1 TIMOHTI 2:13 - Jinghpaw Hanson Version Bible

¹³ Kaning rai nme law, Adam hpe shawng e hpan da nna, dai hpang e she Ewa hpe hpan da nu ai.

Jinghpaw Common Language Bible 2009

¹³ Hpa majaw nga yang, Karai Kasang gaw Adam hpe shawng hpan da nna dai hpang e she Ewa hpe bai hpan da nu ai.

1 TIMOHTI 2:13 ပူးပေါင်းရင်းမြစ်များ

NINGPAWT NINGHPANG 1:27

Shing rai Karai Kasang gaw shi a hkrang sumla hte maren, Karai Kasang gaw shi hpe hpan da wu ai: shinggyim lasha hte shinggyim numsha hpe shi hpan da wu ai.

NINGPAWT NINGHPANG 2:18

Bai Yehowa Karai Kasang gaw, “Dai lasha gaw shi hkrai nga na n mai ai; shi hte ram ai nrum ntau shi a matu ngai galaw na we ai,” nga ai.

NINGPAWT NINGHPANG 2:22

Shing rai, Yehowa Karai Kasang gaw dai masha wa hta na shaw la ai garep nra hte shinggyim numsha shachyaw wu ai rai nna, dai masha wa kaw woi wa ya wu ai.

NINGPAWT NINGHPANG 2:7

Shaloi Yehowa Karai Kasang gaw aga hta na ga yun hte shinggyim hkrang shachyaw wu ai rai nna, shi a ladi hta hkrung ai nsoi nsa kawut bang ya wu ai: dai rai nna shinggyim masha gaw hkrung nga ai myit masin rawng ai masha tai wa ai.

NINGPAWT NINGHPANG 3:16

Numsha hpe mung, Na a tsin-yam hte shinggyim machyi ai gaw ngai grau shalaw ya na de ai: shinggyim machyi ai hte nang kashu kasha shangai lu na ndai; na a madu wa hta nang myit manoi nga na ra ai rai nna, shi mung na a ntsa e up nga na ra ai,” ngu wu ai.

NINGPAWT NINGHPANG 3:20

Shaloi Adam gaw shi a madu jan hpe, “Ewa,” ngu nna shamying wu ai; kaning rai nme law, shi gaw hkrung mahkrung a kanu rai nga ai.