1 TIMOHTI 3:2 - Jinghpaw Hanson Version Bible

² Dai re ai majaw Hpung up wa gaw, mara n kap ai wa, num langai sha lu ai wa, sadi sahka ai, myit gring ai, si si re ai, manam daw ai lam sharawng ai hte sharin shaga maka rawng ai wa, rai lu na rai;

Jinghpaw Common Language Bible 2009

² Hpung a ningbaw ningla langai mi gaw, mara n kap ai wa, madu jan langai sha lu ai wa, sadi sahka re ai wa, tinang hkum hpe hkang lu ai wa, masa hte hkrak rai nna asak hkrung ai wa, shi a nta hta tsasam manam ni hpe hkap hkalum daw jau na sharawng ai wa; sharin shaga chye ai wa, rai ra ai.

1 TIMOHTI 3:2 ပူးပေါင်းရင်းမြစ်များ

ESAIA 56:10

Shi a sin langa ni gaw, myi kyaw nga ma ai: shanhte yawng du ladi rai nga ma ai: shanhte nlang ma-a nna, n wau lu ai gwi rai nga ma ai: yup mang mu let hpum yup nga na, grau ra nga ma ai.

LUKA 1:6

Dai yan gaw, Madu a jep ai tara hte hkang da mada yawng hpe htep lahti hkan nang ma ai rai nna, Karai Kasang a man e dinghpring ai yan rai nga ma ai.

LUKA 2:36

Dai hta kaga, Ashe amyu re ai Hpanuela shayi sha, Anna ngu ai num myihtoi langai mi nga ai; shi gaw asak grai kaba la sai; mahkawn prat kaw nna sanit ning du hkra madu wa hte nga nhtawm, matsat shi mali ning tup gaida nga ai:

ROMA 12:13

chyoi pra ai ni a ra ai lam a matu mara gam jaw nga mu; manam daw ai lam hta sharau nga mu.

HPILIPI 2:15

shing rai yang mara n rawng nna yubak n kap ai sha, ndai ja la nna myit magaw ai prat a ka-ang e agang chyalang n re ai Karai Kasang a kashu kasha ni nanhte tai wa ai hte,

1 TIMOHTI 3:12

Hpungtau wa mung num langai sha lu nna, tinang a kashu kasha ni hte tinang a kun dinghku hpe atsawm sha hkang lu ai wa rai na ra ai.

1 TIMOHTI 3:8

Dai hte maren hpungtau ni mung, shatep shingdi re ai ni rai lu na rai: ga mashe n rawng ai, tsabyi n lu lai ai hte, n seng ai amyat n marin ai sha,

1 TIMOHTI 4:3

Wenyi e dan dan leng leng tsun dan nga ai: shanhte gaw hkungran ai lam hpe mung, kamsham nga nna tengman ai ga hpe chye nga ai ni, shakawn kungdawn ga hte hkam la mai ai, Karai Kasang hpan tawn da ai ashan hpe mung, jep kau na mara ai.

1 TIMOHTI 5:10

kaja ai bungli galaw yu ai rai nna gumhkawng nga ai jan; kashu kasha hpe lanu lahku yu ai; manam daw yu ai, chyoi pra ai ni a lagaw hpe kashin yu ai, nni nkri hkrum ai ni hpe galaw bau ai hte, kaja ai amu bungli shagu hta azin ayang hkan galaw yu ai rai a yang gaw, gaida jahpan laika hta shang u ga.

1 TIMOHTI 5:22

Kadai wa a ntsa e mung lata alawan hkum mara ya u; masha kaga a yubak hta hkum bawk lawm nga u: tinang dai san seng nga u.

1 TIMOHTI 5:9

Kru shi ning garai n du ai gaida jan gaw, gaida jahpan laika hta garai n lawm u ga; la langai sha lu yu ai jan;

2 TIMOHTI 2:24

Dai Madu a shangun ma chyawm gaw, ga law ga la n mai nga ai sha, yawng mayawng a man e shingdi ai, sharin shaga chye ai hte myit galu kaba rawng nna,

TITU 2:2

dingla ni gaw, myit sharam chye ai tem si re ai, myit su nna, kamsham ai, tsawra ai hte shakut sharang ai hta, kunghpan wa mu ga.

HEBRE 13:2

Manam daw ai lam hkum malap kau myit: dai lam hta nkau mi gaw ndum n chye ai she, lamu kasa hpe daw hkrup masai.

HEBRE 3:14

kaning rai nme law, anhte a myit maju jung ai a npawt nhpang hta, jahtum nhtoi du hkra ngang ngang manat nga ga yang gaw, Hkristu hte jawm hpawng ai ni anhte rai nga ga ai.

1 PETRU 4:7

Arai yawng mayawng htum mat na aten ni magang wa ra ai. Dai re ai majaw, nanhte myit su rai nga nna, akyu hpyi na matu htauli htaula rai nga mu.

1 PETRU 4:9

Aput apai n nga ai sha, nanhte shada da manam daw ai lam adaw nga mu.

1 PETRU 5:8

Nanhte htauli htaula rai nga mu; a maja nga mu; nanhte a gumlau wa ngu ai, Nat gaw, kadai wa hpe mahtang mayu kau lu na, nga nna shabam ai hkanghkyi zawn, ningwan kahkrang hkawm nga ai.