1 TIMOHTI 4:1 - Jinghpaw Hanson Version Bible

¹ Rai timung, htawm hpang prat e nkau mi gaw makam masham lam hta na htak wa nhtawm, masu magaw ga tsun ai hpyi hpun ai ni a marang e

Jinghpaw Common Language Bible 2009

¹ Htawm hpang de masha nkau mi gaw makam masham hpe kabai kau na mara ai; shanhte gaw masu hkalem ai wenyi ni a ga madat nna nat ni a sharin shaga ai lam ni hta hkan sa na mara ai lam dai, Wenyi gaw asan sha tsun nga ai.

1 TIMOHTI 4:1 ပူးပေါင်းရင်းမြစ်များ

NINGPAWT NINGHPANG 3:13

Shaloi Yehowa Karai Kasang gaw, dai numsha hpe, “Ndai nang galaw ai gaw, hpa rai nga a ta?” Ngu nna san wu ai; dai numsha gaw, “Ngai hpe lapu e lau nna ngai sha kau se ai,” ngu nna htan wu ai.

1 HKAWHKAM 13:18

Shaloi myihtoi dingla gaw, “Ataw ngai mung nang hte maren myihtoi she rai nga nngai; lamu kasa gaw Yehowa a ga ngai hpe htawn tsun nna, Dai wa gaw muk sha ntsin lu na matu, na nta de shi hpe shaga la u, nga ai,” ngu nna shi hpe masu kau wu ai.

ESAIA 2:2

Hpang jahtum na prat hta e, Yehowa nta bum gaw, bum kaga ni a baw tai wa nna, kawng ni hta grau tsaw wa ai hte, amyu baw mahkra gaw, dai de yan bang na mara ai.

YEREMIA 23:26

Masu ga htoi nna, tinang myit hkan ai myihtoi ni gaw, gaten du hkra dai zawn galaw na ma ta? shanhte gaw tinang myit hkan nna, hkalem ai hku htoi ai myihtoi ni rai nga ma ai:

YEREMIA 48:47

Rai timung, hpang jahtum ai aten e ngai gaw, Moba bawng dung ai ni hpe, bai nhtang wa shangun na nngai, nga nna Yehowa tsun ai. Ndai yang du hkra, Moba dawdan hkrum ai ga rai nga ai.

YEREMIA 49:39

Rai timung, bawng dung hkrum ai Elam masha ni hpe, hpang jahtum ai aten e ngai bai nhtang wa shangun na nngai,” nga nna Yehowa tsun ai.

EZEKELA 1:3

Yehowa mungga gaw, Buzi a kasha, hkinjawng Ezekela hpang de du nna, Yehowa a lata gaw, dai yang e, shi a ntsa e nga nga ai.

EZEKELA 38:16

mungdan hpe sumwi ka-up ai zawn, nye a amyu Israela hpe lung gasat na ndai; shing rai, Goga e, maigan amyu ni a man e na a jaw e ngai shagrau sha-a ai hkrum ai shaloi, shanhte ngai hpe chye lu hkra, hpang jahtum ai aten e ngai nang hpe nye a mungdan de woi jashawn na nngai.”

Daniela 10:14

Ya chyawm gaw, na a amyu masha ni hta htawm hpang e byin na ra ai amu a lam ni hpe, nang hpe chye na shangun na matu, ngai du ni ai; ndai shingran gaw naw na ai aten hte seng nga ai,” nga nna ngai hpe tsun ai.

HOSEA 3:5

Dai hpang Israela kashu kasha ni gaw bai wa nna, tinang a Karai Kasang Yehowa hte, shanhte a hkawhkam Dawi hpe, hkan tam let, hpang jahtum na nhtoi ni hta Yehowa hte shi a mai kaja ai hpang de, hkrit hkungga ai myit hte du na mara ai.

MIHKA 4:1

Rai timung, hpang jahtum na prat hta e, Yehowa a nta bum gaw, bum pungding ni a ntsa e de nga nna, kawng ni a ntsa e grau tsaw nga ai hte, masha amyu ni dai de htaw bang na mara ai.

BU HKAWM 24:14

Ya chyawm gaw nye a amyu hpang de ngai wa na ni ai; madat la, ndai amyu masha ni htawm hpang de na a amyu hpe kaning di na maru ai gaw ngai madun de ga,” ngu nna Balak hpe htan wu ai.

MAHTE 18:7

Myit kataw shara nga nga ai majaw, mungkan ga na ni dingnye lu ma ai: myit kataw shara n nga hkra gaw, n rai lu ai; rai timung, myit kataw shara shabyin dat ai wa gaw, dingnye lu ai.

LUKA 17:1

Dai hta kaga shi gaw shi a sape ni hpe, Myit kataw shara n pru hkra gaw n nga lu ai: rai timung, myit kataw shara shapraw dat ai wa gaw, dingnye lu ai.

YAWHAN 16:13

Rai timung, dai tengman ai Wenyi du sa jang, shi gaw tengman ai lam yawng mayawng nanhte hpe madun na ra ai: dai wa gaw shi a myit hte tsun na ra ai n rai; na la lu ai hte made tsun dan na ra ai: htawm hpang de byin na ra ai lam mung, shi nanhte hpe tsun dan na ra ai.

KASA 13:2

Ya shanhte Madu hpe nawku let lusha gam nga yang, Chyoi pra ai Wenyi gaw, “Barnaba yan Shawlu hpe, ngai shaga da ai amu gun hpai na matu, san da mu,” nga ai.

KASA 17:18

Dai rai nna, Epikuri lam hte Sto-i lam hkan ai hpaji sara ni nkau mi, shi hte dangrang hkat ma ai rai nna, nkau mi gaw, “Ndai baw law ai wa hpa tsun mayu nga ai kun?” nga nna mung, nkau mi gaw, “Hpara kaga ni a lam tsun dan ai wa rai sam ai,” nga nna mung, tsun shajang ma ai: dai gaw, shi Yesu a lam hte bai hkrung rawt wa ai lam tsun dan ai majaw rai nga ai.

KASA 20:23

rai timung, gyit hkang ai hte zingri zingrat na gaw ngai hpe la nga ai, nga nna, mare shagu hta Chyoi pra ai Wenyi ngai e sakse hkam nga ai.

KASA 21:11

Dai wa anhte kaw shang nna Pawlu a shingkyit la nhtawm, shi dai dai shi a lagaw lata gyit nna, “Chyoi pra ai Wenyi ning nga tsun nga ai, Ndai shingkyit madu hpe Yuda masha ni Yerusalem mare e ning di gyit nna, maigan amyu ni a lata de ap kau na mara ai da,” nga nna tsun ai.

KASA 28:25

Shing rai shanhte shada myit n hkrum ma ai majaw, Pawlu gaw, shanhte hpe, “Chyoi pra ai Wenyi myihtoi Esaia a n-gup hte nanhte a nji nwa ni hpe tsun ai ga gaw teng la malit dai: dai gaw,

1 KORINHTU 10:20

Shing nga ngai n tsun ai sha, maigan ni jaw ai hkungga gaw, Karai Kasang hpe jaw ai n rai, nat ni hpe jaw nga ma ai, ngai tsun nngai: nanhte gaw nat ni hte kanawn mazum nga na, ngai n ra nngai.

1 KORINHTU 11:19

Kaning rai nme law, nanhte hta e tengman ai ni dan pru u ga, bra wa na lam pyi nanhte hta e byin lu na ra ai.

1 KORINHTU 12:11

dai lam yawng hte chyawm gaw, dai Wenyi langai sha e nan shabyin wu ai rai nna, shi myit ra ai hte maren, langai hte langai hte hpe karan kachyan shagu mu ai.

1 KORINHTU 2:10

Karai Kasang chyawm gaw, Wenyi a lata hte ndai lam hte hpe anhte kaw shapraw shadan dan mi ai: kaning rai nme law, dai Wenyi gaw Karai Kasang a sung htum ai kaw du hkra, yawng mayawng hte hpe manaw yu nga ai.

2 KORINHTU 11:3

Rai timung, lapu gaw shi a hkalem ai hte Ewa hpe lau kau wu ai zawn, Hkristu a san seng ai hte chyoi pra ai lam hpe kau da hkra, nanhte a myit mang hten na hpe, ngai tsang nga nngai.

TARA JAHPRANG 32:29

Shanhte hpaji byeng-ya lu la nna, ndai lam chye na lu mu ga law, Hpang jahtum e hpa byin hpa tai na, aru yu mu ga le!

TARA JAHPRANG 4:30

Htawm hpang prat e ndai lam yawng mayawng hte katut nna ruyak kyin dut ai hkrum sha ai shaloi, na a Karai Kasang Yehowa hpang de bai wa nna, shi a nsen madat lu na marin dai:

KOLOSE 2:18

Myit shagyip ngu na lam tam nna, lamu kasa hpe nawku na htung hte, kadai mung nanhte hpe n hkalem sha u ga; shing re ai wa gaw tinang a man e mu ai hpe sha machyu nga ai hte, tinang hkum shan a myit hta kaman lila grang ai wa rai nna, dai baw hpe n manat nga ai;

2 TIMOHTI 3:13

N hkru n hkra ai hte sawt ai masha ni chyawm gaw, hkalem sha nna, hkalem sha ai nhtang hkrum let, n hkru ai lam hta je je kaba wa na mara ai.

2 TIMOHTI 4:4

dai tengman ai ga hpe na layawng kau let, maumwi ga hpang de yit mat wa na mara ai.

YAKU 3:15

Shing re ai hpaji byeng-ya chyawm gaw, ntsa de nna yu hkrat wa ai hpaji byeng-ya n rai; dai gaw, dinghta ga a, ashu ashan a hte ji nat a hpaji byeng-ya hkrai rai nga ai.

1 PETRU 1:20

ginding aga garai n lat kaw nna, shi hpe chye tau wu timung, si ai ni kaw na shi hpe hkrung sharawt la wu ai hte, shi hpe hpung shingkang jaw ai Karai Kasang hpe,

2 PETRU 2:1

Rai timung, amyu masha ni hta e, masu ai myihtoi ni mung paw pru ma ai; dai hte maren, nanhte hta e mung, masu ai sara ni paw pru wa na mara ai rai nna, jahten shabya chye ai bra wa ai ga hpe, mayun jashawn la nna, shanhte hpe mari la sai Madu hpe nyet kau ai hte, tinang dai a ntsa e tsin-yam tsindam hpe, larau ladau du shangun na maru ai.

2 PETRU 3:3

Kaning rai nme law, hpang jahtum na nhtoi hte hta, tinang a myit kayut ai hku hkan nna, asawng asang rai let, Dai Madu bai du na ra ai, nga ai ga ndat gaw, kanang rai nga a ta?

1 YAWHAN 2:18

Ma kaji ni e, hpang jahtum ai ahkying ya e rai nga ai rai nna, nanhte na yu mu ai hte maren, antihkristu ngu ai wa gaw du na ra ai; rai sa, ya e pyi, antihkristu law law wa paw pru masai: dai re ai majaw, hpang jahtum ai ahkying, ya e rai nga ai hpe anhte chye nga ga ai.

1 YAWHAN 4:6

Anhte mahtang Karai Kasang kaw nna rai nga ga ai: Karai Kasang hpe chye chyang ai wa gaw, anhte a ga hpe madat mara nga ai; Karai Kasang kaw na n rai nga ai wa chyawm gaw, anhte a ga hpe madat mara nga ai n rai. Dai lam hpe yu yang, tengman ai lam a wenyi hte, lam shadam ai wenyi hpe, anhte chye ginhka lu ga ai.

YUDA 1:18

kaning rai nme law, shanhte gaw, Hpang jahtum ai aten e tinang a n se ai myit marin ai hku hte hkan hkawm ai asawng asang re ai ni, du na mara ai, ngu nna nanhte hpe tsun dan manit dai.

YUDA 1:4

Kaning rai nme law, tara n hkungga ai, anhte a Karai Kasang a chyeju hpe mak kayut ai amu hte galai kau ma ai rai nna, anhte a Hpareng wa hte Madu shingtai ngu ai Yesu Hkristu hpe nyet kau nhtawm, ndai dawdan ai hkrum na matu, moi chyaloi nhkoi kaw nna, ka matsing da ai masha nkau mi gaw, anhte kaw e mayun shang wa masai.

SHINGRAN 13:14

Shawng na matse labye a man e galaw lu ai lamik kumla ni hte ga ntsa de nga ai ni hpe shi hkalem kau wu ai rai nna, nhtu hkang nma hkrum timung, naw hkrung nga ai matse labye a hkrang sumla galaw na, ga ntsa nga ai ni hpe tsun dat wu ai.

SHINGRAN 16:14

dai ni gaw lamik kumla galaw dan nna, Chyahtum chyalai n-gun rawng ai Karai Kasang a nhtoi kaba shani na majan gasat na matu, mungkan ting na hkawhkam ni hpe jahpawng la na pru sa wa ai nat a wenyi ni rai nga ma ai.

SHINGRAN 18:2

Dai wa gaw, “Galu kaba ai Babelon gaw kadawng daw mat sai, kadawng daw mat sai; dai shara gaw, nat tsasam ni a de nga ai shara, n san n seng ai wenyi shagu a shingwung shara hte n san n seng ai matsat shabat re ai u amyu myu a shingbyi shara, tai mat sai.

SHINGRAN 18:23

pyengdin a ahtoi mung, nang hta htawm hpang galoi mung htoi tu lu na nrai; la nnan hte num ningnan a nsen mung, nang hta htawm hpang galoi mung na lu na n rai; kaning rai nme law, na a hpaga ni gaw, ga ntsa na daru magam rawng ai ni, rai wa masai; na a mandan lakle amu hte masha amyu baw shagu ni hkalem kau ai hkrum masai.

SHINGRAN 19:20

Shaloi dai matse labye rim la ai hkrum wu ai; dai matse labye a masat dingsat hkam la nna, de a hkrang sumla nawku ai ni hpe hkalem kau na matu, matse labye a man e lamik kumla galaw dan ai masu ai myihtoi mung, shi hte rau rim la ai hkrum wu ai: shan lahkawng gaw, kan hte hkru nga ai wan nawng kata de, chyahkrung jahkrat bang kau ai hkrum ma ai:

SHINGRAN 2:11

Wenyi gaw Hpung ni hpe kaning nga tsun ai gaw, na tu ai wa gaw na la u ga. Lahkawng lang ngu na si ai lam gaw, dang lu ai wa hpe hkra lu na n rai.

SHINGRAN 2:17

Wenyi gaw Hpung ni hpe kaning nga tsun ai gaw, na tu ai wa gaw na la u ga. Dang lu ai wa hpe, makoi da ai manna hpe mung, ahpraw nsan ai lungdin hpe mung, ngai jaw na nngai: dai lungdin hta amying ningnan ka da nga ai rai nna, dai hpe lu la ai wa hta kaga, kadai mung dai amying hpe n chye ya lu ai.

SHINGRAN 2:29

Wenyi gaw Hpung ni hpe kaning nga tsun ai gaw, na tu ai wa gaw na lu u ga.

SHINGRAN 2:7

Wenyi gaw Hpung ni hpe kaning nga tsun ai gaw, na tu ai wa gaw na la u ga. Dang lu ai wa hpe, Karai Kasang a Hparadisu e tu ai asak hkrung ai hpun a asi, sha lu na ahkang, ngai jaw na we ai.

SHINGRAN 20:10

Shanhte hpe hkalem la ai Nat mung, wan hte kan grung ai nawng hta jahkrat bang kau ai hkrum wu ai: dai yang e, dai matse labye hte, dai masu ai myihtoi mung, rawng nga ma ai rai nna, shanhte gaw shani shana nni nkri hkrum let, htani htana prat dingsa arawng nga lu na mara ai.

SHINGRAN 20:8

lamu ga njut mali na Goga hte Magoga ngu ai masha amyu baw ni hpe hkalem la nna, majan gasat na matu jahpawng la na, pru sa wa na ra ai; shanhte a nambat gaw nammukdara zaibru daram law nga ai.

SHINGRAN 3:13

Wenyi gaw Hpung ni hpe kaning nga tsun ai gaw, na tu ai wa gaw na la u ga.

SHINGRAN 3:22

Wenyi gaw Hpung ni hpe kaning nga tsun ai gaw, na tu ai wa gaw na la u ga, nga nna tsun nga ai.

SHINGRAN 3:6

Wenyi gaw Hpung ni hpe kaning nga tsun ai gaw, na tu ai wa gaw na la u ga.

SHINGRAN 9:20

Rai timung, ndai tsin-yam tsindam hta na lawt lu nna, naw ngam nga ai shinggyim masha ni gaw, ji nat hpe mung, myi n mu, na n na lu ai hte n chye hkawm ai, aja, gumhpraw, magri, nlung hte hpun sumla ni hpe mung, n naw n ku ai nga na hpe, tinang lata a amu bungli hta na myit malai n lu ma ai: