1 TIMOHTI 5:14 - Jinghpaw Hanson Version Bible

¹⁴ Dai rai nna, aprat garai n kaba ai gaida jan ni gaw hkungran nna, kashu kasha shangai ai hte, kun dinghku hpe yu lajang let, nhtan shai ai ni a matu shatan nhkan ai lam n shapraw u ga, ngai ra nga nngai:

Jinghpaw Common Language Bible 2009

¹⁴ Dai rai nna hpyen ni gaw anhte a lam n kaja ai hku tsun na lam ginjang n nga hkra aprat kaji ai gaida jan ni gaw hkungran nna kashu kasha shangai ai hte shanhte a kun dinghku ni hpe yu lajang nga na hpe ngai grau ra sharawng nga nngai.

1 TIMOHTI 5:14 ပူးပေါင်းရင်းမြစ်များ

NINGPAWT NINGHPANG 18:6

Shaloi Abraham gaw sum kata e nga ai Sara hpang de alawan wan gat shang wa nna, Muk shadung jare masum alawan gan gumchya nhtawm muk pa kaba u,” ngu nna tsun da wu ai.

NINGPAWT NINGHPANG 18:9

Shaloi shanhte gaw, “Na a madu jan Sara kanang nga nga a ta?” Ngu nna san mu ai. Shi gaw, “Wonang sum e nga nga ai,” ngu nna htan wu ai.

2 SAMUELA 12:14

Rai timung, nang ning rai shut ai rai nna, Yehowa a hpyen ni a man e jahpoi shara kaba shatai ai majaw, ya shangai na kasha gaw teng teng si lu na rai nga ai,” ngu wu ai.

GA SHAGAWP 14:1

Hpaji rawng ai num gaw, tinang nta hpe gap da nga ai; Nyan tang ai num chyawm gaw, tinang lata hte hpya kau nga ai.

YEREMIA 29:6

num la nna shayi shadang sha shaprat mu; nanhte a shayi shadang sha ni hpe, num la num wa shangun mu; shanhte mung mayat maya wa mu ga: dai yang e law htam wa mu, hkum yawm wa myit.

Daniela 6:4

Shaloi munggyi kaba ni hte kaga munggyi ni gaw, mungdan up ai lam hta Daniela hpe mara shagun na tam ma timung, shi gaw kangka rai nga nna, shut ai hte myit magaw ai lam, shi hta n nga ai majaw, mara shagun shara hpa n mu ma ai.

ROMA 14:13

Dai re ai majaw, anhte shada da hpa n jeyang saga; kadai rai timung, tinang hpunau a matu ahtu kadawng shara hte myit kataw shara n tawn da na lam she, jeyang nga mu.

2 KORINHTU 11:12

Mara tam mayu ai ni mara n mu u ga hte, shanhte a gumrawng ai hta anhte hte maren sha shanhte tai u ga she, ngai galaw yu ai lam hpe naw a galaw nga na nngai.

1 TIMOHTI 2:8

Dai re ai majaw, masin pawt ai n lawm nna, ndang kalang n re ai hte, lasha ni gaw chyoi pra ai lata sharawt let, shara shagu hkan e akyu hpyi nga na hpe, ngai ra nga nngai.

1 TIMOHTI 4:3

Wenyi e dan dan leng leng tsun dan nga ai: shanhte gaw hkungran ai lam hpe mung, kamsham nga nna tengman ai ga hpe chye nga ai ni, shakawn kungdawn ga hte hkam la mai ai, Karai Kasang hpan tawn da ai ashan hpe mung, jep kau na mara ai.

1 TIMOHTI 5:11

Dai hta aprat kaji ai gaida jan ni hpe shinggan kau mu: shanhte gaw Hkristu a lam n hkam sharang lu ai shaloi e, hkungran mayu ma ai rai nna,

1 TIMOHTI 6:1

Karai Kasang a mying nsang hte dai sharin shaga ai lam gaw shatan nhkan n hkrum u ga, kandang npu e nga ai mayam ni kadai rai timung, tinang a madu ni hpe lam shagu hta hkungga lara di mai ai myit nga nga mu ga.

TITU 2:5

shingdi ai, sari sadang rawng ai, kun dinghku shading chye ai, mai kaja ai myit madun nna, tinang madu wa hkang ai hku hkan ai ni rai lu na matu, len shalet chye ai gumgai ni rai nga mu ga.

TITU 2:8

nhtan shai ai wa gaw kaya hkrum nna, anhte a lam hpa mara n shagun lu u ga, na a sharin shaga ai lam hta, n sun n ang ai ga n nang ai, si si re ai hte kadai ndang shara n rawng ai, san seng ai mungga madun dan u.

HEBRE 13:4

Hkungran ai lam gaw, yawng mayawng a man e arawng lu u ga; hkungran ai yup ra mung, san seng nga u ga: kaning rai nme law, hpye ai amu galaw ai ni hte num shaw la shaw ai ni hpe, Karai Kasang tara dara na wu ai.