1 TIMOHTI 1:12 - Jinghpaw Hanson Version Bible

¹² Ngai hpe kangka re ai wa nawn nna, dai aya hta ngai hpe dang da ai majaw, ngai hpe n-gun shaja ya ai, anhte a Madu Hkristu Yesu hpe nan, ngai shakawn kungdawn nngai.

Jinghpaw Common Language Bible 2009

¹² Ngai galaw gun hpai nga ai bungli a matu ngai hpe n-gun lagaw jaw ya ai anhte a Madu Hkristu Yesu hpe ngai chyeju dum shakawn nngai. Shi gaw ngai hpe ging dan ai wa re ai ngu nna sawn la nna shi hpe daw jau na matu san da hkrum ni ai majaw mung shi hpe chyeju dum shakawn nngai.

1 TIMOHTI 1:12 ပူးပေါင်းရင်းမြစ်များ

MAHTE 20:4

Nanhte mung dai sun de sa wa ma su; ging ram ai hte maren ngai nanhte hpe jaw na made ai, ngu nna shanhte hpe tsun mu ai. Shaloi shanhte sa wa ma ai.

YAWHAN 5:23

Kasha wa hpe n hkungga ai wa gaw, shi e shangun dat ai Kawa hpe mung n hkungga ai rai nga ai.

KASA 16:15

Num dai hte shi a nta masha ni baptisma hkam la ngut jang, shi gaw, “Dai Madu hta ngai kangka rai ni ai, nanhte myit hkut da sai rai yang gaw, nye nta e shang manam marit,” nga nna anhte hpe akroi anoi hpyi ai hte nga shangun mi ai.

KASA 9:15

Madu mung, “She sa su; dai wa gaw, maigan amyu ni hte hkawhkam ni a man e mung, Israela amyu masha ni a man e mung, nye a amying gun hpai na matu, nye a ngu nna san tawn da ai malai rai nga ai:

KASA 9:22

Shawlu chyawm gaw n-gun ja wa nna, Yesu gaw Hkristu nan rai nga ai lam pra pra madun dan ai hte, Damasku e nga ai Yuda ni hpe shamak kau mu ai.

1 KORINHTU 15:10

Rai timung, ngai rai nga nngai hte maren, Karai Kasang a chyeju majaw ngai rai nga nngai; ngai hkam la ai shi a chyeju gaw, ngai hta e kaman lila n rai nga ai sha, shanhte nlang hte hta ngai grau nna bungli gun hpai nngai; dai gaw ngai n rai, ngai hte rau anga nga ai Karai Kasang a chyeju sha rai nga ai.

1 KORINHTU 3:5

Apolo gaw kadai rai nga a ta? Pawlu mung kadai rai nga a ta? Shan gaw shangun ma rai nga nna, shan a jaw e nanhte kamsham ai kaw du lu myit dai: dai Madu e jaw da mu ai hte maren, shan langai hte langai shachyen lu ma ai.

1 KORINHTU 7:25

Ya, mahkawn ni a lam, dai Madu kaw na htet da ai ga ngai n lu nngai: rai timung, sadi sahka ai wa tai na she, dai Madu kaw na chyeju hkam la lu ai zawn, ngai jeyang ai lam shapraw nngai.

2 KORINHTU 4:1

Dai rai nna, chyeju lu la sagaw ai hte maren, ndai ahkang aya gun hpai lu ga ai majaw, anhte n hki n sang ga ai:

GALATI 3:26

Kaning rai nme law, Hkristu Yesu hta e kamsham nga myit dai majaw, nanhte nlang hte gaw, Karai Kasang a kashu kasha ni rai nga myit dai.

GALATI 3:28

Nanhte yawng mayawng gaw Hkristu hta e langai sha rai nga myit dai majaw, Yuda wa ngu na mi n nga, Heleni wa ngu na mi n nga; mayam ngu na mung n nga, shanglawt ngu na mung n nga; lasha, numsha ngu na mi mung n nga lu ai.

HPILIPI 2:11

Karai Kasang gaw shi hpe shagrau nna, amying shingteng yawng mayawng hta, grau ai amying nsang jaw da wu ai, rai nga ai.

HPILIPI 4:13

ngai hpe n-gun lagaw shaja ya ai wa a majaw, lam shagu hpe ngai hkam lu nngai.

KOLOSE 1:25

Moi chyaloi nhkoi prat mi hte prat mi makoi magap da ai sung htum ai lam ngu ai Karai Kasang a mungga hpe jahkum shatsup nga u ga.

1 TIMOHTI 1:1

Anhte a Hkye hkrang la ai Madu Karai Kasang hte, anhte a myit mada shara rai nga ai Hkristu Yesu a htet da ai hte maren, Hkristu Yesu a kasa rai nga ai, ngai Pawlu gaw, dai makam masham hta nye a kasha majing rai nga ai Timohti hpe ga shana dat nngai.

1 TIMOHTI 1:11

dai gaw ngai hkam la ai a rawng ai Karai Kasang a hpung shingkang madun ai kabu gara shiga hte maren rai nga ai.

1 TIMOHTI 1:2

Kawa Karai Kasang hte anhte a Madu Hkristu Yesu kaw na chyeju, matsan dum ai hte ngwipyaw ai gaw, anga nga u ga law.

1 TIMOHTI 6:13

Anhte a Madu Yesu Hkristu a paw pru ai du hkra, agang chyalang n re ai hte mara n kap ai sha, dai hkang da ai ga hpe nang hkan nang nga u ga,

2 TIMOHTI 2:2

Sakse law law a man e ngai kaw na nang na la sai lam hte hpe, masha kaga hpe sharin achyin chye ai kangka re ai masha hte kaw htawt ap ya u.

2 TIMOHTI 4:17

Rai timung, nye a jaw e dai hkaw dan ai ga hpe dan dan hkaw shahproi lu nna, maigan amyu ni yawng na la lu hkra, dai Madu gaw ngai hpang maga de rau tsap nga nna, ngai hpe n-gun shaja ya ai hte, hkanghkyi a n-gup hta na mawai la ai ngai hkrum ni ai.

TITU 1:4

anhte a Hkye hkrang la ai Madu, Karai Kasang a hkang da ai ga hte maren, nye a lata de ap ya ni ai. Kawa Karai Kasang hte, anhte a Hkye hkrang la ai Madu Hkristu Yesu kaw na, chyeju hte ngwipyaw ai gaw, anga nga u ga law.

HPILEMON 1:9

dingla wa Pawlu rai nga nngai hte, ya e Hkristu Yesu a bawng dung ai wa mung rai nga nngai majaw, tsawra ai hku she nang hpe hpyi nem dat na, ngai grau ra nngai: