1 TIMOHTI 2:5 - Jinghpaw Hanson Version Bible

⁵ Kaning rai nme law, Karai Kasang langai sha rai nga nna, Karai Kasang hte shinggyim masha lapran e, shinggyim masha rai nga ai Hkristu Yesu ngu ai htinglu ya ai wa langai sha mung rai nga ai.

Jinghpaw Common Language Bible 2009

⁵ Hpa majaw nga yang, Karai Kasang gaw langai sha nga ai rai nna, Karai Kasang hte shinggyim masha hpe htinglu ya ai wa shinggyim masha sa tai ai Hkristu Yesu ngu ai masha mung langai sha rai nga ai.

1 TIMOHTI 2:5 ပူးပေါင်းရင်းမြစ်များ

YOBA 9:33

An a ntsa e lata mara nna, hkum da lu hkra, an a lapran e htinglu ya ai wa n nga ai.

ESAIA 44:6

Israela hkawhkam Yehowa, Israela hpe Hkye hkrang la ai Madu, Zaw nawng zaw wa up ya Yehowa gaw ning nga ai: “Ngai gaw shawng numshawn hte hpang jahtum na wa rai nga nngai: ngai hta shaje Karai Kasang n nga ai.

MAHTE 1:1

Da ndai gaw Abraham a kasha hte Dawi a kasha, Yesu Hkristu a ahtik labau gawn ai Chyum laika rai nga ai.

MAHTE 1:23

Shi gaw, “Yu u, dai hkawnsek gaw na-um nasin rai wa na rai nna, shadang sha shangai na ra ai, Shi a amying, Emanuela shamying ya na maru ai,” nga ai: de a ga lachyum, “Karai Kasang anhte hte rau rai nga ai,” nga ai re ai.

LUKA 14:22

Dai hpang mayam wa gaw, ‘Madu e, na a ga hte maren galaw ngut se ai; rai timung, dung shara naw man nga ai,’ ngu wu ai.

YAWHAN 1:14

Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.

YAWHAN 17:3

Htani htana asak ngu ai chyawm gaw, langai sha rai nga ai hte tengman re ai nang Karai Kasang hpe mung, nang shangun dat ai wa Yesu Hkristu hpe mung, shanhte chye chyang lu ai hpe, ngu ai, rai nga ai.

KASA 4:12

Shi hta shaje hkye krang la ai lam n nga sai; anhte hkye hkrang la kaw du lu na matu, sumsing lamu a npu, shinggyim masha ni hta jaw ya ai amying ningsang shaje, kanang mung n nga sai,” ngu nna htan wu ai.

ROMA 1:3

Karai Kasang a tsawra ai ni hte, chyoi pra ai masha tai mu ga shaga tawn da ai, Roma mare na yawng hte hpe, ga shana dat nngai.

ROMA 10:12

Kaning rai nme law, Yuda ni hte Heleni masha ni hpe lachyen lahka n nga ai sha, dai Madu gaw yawng mayawng a ntsa na Madu langai sha rai nga ai rai nna, shi hpe shaga ai ni yawng mayawng hte hta chyeju hpring nga ai.

1 KORINHTU 8:4

Dai rai nna, sumla ni hpe nawng ai hkungga sha na lam gaw, sumla gaw ga ntsa e hpa n re ai sha rai nga ai hte, langai sha rai nga ai Karai Kasang hta kaga shaje n nga ai, anhte dum chye ga ai.

1 KORINHTU 8:6

rai timung, anhte a matu mara, Wa ngu ai, Karai Kasang langai sha rai nga ai rai nna, shi kaw nna yawng mayawng pru wa ai hte, shi a matu anhte rai nga ga ai; Yesu Hkristu ngu ai Madu mung langai sha rai nga ai rai nna, shi a marang e yawng mayawng rai nga ai hte, shi a majaw anhte rai nga ga ai.

GALATI 3:20

Htinglu ya ai wa mahtang gaw, langai sha hte n seng ai sha, Karai Kasang chyawm gaw langai sha rai nga ai.

EHPESU 4:6

yawng mayawng a Kawa ngu ai Karai Kasang mung langai sha rai nga ai: shi gaw yawng mayawng a ntsa e rai nga nna, yawng mayawng hpe sharai ai hte, yawng mayawng a kata e rawng nga ai.

TARA JAHPRANG 6:4

‘Israela amyu e, madat la u: anhte a Karai Kasang Yehowa gaw, shi chyu sha Yehowa rai nga ai:

1 TIMOHTI 6:13

Anhte a Madu Yesu Hkristu a paw pru ai du hkra, agang chyalang n re ai hte mara n kap ai sha, dai hkang da ai ga hpe nang hkan nang nga u ga,

HEBRE 12:24

ga shaka ningnan a htinglu wa Yesu hpang de mung, Abela asai hta grau kaja ai lam chye tsun ai lapri bun ai asai hpang de mung, du manit dai.

HEBRE 7:25

Dai rai nna, shi gaw shinggyim masha ni a matu mara tawngban ya nga na, tutnawng e ahkrung nga ai majaw, shi a marang e Karai Kasang kaw sit shang wa ai ni hpe hkum tsup wa hkra, mawai la lu na atsam, shi lu nga ai.

HEBRE 8:6

Ya chyawm gaw, grau kaja ai ga ndat hta jung da ai ga shaka a htinglu ya ai wa shi rai nga ai hte maren, grau reng ai daw jau ai aya shi lu la wu ai.

HEBRE 9:15

Dai rai nna mung, shaga la hkrum ai ni gaw, ga ndat hte seng ai htani htana sali wunli hkam la lu mu ga nga, shawng na ga shaka kata e tawt lai kau ai hpe hkrang shaw la na matu, si hkam lam byin pru sai majaw, shi gaw ga shaka ningnan a htinglu ya ai wa rai nga ai.

1 YAWHAN 2:1

Ngai shu ngai sha ni e, nanhte yubak n galaw myit ga, ndai hte gaw ngai nanhte hpe ka dat nngai. Rai timung, masha langai ngai yubak galaw hkrup a yang gaw, dai Kawa a man e, htinglu htinglai ya ai wa, Yesu Hkristu ngu ai dinghpring ai Madu gaw, anhte lu ga ai;

SHINGRAN 1:13

Shing rai kayin yu yang, ja pyengdin sanit hte dai pyengdin ni a ka-ang e masha Kasha zawn san ai wa langai mi ngai mu nngai: dai wa gaw lahkre du ai palawng galu bu hpun nna, sinda hta aja shingkyit kyit nga ai.