1 TIMOHTI 1:3 - Jinghpaw Hanson Version Bible

³ Sharin shaga ai lam kaga n sharin la lu mu ga mung, makam masham hta jung nga ai Karai Kasang a shadaw shalan ai lam n shabyin ai sha,

Jinghpaw Common Language Bible 2009

³ Ngai Makedoni mung de sa wa ai shaloi e, nang hpe ngai htet da sade ai hte maren Ehpesu mare e nang hpe matut nna nga nga shangun mayu nngai; dai yang e masha nkau mi shut ai makam masham lam ni hpe sharin ya nga ma ai, dai hpe nang shazim jahkring kau lu na rai ndai.

1 TIMOHTI 1:3 ပူးပေါင်းရင်းမြစ်များ

KASA 18:19

Shaloi shanhte Ehpesu mare de du nna, shi shan hpe dai yang e jahka tawn da mu ai: shi chyawm gaw tara jawng de shang nna, Yuda ni hte tsun hkat nga ai.

KASA 18:21

Karai Kasang hkraw yang gaw, ngai nanhte hpang de bai du na ring ngai,” ngu nna shanhte hpe shakram da nhtawm, Ehpesu kaw na li hte pru mat wa ai.

ROMA 15:26

Kaning rai nme law, Makedoni hte Ahkaia mung masha ni gaw, Yerusalem na chyoi pra ai ni hta na matsan mayan ai ni a matu, shawang kumhpa langai mi lahkawn na, myit madu nga masai.

ROMA 16:17

Bai, hpunau ni e, nanhte hkam la ai sharin shaga ai lam hpe nhtan shai let, shabra sharun ai hte myit kataw shara shabyin ai ni hpe joi yu nna, shanhte hpe koi gam nga myit ga, ngai nanhte hpe shadum dat made ai.

2 KORINHTU 11:4

Kaning rai nme law, nanhte kaw sa du ai wa gaw, anhte n hkaw dan ai Yesu kaga a lam shi hkaw dan nna, nanhte n hkam la ai Wenyi kaga hpe nanhte hkam la myit dai hte, nanhte n hta la ai kabu gara shiga kaga hpe hta la myit yang gaw, shi a lam nanhte gaja wa sharang nga myit dai.

EHPESU 4:14

shing rai anhte ma chyangai naw n rai nga na hte, masha a n hkru n hkra ai, maw da ai hkalem hkalau ai hpaji hte maren, nbung ngu ai sharin shaga ai lam shagu gadau gadap ai hte nhting nhtang n hkrum ai sha,

HPILIPI 2:24

Dai hta n-ga, gade wa n na yang, ngai hkum nan sa du na, ngu nna dai Madu hta e myit kam nga nngai.

1 TIMOHTI 4:11

Ndai lam hte hpe hkang da nna sharin shaga nga u.

1 TIMOHTI 4:6

Ndai lam hte gaw nang hpunau ni hpe shadum jahprang nga n yang gaw, nang hkan nang nga ai makam masham a mungga hte mai kaja ai sharin shaga ai lam hta pan kaba wa ai majaw, Hkristu Yesu a amu gun hpai wa kaja, nang rai na ndai.

1 TIMOHTI 5:7

Shanhte gaw mara n kap mu ga, ndai lam hte mung hkang da nga u.

1 TIMOHTI 6:10

Gumhpraw marin ai myit chyawm gaw, n hkru n hkra ai amyu myu a ru npawt rai nga ai; nkau mi gaw dai hpe hkan shachyut ma ai majaw, dai makam masham lam hpe yit kau nna, yawn hkyen ai amyu myu hte tinang hkum hpe galun dinggrang kau mu ai.

1 TIMOHTI 6:17

Ndai prat e sutgan lu ai ni gaw, gumrawng gumtawng n re ai hte, n grin ai sutgan hpe n shamyet nga ai sha, ngamu ngamai nga na matu, arai yawng mayawng anhte hpe n daw n hta jaw ai Karai Kasang hpe shamyet shanat nga na hte,

1 TIMOHTI 6:3

Marai langai ngai nhtan shai ai sharin shaga ai lam sharin ya nna, anhte a Madu Yesu Hkristu a hkam kaja ai mungga hte tara hkungga ai lam hte bung ai sharin shaga ai lam hpe n awlaw lawm a yang gaw,

2 TIMOHTI 1:18

shi gaw dai shani e, Madu a man e matsan dum ai hkam la lu hkra dai Madu gaw shi hpe chyeju jaw u ga: Ehpesu mare e mung shi ngai hpe gade wa galaw daw sai gaw, nang atsawm sha chye nga ndai.

2 YAWHAN 1:7

Kaning rai nme law, Yesu Hkristu gaw masha a hkum shan hpe dagraw nna du sa ai hpe, ndang kau ai hkalem ai masha law law wa mungkan ga de pru sa mara ai. Dai wa gaw, dai hkalem ai wa hte antihkristu mung rai nga ai.

SHINGRAN 2:14

Rai timung, sumla ni hpe nawng ya ai hkungga sha na hte hpye ai amu galaw na lam ngu ai myit kataw shara hpe, Israela kashu kasha ni a man e tawn da na, Balak hpe hpaji daw ya ai Balam a sharin shaga ai lam hta hkan nang ai ni nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.

SHINGRAN 2:20

Rai timung, tinang dai myihtoi num nga ai, dai numsha Yezebela gaw, nang hta naw nga lu ai majaw, nang hpe mara shagun shara ngai mu nngai: shi gaw nye a shangun ma ni hpe, hpye ai amu galaw na hte sumla ni hpe nawng ya ai hkungga sha na lam sharin ya nna, shanhte hpe shut shangun mu ai.