1 TIMOHTI 4:8 - Jinghpaw Hanson Version Bible

⁸ kaning rai nme law, hkumhkrang hpe jahpan ai lam gaw akyu loi sha mi nga ai rai timung, tara hkungga ai myit gaw lam shagu hta akyu nga ai rai nna, ndai aprat hte rai timung, htawm hpang na prat hte rai timung, seng ai ga ndat rawng nga ai.

Jinghpaw Common Language Bible 2009

⁸ Hkum hkrang hte seng nna sha shaman shakyang ai lam gaw akyu loi sha mi nga ai; rai ti mung wenyi makam masham lam hta shaman shakyang ai gaw lam shagu hta akyu nga nga ai; hpa majaw nga yang dai gaw ndai prat hte htawm hpang prat a matu ga ndat rawng nga ai.

1 TIMOHTI 4:8 ပူးပေါင်းရင်းမြစ်များ

YOBA 22:2

hpaji rawng ai wa gaw, tinang a akyu shabyin lu ai hte maren, n-gun ja ai wa gaw, Karai Wa a matu akyu shabyin lu a ni?

YOBA 36:11

Shanhte madat mara nna, shi hpe daw jau nga yang, shanhte gaw ngamu ngamai ai hte tinang a nhtoi ni, ngwipyaw let tinang a shaning shata ni, shalai dat na mara ai.

SHAKAWN KUNGDAWN 145:19

Shi hpe hkrit kamyin ai ni a ra ai hku shi shadik ya nna, Shanhte a jahtau ai hpe shi na la nna, shanhte hpe hkye la mu ai.

SHAKAWN KUNGDAWN 37:11

Myit gyip ai ni mahtang lamu ga hpe madu lu nna, Angwi apyaw hta sharawng awng na mara ai.

SHAKAWN KUNGDAWN 37:29

Dinghpring ai ni gaw dai mungdan hpe madu lu nna, Dai hta e nan nawng e nga nga lu na mara ai.

SHAKAWN KUNGDAWN 37:9

N shawp ai ni kran kau ai hkrum na mara ai; Yehowa hpe myit mada ai ni, lamu ga hpe madu lu na mara ai.

SHAKAWN KUNGDAWN 84:11

Yehowa Karai Kasang ajan hte n-gang rai nga ai, Yehowa gaw chyeju hte arawng sadang jaw lu ai; Dingman ai hku hkan ai ni hpe, shi kaja ai hpa mung ndang na n rai.

GA SHAGAWP 19:23

Yehowa hpe hkrit kamyin ai myit gaw, asak lam rai nga ai; Dai myit rawng ai wa gaw apyaw sha nga lu na ra ai; Shi gaw aru ara hkrum na ra ai, n rai.

GA SHAGAWP 22:4

Myit nem ai hte Yehowa hpe hkrit hkungga ai a akyu gaw, Sutgan, arawng sadang hte asak rai nga ai.

HPAJI NINGLI 8:12

Yubak galaw ai wa gaw, n hkru ai amu latsa lang galaw nna, shi a asak galu timung, Karai Kasang a man e hkrit kamyin nga ai ni mahtang, mai kaja ai hkrum na mara ai hpe, gaja wa ngai chye nngai:

ESAIA 3:10

Dinghpring ai wa gaw, shi shapraw ai si sha lu ai majaw, shi hta a nga ai, ngu nna tsun mu.

ESAIA 33:16

matsaw ntsang e shanu nga na ra ai; shi gaw ngang ai nlung dap hta shingbyi nga na ra ai; lusha nhprut na n rai, ntsin mung nhtut na n rai.

YEREMIA 6:20

Sheba mung na lawban hpe mung, sumtsan mung na maza hpun hpe mung, hpa majaw ngai hpang de la sa n ta? nanhte a wan nat hkungga hpe ngai n ra nngai, nanhte a shagu hkungga hpe ngai n sharawng nngai.”

MAHTE 12:32

Dai Masha Kasha hpe ga hte shut hpyit ai wa kadai hpe mung, mara raw dat kau ya na lam hku nga ai; Chyoi pra ai Wenyi hpe ga hte shut hpyit ai wa chyawm gaw, ndai aprat hta rai timung, hpang na aprat hta rai timung, raw dat kau ya ai hkrum lu na n rai.

MAHTE 19:29

Nye amying a matu mara, nta, kahpu kanau, kajan, kanu kawa, kashu kasha hte yi hkauna hte hpe kau da ai wa kadai rai timung, htam law law wa lu la nna, htani htana asak a sali wunli hkam la na ru ai.

MAHTE 6:33

Nanhte chyawm gaw, shi a mungdan hte shi a dinghpring ai lam hpe shawng tam nga mu; shaloi dai nlang nanhte hpe kahtap jaw na marin dai.

MARKU 10:30

zingri zingrat hkrum ai hte hpawn, ndai aprat hta e nta, kahpu kanau, kajan, kanu, kashu kasha hte yi hkauna hte hpe htam latsa dang, n lu la na wa, n nga ai: htawm hpang prat e gaw n htum n wai asak lu la na ra ai.

LUKA 5:38

Tsabyi nnan hpe shanhpyi ndum nnan hta bang na rai nga ai.

ROMA 8:28

Dai rai nna, shakyet tawn da ai hte maren, shaga la ai hkrum ai ni ngu ai, Karai Kasang hpe tsawra ai ni a matu mara, yawng mayawng mai kaja hkra jawm byin wa sai, anhte chye ga ai.

1 KORINHTU 3:22

Pawlu mung, Apolo mung, Kehpa mung, mungkan ga mung, hkrung mahkrung mung, si hkrung si htan mung, ya e nga ai hte htawm hpang e pra na ra ai mung, yawng mayawng hte gaw nanhte a npu e rai nga malit dai;

1 KORINHTU 8:8

Rai timung, shahpa majaw Karai Kasang a man e anhte myi man pa na ga ai n rai: anhte n sha yang gaw, grit wa na ga ai n rai; sha yang mung, grau wa na ga ai n rai.

1 TIMOHTI 4:7

N san n seng ai hte gumgai maumwi ga hpe yeng kau u; tara hkungga ai hku hta na hkum shan hpe shakung jahpan nga u:

1 TIMOHTI 6:3

Marai langai ngai nhtan shai ai sharin shaga ai lam sharin ya nna, anhte a Madu Yesu Hkristu a hkam kaja ai mungga hte tara hkungga ai lam hte bung ai sharin shaga ai lam hpe n awlaw lawm a yang gaw,

1 TIMOHTI 6:5

n san n seng ai myit rawng nna, tengman ai ga yet mat ai hte, tara hkungga ai lam gaw hpaga amyat sha ai lam sha rai nga ai, nga nna myit nga ai masha a ga law ga la ai lam pru wa ai.

1 TIMOHTI 6:6

Gaja wa, tara hkungga ai gaw, myit dik ai hte nawng, amyat kaba rai nga ai:

2 TIMOHTI 3:5

shanhte gaw tara hkungga ai htung hkan ma timung, dai hte seng ai hpung shingkang hpe nyet kau ai ni rai nga ma ai: shing re ai ni hpe mung koi kau u.

TITU 3:8

Ndai ga gaw kangka re ai ga rai nga ai rai nna, Karai Kasang hpe kamsham ai ni gaw, kaja reng ai magam bungli a shachyen nga na myit dum nga mu ga, ndai lam ni hpe nang grai ngu tsun shangang ya na, ngai ra nga nngai. Dai lam ni gaw masha a matu mai kaja nga ai rai nna akyu rawng nga ai:

HEBRE 13:9

Sharin shaga ai lam tsasam amyu myu de hkum htawt hkum hkan myit: hkan nang ai ni a matu hpa akyu n shabyin ya lu ai shahpa lam hte n rai, chyeju lam hte she myit masin hpe shangang shakang lu na, mai kaja nga ai.

1 YAWHAN 2:25

Anhte hpe jaw da ai ga n dat chyawm gaw, n htum n wai asak hkam la na ga n dat rai nga ai.

SHINGRAN 3:12

Dang lu ai wa hpe, nye a Karai Kasang a nawku Htingnu hta daw nu ngai shatai na we ai: shi galoi mung dai kaw na hpang de pru na n rai; nye a Karai Kasang a mying nsang hpe mung, nye a Karai Kasang Kaw na pru nna, sumsing lamu na yu hkrat wa ai Yerusalem mare ningnan ngu ai, nye a Karai Kasang a mare amying hpe mung, ngai hkum nan a amying hpe mung, dai wa a ntsa e ngai ka shakap ya na we ai.

SHINGRAN 3:21

Ngai dang lu nna, nye Wa a tingnyang e shi hte rau dung nga lu ai zawn, dang lu ai wa gaw, nye a tingnyang e ngai hte rau dung nga lu na ahkang, ngai jaw na we ai.

1 SAMUELA 15:22

Bai Samuela gaw, “Yehowa gaw, shi a ga madat ai hta awng sharawng ai zawn, wan nat hkungga hte hkungga amyu hta awng sharawng na a ni? Yu u, madat mara ai gaw hkungga shan hta grau nga ai; tsun ai hku hkan ai gaw, sagu la sau dung hta grau kaja nga ai.