1 TIMOHTI 1:19 - Jinghpaw Hanson Version Bible

¹⁹ Dai lam hte hpe nkau mi shinggan kau nna, makam masham li hta na bunghkup mat masai.

Jinghpaw Common Language Bible 2009

¹⁹ Dai hta n ga, nang hta makam masham hte asan sha re ai dum chye ai htauli htaula myit rawng nga u ga. Masha nkau mi dai dum chye ai htauli htaula myit e shadum ai hpe n madat ai majaw shanhte a makam masham hpe jahten shabya kau ma ai.

1 TIMOHTI 1:19 ပူးပေါင်းရင်းမြစ်များ

MAHTE 6:27

Nanhte hta kadai rai timung, myit tsang ai hte, tinang a aprat galu u ga, dawng mi daram jat la lu na myit ni?

1 KORINHTU 11:19

Kaning rai nme law, nanhte hta e tengman ai ni dan pru u ga, bra wa na lam pyi nanhte hta e byin lu na ra ai.

GALATI 5:4

Jep ai tara hta dinghpring mayu ai ni, nanhte gaw Hkristu hte daw hka wa manit dai; nanhte chyeju hta na hkrat mat wa manit dai.

1 TIMOHTI 1:5

Dai daru jet kau ai ga a chyahtum chyawm gaw, san seng ai kraw lawang hte mai kaja nga ai myit nsam a tsawra ai hte, sawt ai n lawm ai makam masham nan, rai nga ai.

1 TIMOHTI 3:9

dai makam masham a sung htum ai lam hpe, san seng ai myit nsam hta machyu nga ai ni, rai lu na rai.

1 TIMOHTI 6:12

Dai makam masham hte seng ai mai kaja ai gasat gala ai hpe a gasat nga u: htani htana na asak hpe magra noi nga u: dai hta e nang hpe shaga la nna, sakse law law ni a man e mai kaja ai sakse nang hkam ya nit dai.

1 TIMOHTI 6:21

nkau mi gaw dai lam hpe hkan nang nga nna, dai makam masham lam hpe yit kau manu ai. Chyeju gaw nanhte hte rau anga nga u ga law.

1 TIMOHTI 6:9

Kaning rai nme law, sut su mayu ai ni gaw, hten byak nna shaza kau ai hta, masha ni hpe marit si shangun kau ai gunglau ai hte dawnggawng hta, angawk angak re ai hte sheng mareng re ai myit marin ai lam amyu myu hta, lup mat ma ai.

2 TIMOHTI 2:18

shan gaw, bai hkrung rawt wa ai lam gaw byin ngut sai, nga nna, dai tengman ai lam hta na yit mat wa ma ai hte, nkau mi a kamsham ai lam hpe shabai kau ya ma ai.

2 TIMOHTI 4:4

dai tengman ai ga hpe na layawng kau let, maumwi ga hpang de yit mat wa na mara ai.

TITU 1:9

masan maseng re ai sharin shaga ai lam e shadum jahprang lu na mung, nhtan shai ai ni hpe shachye shachyang lu na mung, sharin tawn da ai lam hte maren kangka re ai mungga hpe manoi manat ai wa, mai rai nga ai.

HEBRE 3:14

kaning rai nme law, anhte a myit maju jung ai a npawt nhpang hta, jahtum nhtoi du hkra ngang ngang manat nga ga yang gaw, Hkristu hte jawm hpawng ai ni anhte rai nga ga ai.

1 YAWHAN 2:19

Anhte kaw na shanhte pru ma timung, anhte hte nseng ga ai. Kaning rai nme law, anhte hte seng taw gaw shanhte anhte hte anga nga na mara ai: rai timung, shanhte nlang anhte hte n seng ga ai gaw dan wa u ga, shanhte pru wa ma ai.

SHINGRAN 3:10

Ngai hte seng ai shakut sharang ai lam a mungga hpe nang hkan nang ndai majaw, ga ntsa e nga ai ni hpe chyam dinglik yu na matu, dinghta ga hproi hkra du na ra ai chyam dinglik yu ai nhtoi hta na, ngai nang hpe makawp maga na de ai.

SHINGRAN 3:3

Dai re ai majaw, nang kaning rai hkam la lu ai hte, na la lu ai lam hpe bai dum u; dai hta hkan nang nga nna, myit malai lu u. Nang n maja nga taw gaw, lagu lagut zawn ngai du na ring ngai; gara aten e ngai nang kaw du sa na ring ngai mung, nang n chye na ndai.

SHINGRAN 3:8

Na a arawn alai ngai chye nga nngai; yu u, kadai mung n la da lu ai chyinghka na a man e ngai hpaw malang da se ai; nang n-gun loi mi rawng ndai, nye a mungga hpe nang hkan nang nit dai, nye a amying nsang hpe mung nang n nyet kau nit dai, ngai chye nga nngai.