1 TIMOHTI 4:7 - Jinghpaw Hanson Version Bible

⁷ N san n seng ai hte gumgai maumwi ga hpe yeng kau u; tara hkungga ai hku hta na hkum shan hpe shakung jahpan nga u:

Jinghpaw Common Language Bible 2009

⁷ Rai ti mung, Karai Kasang hte n seng ai tsun na matu akyu n nga ai maumwi ga ni hpe koi kau nna, tinang a asak hkrung lam hpe tara hkungga ai lam hta shakung jahpan nga u.

1 TIMOHTI 4:7 ပူးပေါင်းရင်းမြစ်များ

KASA 24:16

Dai rai nna, Karai Kasang a man e mung, masha a man e mung, ra n rawng ai sha tutnawng myit mang san pra nga lu hkra, a shaja nga nngai.

1 TIMOHTI 1:4

ga law ga la shapraw ai maumwi ga hte n htum hkraw ai ahtik labau gawn ai hku hpe n hkan shachyut mu ga she, nang gaw masha nkau mi hpe daru jet kau na matu, ngai Makedoni mung de sa wa ai shaloi e Ehpesu mare e naw anga nga na, nang hpe shadut jahkat sade ai hte maren, naw nga nga u.

1 TIMOHTI 1:9

rai timung, dinghpring ai wa a matu mara jep ai tara tawn da nga ai n re ai sha, n tara ai ni, gumlau gumle re ai ni, tara n hkungga ai ni, yubak galaw ai ni, n chyoi n pra ai ni, ga n seng ai ni, kanu kawa hpe bye kau ai ni, masha sat ai ni;

1 TIMOHTI 2:10

Karai Kasang hpe nawku ai numsha ni a mai ang ai hte maren, kaja ai magam bungli hte, tinang hkum hpe mawn sumli nga mu ga.

1 TIMOHTI 3:16

Karai Kasang hpe nawku hkungga ai lam a sung htum ai gaw, kaba la ai lam rai nga ai, nga nna ndang shara n nga ai: “Shi gaw hkum shan hta dan pru wa sai, Wenyi hta e dinghpring ai hkrum nu ai; Lamu kasa ni gaw shi hpe mu lu manu ai; Maigan ni kaw shi a lam hkaw dan manu ai; Mungkan ga gaw shi hpe kamsham masai, Hpung shingkang hta shalun ai shi hkrum nu ai.”

1 TIMOHTI 4:8

kaning rai nme law, hkumhkrang hpe jahpan ai lam gaw akyu loi sha mi nga ai rai timung, tara hkungga ai myit gaw lam shagu hta akyu nga ai rai nna, ndai aprat hte rai timung, htawm hpang na prat hte rai timung, seng ai ga ndat rawng nga ai.

1 TIMOHTI 6:11

Nang chyawm gaw, Karai Kasang a masha wa e, ndai lam hte hpe koi gam nga u: dinghpring ai, tara hkungga ai, kamsham ai, tsawra ai, shakut sharang ai hte sumnung ai myit hpe hkan shachyut nga u.

1 TIMOHTI 6:20

O, Timohti e, nang hpe ap ya de ai aya hpe, a mahkyu nga u: n san n seng ai baw law ai ga hpe mung, chye chyang ai lam re ai ngu nna, shamying gawm ai nhtan shai ai lam hpe mung, koi kau nga u:

1 TIMOHTI 6:3

Marai langai ngai nhtan shai ai sharin shaga ai lam sharin ya nna, anhte a Madu Yesu Hkristu a hkam kaja ai mungga hte tara hkungga ai lam hte bung ai sharin shaga ai lam hpe n awlaw lawm a yang gaw,

1 TIMOHTI 6:5

n san n seng ai myit rawng nna, tengman ai ga yet mat ai hte, tara hkungga ai lam gaw hpaga amyat sha ai lam sha rai nga ai, nga nna myit nga ai masha a ga law ga la ai lam pru wa ai.

2 TIMOHTI 2:16

Kaman lila baw law ai ga hpe koi gam u; dai lam hkan ai ni gaw, n tara ai htung de grau nna shang nan wa ma ai rai nna,

2 TIMOHTI 2:23

Angawk angak hte tuk shamak re ai ndang kalang ga gaw, ga law ga la lam sha shapraw nga ai, chye da nga let, dai baw ga hpe koi gam u.

2 TIMOHTI 3:12

Gaja wa, Hkristu Yesu hta tara hkungga ai lam hkan nang mayu ai ni nlang hte gaw, zingri zingrat ai hkrum lu na mara ai.

2 TIMOHTI 3:5

shanhte gaw tara hkungga ai htung hkan ma timung, dai hte seng ai hpung shingkang hpe nyet kau ai ni rai nga ma ai: shing re ai ni hpe mung koi kau u.

2 TIMOHTI 4:4

dai tengman ai ga hpe na layawng kau let, maumwi ga hpang de yit mat wa na mara ai.

TITU 1:14

dai makam masham hta san seng nga mu ga, shanhte hpe aja awa daru sharin nga u.

TITU 2:12

tara n hkungga ai myit hte mungkan ga hpe marin marit ai lam koi kau nhtawm, ndai prat e si si re ai hte dinghpring nna tara hkungga ai lam hkan nang lu hkra,

TITU 3:9

angawk angak nga nna san ai ndang kalang ga hpe mung, ahtik labau gawn ai lam hpe mung, jep ai tara a majaw ga law ga la nga nna gasat ningjet re ai lam hpe mung, koi kau u: kaning rai nme law, dai lam ni gaw akyu n rawng ai hte kaman lila sha rai nga ai.

HEBRE 5:14

Ja ai shahpa chyawm gaw, kaja ai hte n kaja ai hpe chye ginhka lu hkra, tinang a myit mang ai lam hpe len shaman ai hte shakung jahpan chye nna, hkum tsup nga ai ni a matu rai nga ai.