1 TIMOHTI 5:17 - Jinghpaw Hanson Version Bible

¹⁷ Atsawm sha up nga ai Hpung salang ni hpe hkungga lara shagup na ging nga ai hta, dai mungga hte sharin shaga ai lam hta amu bungli gun hpai ai salang ni hpe, grau nna hkungga lara ging nga ai, dum nga mu.

Jinghpaw Common Language Bible 2009

¹⁷ Ningbaw ningla amu hpe atsawm galaw ai hpung woi ni gaw shabrai htam lahkawng hkam la ging ai wa re ngu nna sawn la mai nga ai. Grau nna mungga htawn tsun ai lam sharin achyin ai lam hpe shakut shaja gun hpai ai ni gaw shing rai hkam la ging ai ni rai nga ma ai.

1 TIMOHTI 5:17 ပူးပေါင်းရင်းမြစ်များ

2 HKAWHKAM 2:9

Ya shan lahkawng rap tawng ngut jang, Elia gaw Elisha hpe, “Ngai nang hte garai n hka yang, nang hpe hpa gam jaw na, hpyi rit,” ngu nna tsun wu yang, Elisha gaw, “Na a wenyi htam lahkawng nye a ntsa e anga nga li ga,” ngu nna hpyi wu ai.

ESAIA 40:2

Yerusalem mare hpe ngwipyaw ga tsun mu: shi a hpyen majan ngut wa sai, shi yubak raw dat kau ai hkrum sai, yubak mara majaw ari hkrum ai hta, Yehowa lata hta na chyeju htam lahkawng hkam la nu ai, ngu nna shi hpe jahtau tsun mu.

YEREMIA 16:18

Shanhte gaw nye a mung hpe, tinang a n san n seng ai si mang ni hte awu asin di kau nna, nye a sali wunli ga hpe, matsat shabat hte jahpring ai majaw, ngai shanhte hpe ari htam lahkawng, shawng jaw na nngai.

YEREMIA 17:18

Ngai hpe zingri zingrat ai ni kaya kahpa hkrum mu ga; ngai mahtang kaya kahpa n hkrum u ga; shanhte mak mat mu ga, ngai mahtang mak mat ai n hkrum u ga: ru tsang hkrum ai shani shanhte a ntsa e du shangun nna, shanhte hpe atsai awai agrawp kau mu.

ZEHKARIA 9:12

myit mada nga ai bawng dung ni e, hpyen dap de nhtang wa manu: ngai nang hpe chyeju htam lahkawng jaw na nngai, dai ni jang ngai tsun da ni ai.

BU HKAWM 18:31

Dai gaw tinang hte tinang a nta masha ni sha-ang ai shara shagu hta sha lu na rai ma ai: kaning rai nme law, shawa sum a amu gun hpai ai matu, dai gaw nanhte a shabrai rai nga ai.

MAHTE 24:25

Yu mu, ngai nanhte hpe tsun hkap da ni ai.

LUKA 10:7

Dai nta hta e nga nga nna, shanhte tawn jaw ai hte maren lu sha mu: kaning rai nme law, amu galaw ai wa gaw shabrai hkam la ging nga ai: nta mi kaw nna nta mi de hkum htawt nga hkawm myit.

LUKA 12:42

Dai rai nna Madu gaw, “Nta madu shi a kun dinghku ntsa e san tawn da nna, aten du jang lusha karan jaw lu na kangka re ai hte myit su ai kunhting wa, kadai rai nga a ta?

YAWHAN 4:38

Nanhte n-gun n dat ai kaw na dan la nu, ngai nanhte hpe shangun dat made ai: masha kaga ni makan bungli galaw masai rai nna, nanhte gaw shanhte a makan bungli hta shang la nga myit dai,” ngu nna shanhte hpe tsun mu ai.

KASA 11:30

dai hte maren shanhte galaw nna, Barnaba yan Shawlu a lata hta salang ni hpang de shagun dat ma ai.

KASA 20:35

Shing rai galaw shaja nna, gawng kya ai ni hpe shadaw mai ai lam mung, Hkam sha ai hta jaw ya ai mahtang grau a nga ai, nga nna Madu Yesu nan tsun ai ga dum ga, ngu nna mung, ngai lam shagu hta nanhte a ningli tai ni ai law,” ngu nna tsun mu ai.

KASA 28:10

shanhte mung, anhte hpe hkungga lara ai lam law law galaw nna, dai yang na li jawn pru wa jang, anhte hta ra ai made li hta bang ya dat ma ai.

ROMA 12:8

shadum jahprang chye ai wa gaw, shadum jahprang ai amu hpe, shachyen u ga; alu jaw ai wa gaw n daw n hta jaw u ga; up hkang ai wa gaw, kasang kalang hte up nga u ga; matsan dum chye ai wa gaw, kabu gara ai myit hte galaw u ga.

ROMA 15:27

Shanhte myit madu ma timung, dai gaw chyeju htang ai sha naw rai nga ai: kaning rai nme law, shanhte a wenyi wunli wun-gau hta maigan amyu ni jawm hpawm ma yang gaw, mungkan arai hte shanhte hpe galaw daw na, sut nga ai.

ROMA 16:12

Dai Madu a bungli gun hpai ai Truhpena hte Truhpawsa hpe shakram ya mi. Dai Madu hta e grai wa shakut sharang ai, tsawra ai Persi hpe shakram ya mi.

1 KORINHTU 15:10

Rai timung, ngai rai nga nngai hte maren, Karai Kasang a chyeju majaw ngai rai nga nngai; ngai hkam la ai shi a chyeju gaw, ngai hta e kaman lila n rai nga ai sha, shanhte nlang hte hta ngai grau nna bungli gun hpai nngai; dai gaw ngai n rai, ngai hte rau anga nga ai Karai Kasang a chyeju sha rai nga ai.

1 KORINHTU 16:16

nanhte gaw shing re ai ni a npu e mung, shingdep shingtau ai ni hte, bungli gun hpai ai ni nlang hte a npu e mung, a taw nga mu.

1 KORINHTU 3:9

Anhte chyawm gaw Karai Kasang a shingdep shingtau ni rai nga ga ai: nanhte gaw Karai Kasang a yi hkauna hte, Karai Kasang a wahpang htingnu, rai nga myit dai.

2 KORINHTU 6:1

Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

GALATI 6:6

Dai mungga hpe sharin achyin la ai wa gaw, sharin achyin ya ai wa hpe mai kaja ai yawng mayawng hte karan kachyan nga u ga.

TARA JAHPRANG 18:8

shi a sali wunli dut nna lu ai arai hta kaga hpunau ni hte maren hkam sha lu na rai nga ai.

HPILIPI 2:16

asak hkrung ya ai mungga hpe lang nga let, shanhte a ka-ang e mungkan ga a nhtoi zawn nanhte htoi tu nga na myit dai: dai hta kaga, ngai mung kaman lila n gat shingjawng ai hte, kaman lila amu bungli n galaw nngai hpe tau yu yang, Hkristu a nhtoi hta kabu gumrawng shara ngai nga na nngai.

HPILIPI 2:29

Dai rai nna kabu gara myit ting hte shi hpe hkap hkalum la nna, shing re ai ni hpe hkungga lara di mu.

HPILIPI 4:3

Nye a nrum ntau majing e, dai num yan hpe hkap tau la na, ngai nang hpe mung hpyi nngai; shan gaw Klemen hte, asak jahpan laika hta tinang a amying lawm ai nye a shingdep shingtau shaje ni hte, dai kabu gara shiga hta, ngai hte rau bungli galaw ma ai.

1 TIMOHTI 3:5

Marai langai ngai tinang a nta hpe n chye hkang a yang gaw, Karai Kasang a Hpung hpe kaning rai lanu lahku lu na rai ta?

1 TIMOHTI 4:10

dai rai nna, shinggyim masha mahkra hte kamsham ai ni hpe grau nna hkye hkrang la ai Madu rai nga ai, ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw nna a shaja nga ga ai.

1 TIMOHTI 4:14

Hpung salang ni a lata mara da let, myihtoi ga hte nang hpe jaw da nna, nang hta rawng ai maka hpe hkum hprai kau nga u.

1 TIMOHTI 4:16

Na a hkum hpe mung, na a sharin shaga ai lam hpe mung, a sadi nga u; ndai lam hte hta e agrin nga u: shing rai galaw n yang gaw, na a hkum hpe mung, nang hpe madat mara ai ni hpe mung, nang hkye hkrang la lu na ra ai.

1 TIMOHTI 4:6

Ndai lam hte gaw nang hpunau ni hpe shadum jahprang nga n yang gaw, nang hkan nang nga ai makam masham a mungga hte mai kaja ai sharin shaga ai lam hta pan kaba wa ai majaw, Hkristu Yesu a amu gun hpai wa kaja, nang rai na ndai.

1 TIMOHTI 5:19

Sakse lahkawng masum n nga a yang gaw, Hpung salang wa hpe mara shagun ai lam hta hkum madat lawm et.

1 TIMOHTI 5:3

Gaida jan majing rai nga ai gaida jan ni hpe, hkungga lara nga mu.

2 TIMOHTI 2:6

Sun hkauna magan shaja ai wa, nsi naisi shawng sha ai gaw, majoi rai nga ai.

2 TIMOHTI 4:2

dai mungga hpe hkaw dan nga u; du hkra ladaw ang ai rai timung, n ang ai rai timung, a shaja nga u; myit galu kaba ai hte, sharin shaga ai hku yawng hkan let, daru jet nga u, yubak madun nga u, shadut jahkat nga u.

HEBRE 13:17

Nanhte a lam woi ningshawng ni a ga madat mara nna, shanhte a npu e taw nga mu: kaning rai nme law, shanhte gaw jahpan dan na ni rai ma ai rai nna, nanhte a myit masin a matu mara a maja nga ma ai: jahpan dan ai shaloi e, nanhte a matu akyu n shabyin lu ai yawn madai ai hte n rai, kabu gara ai myit hte dan lu mu ga, shanhte a npu e taw nga mu.

HEBRE 13:24

Nanhte a lam woi ningshawng ni nlang hte hte, chyoi pra ai ni yawng mayawng hte hpe, shakram ya mi: Itali mung na ni, nanhte hpe shakram dat ma ai.

HEBRE 13:7

Karai Kasang a mungga nanhte hpe tsun dan ai, nanhte a lam woi ningshawng ni hpe, adum nga mu: shanhte prat lai hkra hkan wa sai lailen ningli hpe myit sumru yu nna, shanhte a kamsham ai hpunda hkap hkra, hkan sharau nga mu.