw gumhpraw hpe lu la na matu grai myit katu ra sharawng nga ma ai majaw makam masham kaw na lam yit mat wa ma ai hte yawn hkyen ai lam amyu myu hte shanhte a myit kraw lawang ni hpe daw hten mat shangun ma ai.

1 TIMOHTI 6:10 ပူးပေါင်းရင်းမြစ်များ

NINGPAWT NINGHPANG 29:14

Dai rai nna Laban gaw, “Gaja wa nang gaw nye a nrut nra hte sai shan rai nga ndai,” ngu wu ai. Shing rai shi kaw shata mi daram nga nga sai.

NINGPAWT NINGHPANG 29:26

Laban gaw, “Kaba ai hpe garai n ya yang kaji ai hpe shawng ya sha ai gaw anhte ga e n galaw ga ga ai:

NINGPAWT NINGHPANG 34:27

Shanhte a kajan hpe awu asin di ya mu ai majaw, Yaku a shadang sha ni gaw sat kau sai ni hpang de bai sa nna dai mare hpe hpya la kau mu ai.

NINGPAWT NINGHPANG 38:16

Shaloi shi lam she sa nna shi kaw sit nhtawm, Nang kaw shang n ga law, ngu wu ai: dai num shi a kanam gaw, Nang ngai kaw shang na gaw ngai hpe hpa jaw na n ta? ngu wu ai.

1 HKAWHKAM 2:40

Shaloi Shimi rawt nhtawm, shi a lawze byau nna, mayam yan hpe tam na Gat a mare na Ahkisha kaw du bang wa ai rai nna, shi a mayam yan hpe Gat a mare na woi wa mu ai.

2 HKAWHKAM 5:27

Dai re ai majaw, Naman a manggang gaw nang hte na a aru arat hta tutnawng prat dingsa e akap nga na ra ai,” ngu wu ai. Dai rai nna Gehazi gaw hkyen zawn hpraw ai, manggang kap ai wa tai nna, shi madu a man kaw na pru mat wa ai.

SHAKAWN KUNGDAWN 32:10

Tara n lang ai ni a matu atsu atsam law law nga timung, Yehowa hta shamyet shanat nga ai ni hpe, chyeju hte kawan da nga mu ai.

SHAKAWN KUNGDAWN 62:10

Kashun kashe ai hpe hkum machyu myit, Shanyen la lu ai majaw myit hkum gumrawng myit. Sut su yang dai hta myit hkum noi myit.

GA SHAGAWP 1:19

N tara ai sutgan marin ai ni a lam yawng hte gaw dai zawn rai nga nna, Dai gaw tinang a madu ni a asak hpe dawm kau ya nga ai.

GA SHAGAWP 1:31

Dai rai nna shanhte gaw tinang galaw ai hte maren hkrum sha nna, Tinang maw ai lam hte hkru kat wa na mara ai.

GA SHAGAWP 15:27

gumhpraw maji ai wa gaw, tinang a nta hpe sharu shatsang nga ai; Sake manawn matsat ai wa chyawm gaw, asak hkrung na ra ai.

HPAJI NINGLI 2:19

dai wa gaw hpaji rawng na kun, angawk ai wa tai na kun, kadai chye lu a ta? Rai timung, jan a npu e nye a hpaji byeng-ya hte ngai shangut ai magam bungli mahkra a ntsa e shi up na ra ai: dai mung kaman lila hkrai rai nga ai.

ESAIA 1:23

Na a du ni gumlau let, lagu lagut ni a kanawn manang tai wa masai; shanhte yawng kumhpa ra nna, sake manawn sha nga ma ai; shanhte gaw chyahkrai nmai ni a matu tara ding ai hku n jeyang ai hte, gaida gaina ni a amu hpe hpa n nawn ya ma ai.

ESAIA 56:11

Ndai gwi ni gaw lawhpa myit rawng nna, n hkru hkraw ma ai: ndai ni gaw nyan n rawng ai sagu rem ai ni rai nga ma ai; shanhte yawng lam yit nna, langai hte langai tinang akyu hkrai hkan shachyut ma ai:

EZEKELA 13:19

Masu ga madat mayu ai nye a amyu masha ni hpe nanhte masu kau nna, n si ging ai ni hpe sat kau, si ging ai ni hpe mahtang jahkrung da ai majaw, nanhte gaw muk-yaw mam latup mi hte muk n-gup mi a jaw e, nye a amyu masha ni a man e ngai hpe jahpoi kau myit dai.”

EZEKELA 16:33

Shawa num yawng gaw kumhpa la ma ai; nang chyawm gaw, na sumtsaw sumra ni hpe kumhpa jaw ndai; shara shagu na ni sa nna, nang hte kanawn nga lu hkra, shanhte hpe kumhpa hte lau la mu ai.

EZEKELA 22:12

Sai jahkaw kau na matu, na a masha ni sake manawn sha ma ai; amyat sha na hte lu su na matu, gumhpraw hkoi ya ma ai; htingbu wa arai hpe lawhpa ai myit hte kashun la ndai: ngai hpe mung malap kau ndai,” nga nna Madu Yehowa tsun ai.

MIHKA 3:11

Du ni gaw mayun kumhpa matu tara dara ma ai; de a hkinjawng ni gaw shabrai lu hkra sha sharin ya ma ai; de a myihtoi ni gaw ma-un lu hkra sha, htoi ma ai: rai timung, shanhte gaw, Yehowa hpe shamyet shanat let, Yehowa gaw anhte a ka-ang e rai nga ai, n rai ni? anhte ari ahpri hpa hkrum na n rai, nga nna tsun ma ai.

MALAHKI 1:10

Nye a tawn hkungri ntsa e, awan kaman sha n shachyi kau myit ga, nye a nta na chyinghka ni hpe la da mayu ai wa, kadai? Nanhte hpe ngai n ra nngai; nanhte a lata na shagu hkungga hpe ngai n hkap la na nngai, nga nna Zaw nawng zaw wa up ai Yehowa tsun ai.

MAHTE 13:22

Ju hpun hta gat ai nli a lam gaw, dai ga hpe na la timung, ndai prat na myit tsang ai hte hkalem kau ai sutgan gaw, dai mungga hpe lim kau nna, asi n si lu ai wa hpe rai nga ai.

MAHTE 23:13

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw masha ni a man e, sumsing lamu a mungdan lam hpe pat da mu ai: nanhte nan n shang myit dai hte, shang wa ai ni, shang na pyi, n hkraw myit dai.

MAHTE 6:19

Manut hte nhkan e sha jahten nna, lagu lagut ni tawk htu nna lagu la lu ai, dinghta ga a ntsa e, nanhte a sutgan hpe hkum mahkawng da mu.

MARKU 4:19

ndai mungkan a myit tsang ai, sutgan a hkalem ai hte myit marin ai lam kaga ga shang wa nna, dai mungga hpe lim kau ai majaw, asi n si lu ai ni, rai nga ma ai.

TARA JAHPRANG 16:19

Tara lam hta na nang jashai lu na n rai; masha myi man tau lu na n rai; manawn kumhpa mung sha lu na n rai: kaning rai nme law, manawn kumhpa gaw hpaji rawng ai ni a myit hpe dingga kau ya nna, dingman ai ni a ga hpe gale kau ya chye ai.

TARA JAHPRANG 23:18

Shawa num shabrai gumhpraw hte, gwi shabrai gumhpraw hpe ga shaka raw na matu, na a Karai Kasang Yehowa a htingnu de shawn lu na n rai: shing re ai gumhpraw amyu lahkawng gaw na a Karai Kasang Yehowa a man e, matsat shabat re ai lam rai nga ai.

KOLOSE 3:5

Dai re ai majaw, hpye ai amu, awu asin re ai amu, ngang kayut ai, n hkru n hkra re ai marin marit ai hte, gawngngu sumla nawku ai rai nga ai nammak lawhpa ngu ai, ga ntsa na nanhte a daw shan ni hpe sat kau mu:

1 TIMOHTI 3:3

chyaru len ai wa hte anu ajin re ai wa mung n re ai sha, sumnung ai, ga law ga la ai myit n rawng ai, aja gumhpraw n tsaw ai hte,

1 TIMOHTI 6:21

nkau mi gaw dai lam hpe hkan nang nga nna, dai makam masham lam hpe yit kau manu ai. Chyeju gaw nanhte hte rau anga nga u ga law.

1 TIMOHTI 6:9

Kaning rai nme law, sut su mayu ai ni gaw, hten byak nna shaza kau ai hta, masha ni hpe marit si shangun kau ai gunglau ai hte dawnggawng hta, angawk angak re ai hte sheng mareng re ai myit marin ai lam amyu myu hta, lup mat ma ai.

2 TIMOHTI 3:2

kaning rai nme law, masha ni gaw, tinang hkum hpe tsawra ai ni, gumhpraw marin ai ni, grang dakat ai ni, gumrawng gumtawng re ai ni, shatan nhkan chye ai ni, kanu kawa ga n madat ai ni, chyeju n chye dum ai ni, n chyoi n pra ai ni,

2 TIMOHTI 4:10

kaning rai nme law, Dema gaw ndai mungkan ga hpe tsawra ai a majaw, ngai hpe kau da nna, Htesaloni mare de sa mat wa sai; Kareka gaw Galati mung de, Titu gaw Dalamati mung de, sa mat wa masai.

TITU 1:11

shanhte a n-gup mai matsut nga ai; shanhte gaw n san n seng ai sut matu n mai sharin ai lam sharin shaga ya nna, htinggaw ting ting hpe shabrun kau mu ai.

YAKU 5:19

Nye a hpunau ni e, nanhte hta na marai langai ngai, dai tengman ai lam hta na dam mat wa nna, kaga langai ngai shi hpe shabai dat wu yang gaw;

YAWSHU 7:21

ngai shut kau ai lam gaw, dai lanep rai hta na reng ai Shina hpajawng langai mi, gumhpraw shekela ni tsa hte shekela manga shi rawng ai ja hkaw langai mi ngai mu nna, dai hpe ra ai majaw la kau se ai: yu u, dai gaw nye a sum kata e ga hta lup da we ai, gumhpraw gaw ga de jahtum nga ai,” ngu nna tsun dan wu ai.

YUDA 1:11

Shanhte gaw dingnye lu mu ga! kaning rai nme law, Ka-in a lam hta e shanhte hkan hkawm ma ai rai nna, shabrai lu la na matu Balam a lam dam mat ai hta gumbawm ma ai hte, Kora a gumlau gumle ai amu hta e hten bya mat ma ai.

SHINGRAN 18:13

maza hpun, shatmai tsi, manam pyaw ai baw, mura, lawban, tsabyi jahku, asau, muk shadung, hkaulan mam, dumsu, sagu, gumra, gumra leng, masha hkum hte masha amyit masin hpe, ngu ai rai nga ai.