1 TIMOHTI 4:2 - Jinghpaw Hanson Version Bible

² hkalem hkalau chye ai wenyi ni hte nat a sharin shaga ai lam hpe madat mara na rai nna, shanhte a myit nsam hpri kahtet hte zawn gaba nga ai, nga nna,

Jinghpaw Common Language Bible 2009

² Kahtet ai hpri hte kaba jahkat kau hkrum ai zawn, tinang a mai n mai chye ginhka ai htauli htaula myit ni si mat sai masu hkalem ai ni gaw shing re ai sharin shaga ai lam ni hpe shachyam shabra dat ma ai.

1 TIMOHTI 4:2 ပူးပေါင်းရင်းမြစ်များ

1 HKAWHKAM 13:18

Shaloi myihtoi dingla gaw, “Ataw ngai mung nang hte maren myihtoi she rai nga nngai; lamu kasa gaw Yehowa a ga ngai hpe htawn tsun nna, Dai wa gaw muk sha ntsin lu na matu, na nta de shi hpe shaga la u, nga ai,” ngu nna shi hpe masu kau wu ai.

1 HKAWHKAM 22:22

Yehowa gaw, “Kaning di lau na wu ta?” ngu nna san wu yang, dai wenyi gaw, “Ngai pru nna, shi a myihtoi ni mahkra a n-gup hta masu ai wenyi tai na nngai, ngu nna htan wu ai. Yehoaw mung, Nang shi hpe lau lu na wu ai; dai hku sa galaw su,” ngu dat wu ai.

ESAIA 9:15

Dai amyu hpe woi awn ai ni, shanhte hpe lam shayit mu ai; shanhte hpe hkan nang ai ni mung, shamyit kau ai hkrum ma ai.

YEREMIA 23:14

Yerusalem mare na myihtoi ni hta mung, matsat shabat amu ngai mu nngai: shanhte num shaw nna, masu ai lam hkan nang ma ai; kadai mung tinang a shut hpyit ai hta na myit malai n lu hkra, shanhte gaw shut hpyit ai ni a lata hpe n-gun shaja ya mu ai; shanhte nlang hte gaw nye a man e Sodom zawn, mare masha ni gaw Gomora zawn, tai ma ai.

YEREMIA 23:26

Masu ga htoi nna, tinang myit hkan ai myihtoi ni gaw, gaten du hkra dai zawn galaw na ma ta? shanhte gaw tinang myit hkan nna, hkalem ai hku htoi ai myihtoi ni rai nga ma ai:

YEREMIA 23:32

Yu u, masu ai yup mang hkai dan nna, tinang a masu ga hte kaman lila grang ai ga majaw, nye amyu masha ni hpe lam dam shangun ai myihtoi ni hpe, ngai hkap daw na nngai: ngai shanhte hpe shangun ai, n rai, hkang da ai mung, n rai; shanhte gaw ndai amyu a matu, akyu n nga ai, nga nna Yehowa tsun ai.

YEREMIA 5:21

myi tu ninglen n mu, na tu ninglen n na ai, nyan kata ai, angawk angak re ai amyu e, ndai ga madat mu: Yehowa ning nga ai:

MAHTE 24:24

Kaning rai nme law, masu ai Hkristu hte rai timung, masu ai myihtoi hte rai timung paw pru nna, lata la sai ni hpe pyi shadam lu yang, shadam kau lu hkra lamik kumla hte mauhpa amu kaba madun dan na ra ai.

MAHTE 7:15

Kraw lawang hta e amya sha na chyahkyawn myit rawng nna, sagu hpyi bu hpun let nanhte kaw sa du ai myihtoi masu ni hpe koi gam mu.

KASA 20:30

dai hta kaga, nanhte hta na mung, sape ni hpe lau la lu hkra, shut ai hku tsun ai masha paw pru na ra ai.

ROMA 1:28

Bai, Karai Kasang hpe chye chyang na man ya e n gawn n sawn di mu ai majaw, n hpru n mai re ai amu galaw mu ga, Karai Kasang gaw shanhte hpe tuk shamak ai myit hta nawng kau mu ai rai nna,

ROMA 16:18

Kaning rai nme law, shing re ai ni gaw, anhte a Madu Hkristu hpe n daw jau ai wa, tinang kan a matu sha tsang ma ai rai nna, naw kaja nga ai ni a myit hpe ga sau ga pyaw hte hkalem kau ma ai.

EHPESU 4:14

shing rai anhte ma chyangai naw n rai nga na hte, masha a n hkru n hkra ai, maw da ai hkalem hkalau ai hpaji hte maren, nbung ngu ai sharin shaga ai lam shagu gadau gadap ai hte nhting nhtang n hkrum ai sha,

EHPESU 4:19

shanhte gaw hpa hkrit kaya ngu ai n dum ai majaw, nammak lawhpa ai hta n san n seng ai bungli amyu myu shachyen hkra, tinang a hkum hpe ngang kayut ai hta, nawng kau mu ai.

2 TIMOHTI 3:5

shanhte gaw tara hkungga ai htung hkan ma timung, dai hte seng ai hpung shingkang hpe nyet kau ai ni rai nga ma ai: shing re ai ni hpe mung koi kau u.

SHINGRAN 16:14

dai ni gaw lamik kumla galaw dan nna, Chyahtum chyalai n-gun rawng ai Karai Kasang a nhtoi kaba shani na majan gasat na matu, mungkan ting na hkawhkam ni hpe jahpawng la na pru sa wa ai nat a wenyi ni rai nga ma ai.