1 TIMOHTI 2:10 - Jinghpaw Hanson Version Bible

¹⁰ Karai Kasang hpe nawku ai numsha ni a mai ang ai hte maren, kaja ai magam bungli hte, tinang hkum hpe mawn sumli nga mu ga.

Jinghpaw Common Language Bible 2009

¹⁰ nawku htung tara atsawm sha hkan shadik ai numsha ni a matu galaw ang ai lam hte maren mai kaja ai arawn alai hte tinang a hkum hpe mawn nga mu ga,

1 TIMOHTI 2:10 ပူးပေါင်းရင်းမြစ်များ

GA SHAGAWP 31:25

N-gun lagaw hte sari sadang, shi a hpun palawng rai nga ai; Du na ra ai aten hpe shi mani kau nga ai.

GA SHAGAWP 31:31

Shi lata a shabyin ai akyu shi hpe jaw u; Shi galaw ai amu, mare chyinghka hta, shi hpe shakawn u ga.

KASA 9:36

Ya, Yopa mare hta Tabihta mying ai numsha sape langai mi nga ai; mying de a ga lachyum gaw Dorka ngu ai rai lu ai: dai numsha gaw kaja ai bungli hte alu jaw ya ai lam hta, myit tsup ai jan rai nga ai.

KASA 9:39

Shaloi Petru rawt nna, dai yan hte rau hkan sa wa ai. Shi du jang ntsa gawk de woi shawn mu ai rai nna, gaida jan ni nlang hkrap let shi a makau e tsap nna, shanhte hte rau naw nga yang, Dorka chywi ai palawng ni, nba ni, madun let nga nga ma la ai.

EHPESU 2:10

Kaning rai nme law, anhte shi a magam bungli rai nga ga ai; mai kaja ai bungli shachyen na, Hkristu Yesu hta e hpan da ai ni gaw, anhte rai nga ga ai: dai mai kaja ai bungli hta anhte hkawm nga u ga, Karai Kasang gaw dai ni hpe shawng nnan e lajang tawn da mu ai.

1 TIMOHTI 2:11

Numsha gaw hkang ai hku ting hkan nna, asim sha sharin la nga u ga.

1 TIMOHTI 2:9

Numsha ni mung dai hte maren, kara hkri ai, aja arai, pale hte manu dan ai hpun palawng hte n mawn ai sha, sari nang ai hpun palawng hte tem si rai nna shatep nga let,

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

TITU 3:8

Ndai ga gaw kangka re ai ga rai nga ai rai nna, Karai Kasang hpe kamsham ai ni gaw, kaja reng ai magam bungli a shachyen nga na myit dum nga mu ga, ndai lam ni hpe nang grai ngu tsun shangang ya na, ngai ra nga nngai. Dai lam ni gaw masha a matu mai kaja nga ai rai nna akyu rawng nga ai:

1 PETRU 2:12

tara maigan de na ni, nanhte hpe baw law nna n kaja ai hku shatu ma yang, nanhte a kaja ai amu mu la nna, dai dawdan ai nhtoi hta e Karai Kasang hpe shagrau lu mu ga, shanhte a man e nanhte a arawn alai tsup nga lu u ga law.

2 PETRU 3:11

Shing rai, arai yawng mayawng krawp ayai mat ai hkrum na teng nga ai majaw, sumsing lamu ni hpe wan hkru kau ai hta krawp ayai mat nna, arai guji guyang hpe kahtet lai ai hte shabyawng kau na Karai Kasang a nhtoi hpe, nanhte ala nga nna myit marit nga myit dai gaw,

SHINGRAN 2:19

Na a arawn alai, tsawra ai myit, makam masham, amu gun hpai ai hte shakut sharang ai hpe mung, na a hpang jahtum na amu bungli gaw shawng na hta grau law nga ai hpe mung, ngai chye nga nngai.