1 TIMOHTI 4:12 - Jinghpaw Hanson Version Bible

¹² Na a brang ram prat e, nang hpe kadai mung n shatan u ga: tsun ai ga hte mung, arawn alai hte mung, tsawra ai hte mung, kamsham nna chyoi pra ai hte mung, kamsham ai ni a matu mara, kasi kamang tai nga u.

Jinghpaw Common Language Bible 2009

¹² Nang asak naw kaji ai brang ram rai nga ndai majaw, kadai mung nang hpe n yu kaji kau u ga, tsun ai ga hta mung, arawn alai hta mung, tsaw ra ai hta mung, makam masham hte myit san seng ai hta mung, kam sham ai ni a matu mara kasi kamang tai nga u.

1 TIMOHTI 4:12 ပူးပေါင်းရင်းမြစ်များ

ZEHKARIA 2:4

“Gat su, ndai shabrang wa hpe, ning ngu tsun u: ‘Yerusalem mare hta masha hte yamnga, ga daga dabak nga ai majaw, dai mare gaw kahtawng zawn bunghku n kum ai, de nga na ra ai,’ ngu nna shi hpe tsun wu ai.

MAHTE 18:10

Dai ma kaji langai mi hpe pyi nanhte n gawn n sawn n di kau myit ga, sadi nga mu: nanhte hpe ngai tsun made ga, Sumsing lamu kata e, shanhte a lamu kasa ni gaw, sumsing lamu na nye Wa a myi man hpe, galoi mung a mada nga ma ai.

1 KORINHTU 11:1

Ngai gaw Hkristu hta samnang ai zawn, nanhte mung nye a samnang ni tai nga mu.

HPILIPI 4:8

Dai hta kaga, hpunau ni e, hpa tengman ai lam rai timung, hpa htuk htap re ai lam rai timung, hpa dinghpring ai lam rai timung, hpa san seng ai lam rai timung, hpa sharawng awng ai lam rai timung, hpa sha-a ram ai lam rai timung, arawng re ai lam lama ma, shakawn kungdawn re ai lam lama rai nga yang gaw, dai lam hte hpe myit ada yu nga mu.

1 HTESALONI 1:6

Nni nkri law law hkrum timung, Chyoi pra ai Wenyi a kabu gara ai hte dai mungga hpe hkap la let, nanhte gaw anhte a samnang ai ni mung, dai Madu a samnang ai ni mung, tai nga manit dai rai nna,

1 HTESALONI 2:10

Kamsham nga ai ni nanhte a man e, anhte kaning rai chyoi pra ai hte dinghpring nna mara n kap ai rai nga ga ai hpe, nanhte mung, Karai Kasang mung, sakse rai nga myit dai.

1 TIMOHTI 1:14

Hkristu Yesu hte seng ai makam masham hte tsawra ai hte hpawn, anhte a Madu a chyeju gaw ladat hta lai hkra law htam wa sai.

2 TIMOHTI 2:15

Nang chyawm gaw, kaya shara n rawng ai sha, dai tengman ai mungga hpe ding ding chye hpajang ai magam gun hpai wa zawn, Karai Kasang a man e myi man pa lu hkra, na hkum shadan dan na, a shaja nga u.

2 TIMOHTI 2:22

Dai rai nna, brang ram a myit kayut ai lam koi gam u: san seng ai myit hte dai Madu hpe shaga gang ai ni hte rau, dinghpring ai, kamsham ai, tsawra ai hte ngwipyaw ai hpe, hkan shachyut nga u.

2 TIMOHTI 2:7

Ngai tsun ai lam myit aru yu u; kaning rai nme law, dai Madu gaw lam shagu hta nang hpe chye chyang ai myit jaw na ra ai.

TITU 2:15

Ndai lam ni hpe ahkang aya hkum hkum hte tsun dan u, shadum jahprang nna daru sharin nga u: kadai mung nang hpe n gawn n sawn n rai mu ga.

TITU 2:7

lam shagu hta kaja reng ai magam bungli a ningli nang hkum nan madun dan u:

YAKU 3:13

Nanhte hta e, hpaji byeng-ya hte chye chyang ai wa, kadai rai nga a ta? Dai wa gaw shingdi chye ai hpaji byeng-ya hte, kaja ai arawn alai hkan let, tinang a magam bungli hpe madun ru ga.

YAKU 3:17

Ntsa de na hpaji byeng-ya chyawm gaw, shawng npawt e san seng ai rai nga ai; dai hpang e, htingrai htingrat chye ai, sumnung ai, shingdi ai, matsan dum ai hte kaja ai asi hte hpring nga ai, gale galau n re ai hte hpyi hpun n chye ai hpaji byeng-ya rai nga ai.

1 PETRU 5:3

dai hpung hpe madu mayu ai myit hte n re ai sha, dai hpung hta lawm ai ni a man e ningli apawt tai nga myit ga.