1 TIMOHTI 4:5 - Jinghpaw Hanson Version Bible

⁵ Karai Kasang a mungga hte akyu hpyi ai a gawp e shachyoi shapra nga ai majaw, dai hpe shakawn kungdawn ga hte hkam la a yang gaw, hpa rai timung gang kau mai ai n rai.

Jinghpaw Common Language Bible 2009

⁵ Hpa majaw nga yang, Karai Kasang a mungga hte akyu hpyi ai ga gaw dai hpe shachyoi shapra ya nga ai rai nna Karai Kasang hkap la ging ai shahpa shabyin shatai ya nga ai.

1 TIMOHTI 4:5 ပူးပေါင်းရင်းမြစ်များ

NINGPAWT NINGHPANG 1:25

Shing rai Karai Kasang gaw, ga ntsa na dusat nhprang amyu myu, yamnga amyu myu, ga e gumrawt hkawm ai baw amyu myu hpe mung galaw wu ai: dai kaja nga ai gaw Karai Kasang mu wu ai.

NINGPAWT NINGHPANG 1:31

Shaloi Karai Kasang gaw shi hpan hpajang da ai amu yawng mayawng hpe yu yu nna, yu mu dai gaw nachying kaja nga ai. Shaloi shana hte jahpawt gaw kru ya nhtoi hta tai ma ai.

LUKA 11:41

Rai timung, kata de rawng ai arai hpe alu jaw mu; shaloi, yu mu, nanhte a matu nlang san pra nga na rai malit dai.

LUKA 4:4

Yesu gaw, “Masha gaw muk hte sha hkrung nga lu na n rai, nga nna ka da nga ai,” ngu nna htan wu ai.

1 KORINHTU 7:14

Kaning rai nme law, n kam n sham ai madu wa gaw, madu jan a jaw e shachyoi shapra ai hkrum nga ai; n kam n sham ai madu jan mung, dai hpunau wa a jaw e shachyoi shapra ai hkrum nga ai: dai n rai yang gaw, nanhte a kashu kasha ni n san n seng na ma ai; ya chyawm gaw shanhte chyoi pra nga ma ai.

1 TIMOHTI 4:3

Wenyi e dan dan leng leng tsun dan nga ai: shanhte gaw hkungran ai lam hpe mung, kamsham nga nna tengman ai ga hpe chye nga ai ni, shakawn kungdawn ga hte hkam la mai ai, Karai Kasang hpan tawn da ai ashan hpe mung, jep kau na mara ai.

TITU 1:15

San seng ai ni a matu, yawng mayawng san seng nga ai: n san n seng ai ni hte n kam n sham ai ni a matu chyawm gaw, hpa mung n san n seng nga ai; shanhte a myit mang hte kraw lawang gaw, n san n seng rai malu ai.

HEBRE 11:3

Nga yawng nga pra gaw Karai Kasang a mungga hte hpajang tawn da nga ai rai nna, mu lu ai arai ni gaw, dandawng nga ai arai ni hta na n byin wa ai hpe, kamsham ai hte anhte dum chye ga ai.