1 TIMOHTI 2:4 - Jinghpaw Hanson Version Bible

⁴ masha yawng mayawng hkye hkrang la ai hkrum lu nna, tengman ai lam a chye chyang ai kaw du lu mu ga, shi ra nga ai.

Jinghpaw Common Language Bible 2009

⁴ Shi gaw masha yawng mayawng hkye la hkrum nna, dai teng man ai lam hpe chye chyang wa lu na matu ra sharawng nga ai.

1 TIMOHTI 2:4 ပူးပေါင်းရင်းမြစ်များ

ESAIA 45:22

Lamu ga htum hkra shanu nga ai ni e, ngai hpe mada yu nna, hkye hkrang la ai hkam la mu: ngai hkum nan Karai Kasang rai nga nngai; ngai hta kaga kadai n nga ai.

ESAIA 49:6

“Yaku a amyu ni hpe bai sharawt nna, naw ngam nga ai Israela masha ni hpe shagrin da na matu sha, nye a shangun ma tai na, na a matu amu kaji naw rai nga ai: maigan amyu ni a nhtoi tai na hte, lamu ga htum hkra nye a hkye hkrang la ai lam tai na matu, ngai nang hpe naw san da na nngai.

ESAIA 53:11

Shi myit masin a shakut sharang ai a akyu shi mu lu nna, myit dik na ra ai: nye a dinghpring ai shangun ma gaw, shi chye chyang ai nyan hte, masha law law hpe dinghpring shangun na ra ai rai nna, shanhte a yubak mara hpe shi nan gun hpai na ra ai.

ESAIA 55:1

Hpang kara hkrum ai ni yawng hte e, ntsin ga ai de sa marit; gumhpraw n lu ai ni e, sa marit, mari nna lusha mu; gaja wa, sa marit, gumhpraw mung, manu jahpu mung, n hkrat ai sha, tsabyi jahku hte nga chyu hpe mari lu mu.

EZEKELA 18:23

Tara n lang ai wa a si na lam hta ngai sharawng awng nga n hka; shi gaw shi a arawn alai hpe kau da nna, hkrung nga na hpe, sharawng awng nga nngai, n rai ni?” nga nna Madu Yehowa tsun ai.

EZEKELA 18:32

Si hkrum ai wa a si hkam ai hta, ngai sharawng awng nga ai n rai: dai re ai majaw, kayin nna hkrung nga mu law, nga nna,” Madu Yehowa tsun ai.

EZEKELA 33:11

Shanhte hpe htawn tsun mu, Madu Yehowa ning nga ai: ‘Ngai hkrung nga ai hte maren, tara n lang ai wa a si na lam hta ngai sharawng awng nga ai, n rai; tara n lang ai wa gaw, shi a arawn alai hpe kau da nna, hkrung nga na hpe, ngai sharawng awng nga nngai: kayin wa marit, nanhte a n hkru ai arawn alai hta na kayin wa marit; Israela dap e, hpa majaw si mayu myit ta?”

HABAKU 2:14

Kaning rai nme law, nammukdara hka gaw, shi a shara hpe lim kau ai zawn, Yehowa a hpung shingkang hpe chye chyang ai lam, mungkan ting pri rai na ra ai.

MAHTE 28:19

Dai majaw nanhte pru sa nna, masha amyu baw shagu hpe sape shatai let, Kawa a, Kasha a, Chyoi pra ai Wenyi a amying nsang hta, shanhte hpe baptisma jaw nhtawm,

MARKU 16:15

Bai shi shanhte hpe, “Nanhte mungkan ting chyam hkra hkawm sa wa nna, shinggyim masha amyu baw shagu hpe, dai kabu gara shiga hpe hkaw dan mu.

LUKA 1:77

Anhte a ntsa e Matsaw ntsa na nhtoi htoi la wa nna, Yubak mara raw dat kau na lam hte,

LUKA 14:23

Shing nga jang madu gaw, ‘Lam nmaw ni hte sun nhpan hkan pru sa nna, nye a nta hpring wa u ga, shanhte hpe adip akrip woi bang rit:

LUKA 24:47

Yerusalem mare kaw nna, masha amyu baw shagu hpe yubak raw dat kau ya lu ai myit malai lu na lam hpe, shi a amying nsang hte hkaw tsun lu na mung, ning nga nna ka da nga ai.

YAWHAN 14:6

Yesu gaw, “Lam gaw ngai rai nga nngai, tengman ai hte asak mung, ngai rai nga nngai: ngai hta nna n rai yang gaw, kadai mung nye Wa kaw n du wa lu ai.

YAWHAN 17:17

Na a tengman ai lam hta, shanhte hpe shachyoi shapra ya mu; na a mungga gaw, tengman ai lam rai nga lit dai.

YAWHAN 6:37

Wa e ngai hpe ap ya ai yawng mayawng hte gaw, ngai hpang de du na mara ai; ngai hpang de du sa ai wa hpe mung, gaja wa ngai n kanawng kau na nngai.

ROMA 11:14

shanhte hpe manawn shangun lu mawe yang gaw, nye a kasa aya hpe ngai shagrau sha-a nga nngai.

1 TIMOHTI 4:10

dai rai nna, shinggyim masha mahkra hte kamsham ai ni hpe grau nna hkye hkrang la ai Madu rai nga ai, ahkrung nga ai Karai Kasang gaw anhte a myit mada shara rai nga ai majaw, anhte amu bungli galaw nna a shaja nga ga ai.

2 TIMOHTI 2:25

nhtan shai ai ni hpe sumnung ai myit hte sharin achyin ya lu na, mai nga ai: shing di yang, tengman ai ga hpe chye chyang lu mu ga, Karai Kasang gaw shanhte hpe gaja wa myit malai lu na chyeju jaw nna,

2 TIMOHTI 3:7

tutnawng e sharin ai hkrum timung, tengman ai lam a chye chyang ai de galoi n du lu ai, myit n gring ai numsha ni hpe shang rim la ai ni, rai nga ma ai.

TITU 1:1

Karai Kasang a lata la ai ni a makam masham hte, tara hkungga lam hte seng ai, tengman ai ga a chye chyang ai hku hte maren, htani htana asak lu la na myit mada shara chye lu hkra,

TITU 2:11

Kaning rai nme law, a rawng ai myit mada ai lam ngu ai, galu kaba htum ai Karai Kasang hte anhte a hkye hkrang la ai Madu Hkristu Yesu a hpung shingkang a dan pru na lam a la nga let;

HEBRE 10:26

Kaning rai nme law, tengman ai a chye chyang ai lam hpe hkam la ngut sayang, yubak hpe dingsa sa galaw ga yang gaw, yubak a matu mara hkungga nawng ya na lam, naw nga sa na n rai:

YAKU 3:14

Rai timung, nanhte a myit hta e ladu lai ai manawn masham hte gasat gala rawng nga myit yang gaw, dai tengman ai ga hpe hkum gumrawng kau myit, hkum masu kau myit.

2 PETRU 3:9

Nkau mi gaw, Ala nga ai, nga nna myit ma ai hte maren, dai Madu gaw shi a ga ndat hpe shadik na ala nga ai n rai: rai timung, yawng mayawng myit kayin wa nna, kadai rai timung, hten bya ai n hkrum mu ga, shi ra nga ai majaw, shi nanhte hpe myit galu kaba madun nga ai.

2 YAWHAN 1:1

Ndai salang, ngai gaw, tengman ai lam hta e ngai tsawra nga ai, lata la ai majan hte shi a kashu kasha ni hpe, ga shana dat nngai; ngai chyu sha tsawra nga mawe ai n rai, anhte hta e anga nga ai rai nna,

SHINGRAN 14:6

Bai, dinghta ga ntsa e nga ai ni hte, amyu baw shagu, baw lakung shagu, ga amyu shagu hte masha mungdan shagu hpe, htani htana a kabu gara shiga hkaw dan lu ai lamu kasa kaga gaw, sumsing lamu hpatwat e pyen nga ai hpe, ngai mu nngai: