1 TIMOHTI 4:10 - Jinghpaw Hanson Version Bible

¹⁰ dai rai nna, shinggyim masha mahkra hte kamsham ai ni hpe grau nna hkye hkrang la ai Madu rai nga ai, ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw nna a shaja nga ga ai.

Jinghpaw Common Language Bible 2009

¹⁰ Shinggyim masha yawng hte, grau nna kam sham ai ni a hkye hkrang la ai Madu rai nga ai ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw ai lam aja awa shakut nga ga ai.

1 TIMOHTI 4:10 ပူးပေါင်းရင်းမြစ်များ

SHAKAWN KUNGDAWN 107:2

Yehowa a majaw mawai la ai hkrum ai ni, Gumlau ni a lata na mawai la ai hkrum nna,

SHAKAWN KUNGDAWN 118:8

Yehowa hta shingbyi nga ai gaw, Masha wa hpe shamyet nga ai hta, grau kaja nga ai.

SHAKAWN KUNGDAWN 36:6

Na a dinghpring ai gaw Karai Wa a bum ni zawn rai nga ai, Nang dawdan ai hku nachying sung nga lit dai; Yehowa e, masha hte yamnga hpe, nang lanu lahku nga ndai.

SHAKAWN KUNGDAWN 37:40

Yehowa gaw shanhte hpe karum nga nna mawai la mu ai: shi hta shingbyi nga ma ai majaw, shi shanhte hpe tara n lang ai ni kaw na, mawai la nna, hkye hkrang la mu ai.

SHAKAWN KUNGDAWN 52:8

Ngai chyawm gaw, Karai Kasang a nta na, Tsit lali ai tsanlun hpun zawn rai nga nngai: Karai Kasang a chyeju hpe ngai tutnawng a hpa nga nngai.

SHAKAWN KUNGDAWN 84:12

Zaw nawng zaw wa up ai Yehowa e, nang hta shamyet shanat ai wa gaw, a nga ai law.

ESAIA 12:2

Yu mu, Karai Wa gaw ngai hpe hkye hkrang la ai wa rai nga ai; ngai shi hta shamyet shanat nga nna, hkrit kajawng na n rai: kaning rai nme law, Yehowa gaw, rai sa, Yehowa nan, nye a n-gun lagaw hte mahkawn mangoi lam rai nga ai: shi gaw, ‘ngai hpe hkye hkrang la ai Madu tai wa sai,’ nga nna tsun na ndai.

ESAIA 50:10

Yehowa hpe hkrit kamyin let, shi a shangun ma a nsen madat mara ai wa gaw, nanhte hta kadai wa rai ta? Nsin hta hkawm nna, nhtoi n mu ai wa gaw, Yehowa a amying hta hpa nna, tinang a Karai Kasang hta shamyet shanat u ga.

YEREMIA 17:7

Yehowa hta shamyet shanat ai wa, Yehowa hpe tinang a machyu shara shatai ai wa chyawm gaw a nga ai:

Daniela 3:28

Ya Nebuhkadneza gaw, “Shadrak, Meshak, Abed-nego a Karai Kasang gaw a nga u ga law: shanhte gaw tinang a Karai Kasang hta kaga, hpara shaje hpe n daw n jau, n naw n ku mu ga, shi hpe kamsham nna, hkawhkam wa a ga hpe lale kau let, tinang a hkum hpe pyi ap kau ma ai majaw, shi gaw shi a shangun ma ni hpe hkye hkrang la na matu, shi a lamu kasa hpe shangun dat nu ai.

NAHUM 1:7

Yehowa gaw mai kaja nga ai; ru tsang ai aten hta e makawp maga shara, shi rai nga ai: shi hta shingbyi ai ni hpe shi matsing nga ai.

MAHTE 16:16

Simun Petru gaw htan nna, “Nang gaw Hkristu ngu ai ahkrung nga ai Karai Kasang a Kasha rai nga ndai,” ngu wu ai.

MAHTE 27:43

Shi gaw Karai Kasang hta hpa nga ai; shi hta awng nga yang gaw, ya shi hpe mawai la u ga: kaning rai nme law, Ngai gaw Karai Kasang a Kasha rai nga nngai, shi nga ai, nga ma ai.

YAWHAN 1:29

Hpang shani e Yawhan gaw, shi hpang de Yesu sa wa ai hpe, hkap mu wu yang, “Mungkan ga a yubak gun la kau ya ai, Karai Kasang a Sagu Kasha hpe yu yu mu!

YAWHAN 4:42

dai ni gaw dai numsha hpe, “Ya gaw, na a ga majaw sha anhte kamsham ai n rai saga ai: anhte nan na la lu nna, ndai wa gaw mungkan ga a Hkye hkrang la ai Madu teng teng rai nga ai chye saga ai,” ngu mu ai.

YAWHAN 5:24

Nanhte hpe ngai gaja wa teng teng tsun made ga, Nye a ga madat nna ngai e shangun dat ai wa hpe kamsham ai wa gaw, htani htana asak lu la wu ai rai nna, tara dawdan ai kaw n du ai sha, si nga ai kaw nna hkrung nga ai de, kawt lai wa sai.

1 KORINHTU 15:10

Rai timung, ngai rai nga nngai hte maren, Karai Kasang a chyeju majaw ngai rai nga nngai; ngai hkam la ai shi a chyeju gaw, ngai hta e kaman lila n rai nga ai sha, shanhte nlang hte hta ngai grau nna bungli gun hpai nngai; dai gaw ngai n rai, ngai hte rau anga nga ai Karai Kasang a chyeju sha rai nga ai.

2 KORINHTU 1:10

Shi gaw ning san ai si lam hta na anhte hpe mawai la ma ni ai rai nna, naw mawai la na mi ai; shi anhte hpe naw mawai la na, anhte shi hpe myit mada nga ga ai rai nna, law law ni a myi man a marang e anhte lu la ai chyeju a majaw,

1 TIMOHTI 2:3

Dai gaw anhte a hkye hkrang la ai Madu Karai Kasang a man e mai kaja ai hte sharawng awng ai lam rai nga ai:

1 TIMOHTI 2:4

masha yawng mayawng hkye hkrang la ai hkrum lu nna, tengman ai lam a chye chyang ai kaw du lu mu ga, shi ra nga ai.

1 TIMOHTI 2:6

Shi gaw yawng mayawng a matu mara shi hkum nan hpe gawng malai hkungga di nna ap kau nu ai: ahkying aten du jang she de a sakse pru na ra ai.

1 TIMOHTI 3:15

Karai Kasang a nta e kaning rai arawn alai hkan mai na nang chye lu n ga, ndai lam ngai nang hpe ka dat nngai; dai nta chyawm gaw, hkrung nga ai Karai Kasang a Hpung rai nga nna, tengman ai a sumsai dawnu hte npawt hkridun mung rai nga ai.

1 TIMOHTI 6:17

Ndai prat e sutgan lu ai ni gaw, gumrawng gumtawng n re ai hte, n grin ai sutgan hpe n shamyet nga ai sha, ngamu ngamai nga na matu, arai yawng mayawng anhte hpe n daw n hta jaw ai Karai Kasang hpe shamyet shanat nga na hte,

HEBRE 11:26

Hkristu a matu aroi arip hkrum ai gaw, Egutu mung na sutgan hta grau kaja ai sutgan rai nga ai, myit nawn wu ai: kaning rai nme law, bai lu la na ra ai shabrai hpe shi myit tau mada nga ai.

HEBRE 13:13

Dai rai nna, anhte mung, shi hte rau aroi arip hkam let, dai dap shinggan shi hpang de pru sa wa saga.

1 PETRU 1:21

shi a marang e kamsham ai ni, nanhte a matu mara, ndai hpang jahtum ai aten e dan hkung pru wa sai: shing rai, nanhte a makam masham hte myit mada shara gaw, Karai Kasang hta jung nga na ra ai.

1 YAWHAN 2:2

shi gaw, anhte a yubak a matu mara gawng malai hkungga rai nga ai; anhte a yubak a matu mara sha n rai, mungkan ting a matu mara mung rai nga ai.

1 YAWHAN 4:14

Mungkan ga a Hkye hkrang la ai madu tai u ga, Kawa gaw dai Kasha hpe shangun dat wu ai gaw, anhte mada mu ai hte sakse hkam ga ai.