1 TIMOHTI 3:15 - Jinghpaw Hanson Version Bible

¹⁵ Karai Kasang a nta e kaning rai arawn alai hkan mai na nang chye lu n ga, ndai lam ngai nang hpe ka dat nngai; dai nta chyawm gaw, hkrung nga ai Karai Kasang a Hpung rai nga nna, tengman ai a sumsai dawnu hte npawt hkridun mung rai nga ai.

Jinghpaw Common Language Bible 2009

¹⁵ Rai ti mung lama wa ngai alawan n lu du sa wa ai rai yang hkrung nga ai Karai Kasang a hpung ngu ai dai teng man ai lam a npawt hkridun rai nga ai Karai Kasang a nta dinghku hta anhte kaning re ai arawn asam sat lawat hkan sa mai ai lam chye lu u ga, ndai laika hpe ka dat nngai.

1 TIMOHTI 3:15 ပူးပေါင်းရင်းမြစ်များ

1 HKAWHKAM 2:2

“Ngai gaw n-gawn shawa lam de sa wa na ni ai: dai rai nna, nang gaw n-gun atsam rawng nna, marai ningja shapraw nga u.

1 HKAWHKAM 2:4

shing rai, Na nshu nsha ni sadi sahka nga nna, tengman ai hku hkan let, tinang a kraw lawang mahkra hte, myit masin mahkra hte, nye a man e hkawm nga ma yang, Israela mungdan tingnyang hta, na a aru arat kaw na langai mi matut manoi dung nga na ra ai, nga nna Yehowa ngai hpe tsun dan ai ga hpe shadik ya na ra ai.

2 HKAWHKAM 19:4

Rai timung, ahkrung nga ai Karai Kasang hpe shatan na nga, Asuri hkawhkam shangun ai, shi a mayam Rabshake a ga yawng hpe na a Karai Kasang Yehowa na la u ga; na a Karai Kasang Yehowa nan na la ai ga hpe hkap daru na nhten: dai re ai majaw, naw ngam nga ai ni a matu mara akyu hpyi ya mi law,” ngu nna tsun mu ai.

1 HKAWHKAM LABAU 22:13

Yehowa gaw Mawshe hpe Israela amyu ni a lam hkang da ai matsun maroi ga hte tara dara ai ga hpe, nang hkan nang n yang gaw, ngamu ngamai ai hkrum na ndai: n-gun da ting nna myit nden shaja u: hkum hkrit et, myit hkum hten et;

SHAKAWN KUNGDAWN 42:2

Nye a myit masin Karai Kasang hpe, Hkrung nga ai Karai Wa hpe, shagroi gara nga ai: Ngai Karai Kasang kaw, galoi wa me dawng pru lu na rai nga ai kun?

SHAKAWN KUNGDAWN 84:2

Nye a myit masin Yehowa a wang ni hpe marit nna ndawt nga ai; Nye a myit hte hkum shan gaw, ahkrung nga ai Karai Wa hpe kabu gara jahtau nga ai.

YEREMIA 1:18

Yu u, mungdan ting a man e mung, Yuda hkawhkam ni a man e mung, de a du salang ni a man e mung, de a hkinjawng ni a man e mung, mung masha ni a man e mung, ngai nang hpe dai ni jang, bunghku kum ai mare, hpri shadaw hte magri shakum a malai shatai na de ai.

YEREMIA 10:10

Yehowa chyawm gaw tengman ai Karai Kasang rai nga ai; shi gaw ahkrung nga ai Karai Kasang hte, htani htana hkawhkam rai nga ai; shi pawt sindawng yang, lamu ga gari kawa nga ai; shi myit kahtet ai hpe, amyu baw ni n hkam lu ma ai.

YEREMIA 23:36

Yehowa shingran, nga nna htawm hpang de tsun lu na, n rai: kaning rai nme law, nanhte gaw, ahkrung nga ai Karai Kasang, Zaw nawng zaw wa up ai, anhte a Karai Kasang Yehowa ga hpe manai kau ai majaw, langai hte langai a ga gaw, tinang a shingran tai na ra ai.

Daniela 6:26

nye a mungdan ting chyam hkra masha nga manga hte gaw, Daniela a Karai Kasang man e hkrit hkungga nga mu, ngu nna hkang da ai ga ngai hkang dat nngai: kaning rai nme law, shi gaw ahkrung nga ai Karai Kasang rai nga nna, htani htana prat dingsa agrin nga ai: shi a mungdan gaw hten byak mat lu ai n rai; shi a ahkang aya gaw, lamu ga htum hkra rai na ra ai:

MAHTE 16:16

Simun Petru gaw htan nna, “Nang gaw Hkristu ngu ai ahkrung nga ai Karai Kasang a Kasha rai nga ndai,” ngu wu ai.

MAHTE 18:18

Ngai nanhte hpe teng teng tsun made ai gaw, Dinghta ga hta nanhte gyit da mada gaw, sumsing lamu hta mung, gyit da ai hkrum na mara ai: dinghta ga hta nanhte raw maraw gaw, sumsing lamu hta mung, raw kau ai hkrum na mara ai.

YAWHAN 1:17

Jep ai tara gaw Mawshe a lata hte jaw da ai, rai nga ai; chyeju hte tengman ai lam gaw, Yesu Hkristu a marang e tai wa ai, rai nga ai.

YAWHAN 14:6

Yesu gaw, “Lam gaw ngai rai nga nngai, tengman ai hte asak mung, ngai rai nga nngai: ngai hta nna n rai yang gaw, kadai mung nye Wa kaw n du wa lu ai.

YAWHAN 18:37

Dai re ai majaw Pilat gaw, “Rai taw, nang hkawhkam teng nga nni?” ngu nna san wu ai. Yesu gaw, “Nang tsun ai hte maren ngai Hkawhkam teng nga nngai: dai ngu nna tengman ai a maga de sakse hkam na matu, ngai shangai jinghkai wa ni ai hte, mungkan ga de du sa ring ngai: tengman ai hte seng ai ni nlang hte gaw, nye a ga nsen madat ma ai,” ngu nna htan wu ai.

YAWHAN 6:69

nang gaw Karai Kasang a Chyoi pra ai wa rai nga ndai hpe, anhte kamsham saga ai rai nna, chye nga ga ai,” ngu nna shi hpe htan wu ai.

KASA 1:2

galaw dan ai hte, sharin shaga wa ai yawng mayawng a lam, shawng na laika hta ngai hpajang da se ai, Htawhpilu e:

KASA 14:15

“Hkau hte e, hpa rai dai galaw wa myit ta? An mung nanhte hte maren shinggyim masha yan sha rai ga ai; ndai kaman lila amu kau da nna, sumsing lamu hte ginding aga, nammukdara hte dai hta rawng ai nga manga hpe hpan tawn da ai, ahkrung nga ai Karai Kasang hpang de kayin wa myit ga, ngu nna she nanhte hpe kabu gara shiga hkaw dan ai rai nga ai.

ROMA 3:2

Lam shagu hta akyu grai nga ai. Shawng na mahtang, Karai Kasang a shingran ga shanhte hkam la lu ma ai.

ROMA 9:26

Shing rai, “Nanhte nye a amyu n rai nga myit dai, nga nna shanhte hpe tsun dan ai shara, dai yang e pyi, Hkrung nga ai Karai Kasang a kasha ni ngu na marin dai,” nga ai.

1 KORINHTU 10:32

Masha yawng mayawng hkye hkrang la ai hkrum mu ga she, lam shagu hta nlang hte hpe ngai hkan jahkau nna, nye a akyu n re ai sha,

1 KORINHTU 3:16

Nanhte gaw Karai kasang a nawku htingnu rai nga nna, Karai Kasang a Wenyi gaw nanhte hta e rawng nga malit dai hpe, nanhte n chye nga myit ni?

2 KORINHTU 3:3

tsi hte n re ai sha, hkrung nga ai Karai Kasang a Wenyi hte, bai, lungpa hta mung n re ai sha, hkum shan a kraw lawang e ka da nga ai, anhte a lata hte lajang da ai Hkristu a laika nan nanhte rai nga myit dai gaw, dan dan leng leng rai nga ai.

2 KORINHTU 6:16

Karai Kasang a nawku ai htingnu gaw, gawngngu sumla ni hte rau kaning rai kahtep lu na a ta? Kaning rai nme law, Ngai shanhte a kata de shanu nga nna ginrun nga na hte, Shanhte a Karai Kasang ngai tai na nngai rai nna, Shanhte gaw nye a amyu tai na mara ai, nga nna Karai Kasang tsun dan nga ai hte maren, ahkrung nga ai Karai Kasang a nawku ai htingnu gaw, anhte rai nga ga ai.

2 KORINHTU 6:7

tengman ai mungga hta, Karai Kasang a n-gun atsam hta mung; dinghpring ngu ai hpyen hking gaw hkra maga pai maga e sumraw ai hte,

GALATI 2:9

Shing rai ngai hpe jaw da ai chyeju mu ma ai shaloi, dawhpum ngu ging na nsan ai Yaku, Kehpa hte Yawhan hte gaw, shanhte nan matu gadoi ai ni hpang de sa na ma ai rai nna, anhte gaw maigan amyu ni hpang de sa u ga, kanawn manang ngu ai hkra lata gaw ngai hte Barnaba an hpe jaw mi ai.

GALATI 3:1

Angawk angak re ai Galati masha ni e, wudang hta jen da ai Yesu Hkristu hpe nanhte a myi man e dem shakap dan sai mi, nanhte hpe gade e hkalau kau myit ta?

EHPESU 4:21

nanhte shi a ga na yu nna, dai tengman ai ga Yesu hta e nga nga ai hte maren, shi hta e sharin achyin hkam myit taw gaw,

TARA JAHPRANG 31:23

Nun a kasha Yawshu hpe mung, “N-gun da ting u, myit nden shaja u; ngai dagam da ai mungdan de Israela kashu kasha ni hpe nang woi shawn na rai ndai; nang hte rau ngai nga nga na ring ngai,” ngu nna hkang da wu ai.

TARA JAHPRANG 5:26

Kaning rai nme law, ahkrung nga ai Karai Wa shi nan wan hta nna shaga ai nsen hpe anhte na lu ai zawn, shinggyim masha hta kadai wa na ninglen hkrung lu a ta?

KOLOSE 1:5

dai myit mada ai a lam nanhte kaw du dep ai tengman ai kabu gara shiga a majaw, nanhte shawng e na yu manit dai.

1 HTESALONI 1:9

Kaning rai nme law, nanhte hpang de anhte a shang wa ai lam kaning rai rai nga ai gaw, shanhte nan anhte a lam tsun kajai ma ai rai nna, nanhte gaw ahkrung nga nna tengman ai Karai Kasang hpe daw jau nga myit ga, gawngngu sumla ni hpe shinggan kau nhtawm, Karai Kasang hpang de kaning rai kayin wa myit dai hte,

1 TIMOHTI 3:14

Nang kaw gade n na yang du na, ngai myit mada nga nngai; rai timung ngai na na wa naw hkring nga yang,

1 TIMOHTI 3:16

Karai Kasang hpe nawku hkungga ai lam a sung htum ai gaw, kaba la ai lam rai nga ai, nga nna ndang shara n nga ai: “Shi gaw hkum shan hta dan pru wa sai, Wenyi hta e dinghpring ai hkrum nu ai; Lamu kasa ni gaw shi hpe mu lu manu ai; Maigan ni kaw shi a lam hkaw dan manu ai; Mungkan ga gaw shi hpe kamsham masai, Hpung shingkang hta shalun ai shi hkrum nu ai.”

1 TIMOHTI 3:2

Dai re ai majaw Hpung up wa gaw, mara n kap ai wa, num langai sha lu ai wa, sadi sahka ai, myit gring ai, si si re ai, manam daw ai lam sharawng ai hte sharin shaga maka rawng ai wa, rai lu na rai;

1 TIMOHTI 3:5

Marai langai ngai tinang a nta hpe n chye hkang a yang gaw, Karai Kasang a Hpung hpe kaning rai lanu lahku lu na rai ta?

1 TIMOHTI 4:10

dai rai nna, shinggyim masha mahkra hte kamsham ai ni hpe grau nna hkye hkrang la ai Madu rai nga ai, ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw nna a shaja nga ga ai.

1 TIMOHTI 6:16

shi chyu sha htani htana asak a rawng nga ai hte, n dep lu ai nhtoi hta anga nga ai; masha gade ai mung shi hpe n mu yu ai hte, n mu lu nga ai: shi kaw htani htana arawng sadang hte hpung shingkang anga nga u ga law. Amen.

2 TIMOHTI 2:19

Rai timung, Dai Madu gaw shi hte seng ai ni hpe chye ginhka ai, nga nna mung, Dai Madu a amying mying ai ni nlang hte gaw, n ding n hpring ai hpe koi gam mu ga, nga nna mung, dazik sakse kap nga ai Karai Kasang a ngang kang ai npawt nhpang gaw, agrin nga ai.

2 TIMOHTI 2:20

Dai hta n-ga, galu kaba ai nta hta, ja wan gumhpraw wan sha, nga ai n rai; hpun hte ga kagam wan mung lawm nga ai; nkau mi gaw arawng a matu, nkau mi gaw arawng a matu n rai.

HEBRE 10:21

Karai Kasang a nta hta kaba htum ai hkinjawng agyi wa lu ga ai majaw;

HEBRE 12:22

Nanhte chyawm gaw, Ziun bum hte hkrung nga ai Karai Kasang a mare ngu ai sumsing lamu na Yerusalem mare de mung, hti n dang lu ai lamu kasa wunawng wuwa ni hpang de mung,

HEBRE 3:12

Hpunau ni e, ahkrung nga ai Karai Kasang kaw na htak mat wa hkra, n hkru n shawp ai kam shut ai myit gaw, nanhte hta na langai mi hta muk n rawng malit ga, sadi nga mu;

HEBRE 9:14

htani htana Wenyi hte Karai Kasang kaw, shi hkum dai hpe ra n rawng ai sha nawng ya ai Hkristu a asai gaw, ahkrung nga ai Karai Kasang hpe daw jau lu hkra, nanhte a myit masin hpe si ging ai arawn alai hta na, grau nna shachyoi shapra ya lu ai, n rai ni?

YAWSHU 3:10

A hkrung nga ai Karai Wa nanhte hta nga nga nna, nanhte a man na, Hkanani, Hiti, Hiwi, Perizi, Girgashi, Amori hte Yebusi masha ni hpe, shi gaja wa teng teng jahtaw kau na gaw, ndai lam hta nanhte chye lu na marin dai:

1 PETRU 2:5

Nanhte mung ahkrung nga ai nlung hte zawn, wenyi hte seng ai nta hpe de nga manit dai rai nna, Yesu Hkristu a marang e, sharawng awng wa nna, wenyi hte seng ai hkungga Karai Kasang hpe jaw lu na matu, chyoi pra ai hkinjawng amyu tai wa manit dai.

1 PETRU 4:17

Kaning rai nme law, Karai Kasang a nta na ni hpe tara dara hpang na aten du ra ai: dai gaw anhte a ntsa e shawng ang pru wa yang gaw, Karai Kasang a kabu gara shiga hpe n madat mara ai ni a jahtum ai gaw, kaning rai na ra ai kun?

SHINGRAN 7:2

Bai, jan pru maga de na pru lung wa nna, ahkrung nga ai Karai Kasang a dazik lang ai lamu kasa kaga hpe, ngai mu nngai. Shi gaw, Anhte a Karai Kasang a shangun ma ni hpe lahtan e dazik garai n shakap kap gaw, aga hpe mung, nammukdara hpe mung, hpun ni hpe mung hkum zingri myit,

1 SAMUELA 17:26

Dawi mung, Dai Hpilisti wa hpe sat kau nna, Israela amyu hkrum ai kaya shara yeng kau ai wa, hpa lu la na da aw? Dinggrin anga nga ai Karai Kasang a luksuk ni hpe roi lu ai gaw, ndai matu n gadoi ai Hpilisti wa gaw, kadai wa rai ta?” ngu nna shi a makau e tsap nga ai ni hpe san wu ai.

1 SAMUELA 17:36

Shing rai, na a mayam hkanghkyi hpe mung, tsap hpe mung sat kau lu ai: dai matu n gadoi ai Hpilisti wa mung, ahkrung nga ai Karai Kasang a hpyen laba ni hpe jahpoi ai majaw, dai zawn rai na ra ai,” ngu wu ai.