1 TIMOHTI 1:10 - Jinghpaw Hanson Version Bible

¹⁰ hpye ai amu galaw ai ni, la shada tam ai ni, masha hpe lagu ai ni, masu magaw ga tsun ai ni, masu dagam ai ni hte san seng ai sharin shaga ai ga hte nhtan shai ai lam kaga naw nga a yang gaw, de a matu mara jep ai tara tawn da nga ai:

Jinghpaw Common Language Bible 2009

¹⁰ akyang lailen n kaja ai ni, num shada la shada nga sha ai ni, masha rim makoi nna gumhpraw hte shaw la shangun ai ni, masu nna n teng n man ai sakse hkam ai ni, shing n rai hpa hku hpa lam hku nna mung, dai teng man ai makam masham a sharin shaga ai tara hte nhtan shai ai ni a matu galaw da ai tara rai nga ai.

1 TIMOHTI 1:10 ပူးပေါင်းရင်းမြစ်များ

NINGPAWT NINGHPANG 19:5

Lawt hpe shaga let, “Dai na nang kaw du ai manam yan, kanang nga ma ta? Dai yan hte anhte kanawn lu na matu shapraw ya mi,” ngu mu ai.

NINGPAWT NINGHPANG 37:27

law, shi hpe anhte a lata hte n hkra ai sha, Ishmaela masha ni hpe dut ya kau dat gaw: shi anhte a kanau hte anhte a sai shan rai nga ai, ngu nna kahpu kanau ni hpe tsun wu ai: kahpu kanau ni mung shi a ga madat ya ma ai.

NINGPAWT NINGHPANG 40:15

gaja wa ngai hpe Hebre mung na lagu wa mi ai; ya nang e mung, ngai hpa yubak n galaw ai hpe ndai htawng hta bang da mi ai. Ngu nna tsun dat wu ai.

PRU MAT 20:7

Na a Karai Kasang Yehowa a mying ningsang hpe kaman lila hkum gang hkum tsun et; kaning rai nme law, shi a mying ningsang kaman lila gang ai wa hpe, Yegowa mara n shagun ai, nga na wu ai n rai.

PRU MAT 21:16

Masha hpe lagu ai wa gaw, dut kau sai rai timung, shi a lata e naw nga ai rai timung, teng teng sat kau ai hkrum u ga.

HOSEA 10:4

Shanhte gaw ga kaman tsun nna, ga shaka tawn da yang, masu ai hku dagam ma ai: dai re ai majaw, hkauna lawk e tu ai mana hpun zawn, dawdan ai lam alawan du na ra ai.

JAW JAU 18:22

Num hte kanawn ai zawn lasha shada kanawn lu na n rai; dai gaw matsat shabat lam rai nga ai.

JAW JAU 20:13

Numsha hte kanawn ai zawn lasha shada kanawn ai rai yang, dai yan gaw matsat shabat amu galaw ma ai majaw, sat kau ai teng teng hkrum na rai mu ai: shan gaw si ging ai yubak lu ma ai.

ZEHKARIA 5:4

Ngai dai laika katsu hpe shapraw dat nna, dai gaw lagu lagut wa a nta hta mung, nye a mying gang nna masu lam dagam ai wa a nta hta mung, shang nna, shi a nta ka-ang e nga nga let, dai nta a ngau ni nlung ni hte hpawn, dai nta hpe shamyit kau na ra ai,” nga nna Zaw nawng zaw wa up ai Yehowa tsun ai.

ZEHKARIA 8:17

nanhte hta kadai mung, tinang a htingbu wa hpe, n kaja ai hku hkum maw myit; n teng ai hku dagam ai hpe, hkum sharawng myit: kaning rai nme law, ndai lam mahkra hpe ngai n dawng nngai,” nga nna Yehowa tsun ai.

MALAHKI 3:5

Nanhte hpe tara dara na matu, ngai ni wa nna, shaba wawt ai ni, num shaw la shaw ai ni, masu lam dagam ai ni, nchyang shabrai n jaw ai zingri ai ni, gaida gaina hte chyahkrai nmai ni hpe zingri ai ni, malet nhprang manam hpe maw sha map sha ai ni hte, ngai hpe n hkrit hkungga ai ni a man e, larau ladau re ai sakse ngai tai na nngai, nga nna Zaw nawng zaw wa up ai Yehowa tsun ai.

YAWHAN 8:44

Nanhte gaw, nanhte a kawa ngu ai, gumlau Nat hta na prat wa ai ni rai nga myit dai rai nna, nanhte a kawa a kayut ai hku mung, hkan mayu myit dai: shi gaw shawng npawt kaw nna, masha sat ai wa rai nga ai rai nna, shi hta tengman ai lam n rawng lu ai majaw, tengman ai lam hta n nga lu ai: shi masu magaw ga tsun yang, shi a myit hta na hte maren tsun nga ai: shi gaw masu ai wa rai nga ai hte, masu magaw ai a kawa mung, rai nga ai.

ROMA 1:26

Shing rai ma ai majaw, Karai Kasang gaw shanhte hpe kaya kahpa re ai ngang kayut ai de nawng kau mu ai: shanhte a numsha ni pyi, hking madung hpe kau da nna, dai hte nhtan shai ai hku galaw hkat ma ai;

TARA JAHPRANG 24:7

Masha langai ngai tinang hpunau Israela amyu hpe lagu la nna, mayam yam ai, shing n rai dut sha ai rai yang, dai lagut wa hpe sat kau na rai ndai: shing di nang hta na n shawp ai amu nang seng kau na rai ndai.

1 TIMOHTI 4:6

Ndai lam hte gaw nang hpunau ni hpe shadum jahprang nga n yang gaw, nang hkan nang nga ai makam masham a mungga hte mai kaja ai sharin shaga ai lam hta pan kaba wa ai majaw, Hkristu Yesu a amu gun hpai wa kaja, nang rai na ndai.

1 TIMOHTI 6:3

Marai langai ngai nhtan shai ai sharin shaga ai lam sharin ya nna, anhte a Madu Yesu Hkristu a hkam kaja ai mungga hte tara hkungga ai lam hte bung ai sharin shaga ai lam hpe n awlaw lawm a yang gaw,

2 TIMOHTI 1:13

Ngai kaw na nang na la sai masan maseng mungga ningli hpe, Hkristu Yesu hte seng ai kamsham nna tsawra ai myit hte, gumnoi nga u.

2 TIMOHTI 4:3

Kaning rai nme law, htawm hpang na prat e masha ni gaw, masan maseng ai sharin shaga ai lam hpe n madat hkam la lu ai hte, shanhte a ana kaya kaprep nna, tinang a myit kayut ai hku hte maren, tinang a matu mara sara shalaw la nhtawm,

TITU 1:13

Dai sakse teng nga ai. Dai rai nna, Yuda maumwi hpe mung, tengman ai lam hpe jahka kau ai masha ni a htet da ai ga hpe mung, n madat la ai sha,

TITU 1:9

masan maseng re ai sharin shaga ai lam e shadum jahprang lu na mung, nhtan shai ai ni hpe shachye shachyang lu na mung, sharin tawn da ai lam hte maren kangka re ai mungga hpe manoi manat ai wa, mai rai nga ai.

HEBRE 13:4

Hkungran ai lam gaw, yawng mayawng a man e arawng lu u ga; hkungran ai yup ra mung, san seng nga u ga: kaning rai nme law, hpye ai amu galaw ai ni hte num shaw la shaw ai ni hpe, Karai Kasang tara dara na wu ai.

YUDA 1:7

Dai hte maren, Sodom yan Gomora hte, dai mare yan zawn, grup yin na mare ni mung, shut hpyit lai ai amu galaw nna, lasha shada da tam shut nga ai a jaw e, dai ni hpe ningli shatai na matu, prat dingsa na wan nhpra hta e ari hkrum sha mu ai.

SHINGRAN 18:13

maza hpun, shatmai tsi, manam pyaw ai baw, mura, lawban, tsabyi jahku, asau, muk shadung, hkaulan mam, dumsu, sagu, gumra, gumra leng, masha hkum hte masha amyit masin hpe, ngu ai rai nga ai.

SHINGRAN 21:27

Awu asin re ai hpa mung, matsat shabat hte masu magaw lam hkan ai wa gaw, dai mare de galoi mung shang lu na n rai: Sagu Kasha a asak laika hta amying lawm ai ni chyu sha shang lu na ma ai.

SHINGRAN 21:8

Hkrit ai myit rawng ai ni, n kam n sham ai ni, matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si lam rai nga ai,” nga nna ngai hpe tsun ai.

SHINGRAN 22:15

Shinggan e gaw, gwi n re ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte nga ma ai, nga nna ngai hpe tsun nngai.