1 TIMOHTI 1:5 - Jinghpaw Hanson Version Bible

⁵ Dai daru jet kau ai ga a chyahtum chyawm gaw, san seng ai kraw lawang hte mai kaja nga ai myit nsam a tsawra ai hte, sawt ai n lawm ai makam masham nan, rai nga ai.

Jinghpaw Common Language Bible 2009

⁵ Ndai hkang da ai ga a shatawng shada ai lam gaw, san seng ai myit kaw na pru ai dum chye ai htauli htaula myit hte sawt ai lam n lawm ai makam masham kaw na pru wa ai tsaw ra myit hpe sharawt ya na matu rai nga ai.

1 TIMOHTI 1:5 ပူးပေါင်းရင်းမြစ်များ

SHAKAWN KUNGDAWN 24:4

San seng ai lata hte chyoi pra ai myit rawng nna, Tinang myit masin kaman lila hpe n nawn n sawn ai hte, Hkalem ai hku n dagam ai wa, rai lu ai.

SHAKAWN KUNGDAWN 51:10

Karai Kasang e, ngai hta san seng ai myit hpan tawn da nna, Agrin nga na Wenyi, nye a kata e shabai bang ya e.

YEREMIA 4:14

Yerusalem e, nang hkye hkrang la ai hkrum lu hkra, na a kraw lawang na n hkru n hkra ai hpe kashin kau u: na a n shawp ai myit mang gaw, gaten du hkra nang hta shanu nga na rai ta?

ZEHPANI 3:7

Ngai mahtang, Ngai shi a lam myit shatawng da ai yawng hte maren, shi a nta jahtum kau ai n hkrum hkra, ngai hpe hkrai hkrit hkungga nna, sharin achyin ai ga hkam la u, ngu nna tsun timung, shanhte jau jau rawt nna, tinang a shut hpyit ai lam shanang galaw ma ai.

MAHTE 12:35

Kaja ai wa gaw tinang a kaja ai sutdek hta na kaja ai arai shapraw wu ai; n kaja ai wa mahtang gaw, n kaja ai sutdek hta na n kaja ai arai shapraw wu ai.

MAHTE 5:8

Myit san seng ai ni gaw a lu ma ai; kaning rai nme law, shanhte gaw Karai Kasang hpe mu lu na maru ai.

KASA 15:9

shing rai, kamsham ai hte shanhte a myit masin hpe kashin ya mu ai rai nna, anhte hte shanhte a lapran e, hpa hku mung ginhka mi ai n rai.

KASA 23:1

Shaloi Pawlu gaw dai salang bawng hpe azi yu da let, “Hpunau ni e, dai ni du hkra Karai Kasang a man e, hkum tsup ai myit mang hte ngai hkan sa ni ai,” ngu mu ai.

KASA 24:16

Dai rai nna, Karai Kasang a man e mung, masha a man e mung, ra n rawng ai sha tutnawng myit mang san pra nga lu hkra, a shaja nga nngai.

ROMA 10:4

Kaning rai nme law, dinghpring ai kaw du lu mu ga, Hkristu gaw kamsham ai ni mahkra a matu mara, jep ai tara a chyahtum rai nga ai.

ROMA 12:9

Tsawra ai myit hta sawt ai n lawm u ga; n hkru n hkra ai hpe matsat nga mu, mai kaja ai hta manoi nga mu.

ROMA 14:15

Kaning rai nme law, lusha shahpa majaw na a nhpu nnau a myit n pyaw nga a yang gaw, nang tsawra ai lam hta naw hkawm nga ndai n rai. Hkristu gaw shi a matu mara si hkam ya nu ai majaw, na a lusha shahpa e shi hpe hkum jahten et.

ROMA 9:1

Hkristu hta e tengman ai ga ngai tsun nngai, ngai n masu nngai;

1 KORINHTU 13:1

Ngai gaw masha a ga hte lamu kasa ni a ga amyu myu hpe chye tsun rai timung, tsawra ai myit n rawng yang gaw, mahku rawng ai sumseng hte, ngoi gara ai shupsheng sha ngai tai nga nngai.

2 KORINHTU 1:12

Kaning rai nme law, Karai Kasang a chyoi pra nna san seng ai myit hte, dinghta hpaji n lawm ai sha, Karai Kasang a chyeju hte, mungkan ga e anhte htinglet nga nna, nanhte hte rau grau nna dai zawn rai nga ga ai hpe, anhte a myit masin a sakse hkam ai lam ngu ai gaw, anhte a gumrawng shara rai nga ai.

GALATI 5:22

Wenyi a asi chyawm gaw tsawra ai, kabu gara ai, ngwipyaw ai, myit galu kaba ai, matsan dum ai, mai kaja ai, kangka ai,

GALATI 5:6

Kaning rai nme law, Hkristu hta e matu gadoi hkam ai lam rai timung, matu gadoi n hkam ai lam rai timung, hpa akyu n nga ai rai nna, tsawra myit hte shachyen ai makam masham hkrai sha, akyu rawng nga ai.

TARA JAHPRANG 10:12

Ya, Israela amyu e, na a Karai Kasang Yehowa hpe hkrit hkungga let, shi a lam nlang hkan nang na; na a Karai Kasang Yehowa hpe na a myit masin mahkra hte na a kraw lawang mahkra hte tsawra let, shi a magam gun hpai na;

1 TIMOHTI 1:18

Ngai sha, Timohti e, nang hta ang nna lakap nga ai myihtoi ga hta hpa nna, makam masham hte mai kaja ai myit nsam rawng nga let, dai kaja ai gasat gala hpe nang gasat nga lu u ga, tawn da sai myihtoi ga hte maren, ndai daru jet kau na ahkang ngai nang hpe ap ya de ai.

1 TIMOHTI 1:19

Dai lam hte hpe nkau mi shinggan kau nna, makam masham li hta na bunghkup mat masai.

1 TIMOHTI 3:9

dai makam masham a sung htum ai lam hpe, san seng ai myit nsam hta machyu nga ai ni, rai lu na rai.

2 TIMOHTI 1:3

Nye a akyu hpyi ai ga hta nang hpe n sim n sa adum nga let, ji wa ni kaw nna san seng ai myit hte ngai daw jau nga ai Karai Kasang hpe, ngai shakawn nga nngai;

2 TIMOHTI 1:5

nang hta jung ai n sawt ai makam masham hpe mung ngai bai dum nga ai hte, dai gaw na nwoi dwi Lui hte, na nnu Uni yan hta shawng jung nga nna, nang hta e mung a jung nga ai hpe, ngai myit tawng nga nngai.

2 TIMOHTI 2:22

Dai rai nna, brang ram a myit kayut ai lam koi gam u: san seng ai myit hte dai Madu hpe shaga gang ai ni hte rau, dinghpring ai, kamsham ai, tsawra ai hte ngwipyaw ai hpe, hkan shachyut nga u.

TITU 1:15

San seng ai ni a matu, yawng mayawng san seng nga ai: n san n seng ai ni hte n kam n sham ai ni a matu chyawm gaw, hpa mung n san n seng nga ai; shanhte a myit mang hte kraw lawang gaw, n san n seng rai malu ai.

HEBRE 10:22

n hkru n hkra ai myit dum chyalu hte lawt hkra, anhte a kraw lawang hpe lapri bun nna, anhte a hkumhkrang hpe mung san seng ai ntsin hte kashin kamun kau ngut jang, tengman ai myit masin hte, hkum tsup re ai makam masham hte, anhte sit shang wa ga:

HEBRE 13:18

Anhte a matu mara akyu hpyi ya mi; kaning rai nme law, lam shagu hta arawn alai kaja hkan mayu ga ai majaw, anhte a myit dum chyalu san pra mali ai, ngu nna myit mu nga ga ai.

HEBRE 9:14

htani htana Wenyi hte Karai Kasang kaw, shi hkum dai hpe ra n rawng ai sha nawng ya ai Hkristu a asai gaw, ahkrung nga ai Karai Kasang hpe daw jau lu hkra, nanhte a myit masin hpe si ging ai arawn alai hta na, grau nna shachyoi shapra ya lu ai, n rai ni?

YAKU 4:8

Karai Kasang hpang de sit sa wa mu; shaloi shi nanhte hpang de sit wa na ra ai. Yubak galaw ai ni e, nanhte a lata hpe jasan jaseng kau mu; myit mashe rawng ai ni e, nanhte a myit masin hpe shachyoi shapra da mu.

1 PETRU 1:22

Dai dingman ai ga hpe madat mara nga let, nanhte kahpu kanau ni hpe gaja wa teng teng, tsawra lu ai du hkra, nanhte a myit masin hpe san seng kau lu myit dai majaw, nanhte a myit ting hte shada da tsawra nga mu;

1 PETRU 3:16

shing rai, nanhte myit nsam kaja rawng myit yang gaw, Hkristu hta lakap nna, nanhte hkan ai arawn alai a majaw, nanhte hpe ndang hkat nga ai hte aroi arip nga ai ni, kaya kahpa hkrum mat mu ga.

1 PETRU 3:21

Dai hka hta na zawn, ya e baptisma ngu ai kumla gaw, nanhte hpe hkye hkrang la lu nga ai; dai gaw, hkum shan hta e kap ai matsat shabat hpe sharun kau na lam n rai; Yesu Hkristu a bai hkrung rawt wa ai a marang e, Karai Kasang a man e san seng ai myit nsam tam san ai lam rai nga ai.

1 PETRU 4:8

Mahkra, hta n-ga, nanhte shada da tsawra ai myit makyit rawng nga mu; kaning rai nme law, tsawra ai myit gaw, yubak mara law law hpe magap da lu ai.

2 PETRU 1:7

tara hkungga ai hta hpunau hpe tsawra ai, hpunau hpe tsawra ai hta, n-gaw nwai ai myit, a shajat nga mu.

1 YAWHAN 3:10

Dai lam hte Karai Kasang a kashu kasha ni hte, Nat a kashu kasha ni gaw dan ginhka pru ai: kadai rai timung, dinghpring ai amu n galaw ai hte, shi a kahpu kanau hpe n tsaw n ra ai wa gaw, Karai Kasang kaw nna, rai nga ai n rai.

1 YAWHAN 3:23

Shi anhte hpe hkang da mi ai hte maren, shi a Kasha Yesu Hkristu a amying nsang hta kamsham nna, shada da tsawra myit ga, dai gaw shi a hkang da ai ga rai nga ai.

1 YAWHAN 3:3

Shi hta e, dai zawn myit mada lu ai masha gaw, shi hkum nan chyoi pra nga ai hte maren, tinang hkum hpe mung shachyoi shapra nga ai.