1 SAMUELA 9:12 - Jinghpaw Hanson Version Bible

¹² “Nga nga ai; na a shawng e sha rai nga ai; lawan sa wa mu; dai ni ndai mare de wa ra ai; mare masha ni mung, dai ni kawng tsaw ntsa e hkungga nawng jau na ma ai; dai myi san wa, shan sha na matu dai kawng tsaw de garai n lung mat jang; nang mare de rau yang gaw, hkrum shayan na myit dai:

Jinghpaw Common Language Bible 2009

^12-13 Dai numsha ni chyawm gaw, “Rai sa, shi nga nga ai,” ngu nna htan ma ai. Kaja wa shi gaw nan a shawng e sha rai nga ai; nan tin tin rai lu myit yang gaw shi hpe hkan dep lu na myit dai. Nan dai mare de du shang wa ai hte shi hpe mu na marin dai. Amyu masha ni kawng ntsa na tawn hkungri hta shagu hkungga nawng ya ma ai majaw shi gaw dai shara de dai ni du lung wa na ra ai. Shi gaw dai shagu hkungga hpe shi shawng shaman ya na wu ai majaw dai yang e shi du sa ai aten du hkra shaga da hkrum ai amyu masha ni sha hpang wa lu na ma ai n rai. Nan ya jang sa mat wa myit, dai rai yang chyawm gaw sha na matu kawng de shi garai n lung wa yang shi hpe sa hkrum na myit dai,” ngu nna htan dat ma ai.

1 SAMUELA 9:12 ပူးပေါင်းရင်းမြစ်များ

NINGPAWT NINGHPANG 31:54

Shaloi Yaku dai bum e hkungga nawng ya wu ai rai nna, shi a kahpu kanau ni hpe shat sha shaga wu ai: shanhte mung shat sha nna dai bum e dai shana nhtoi shalai mu ai.

1 HKAWHKAM LABAU 16:39

Bai, wan nat hkungga nawng ai tawn hkungri ntsa e shani shagu jahpawt hte shana e Yehowa hpe wan nat hkungga nawng ya na matu, Gibeon a tsaw ai kawng ntsa na,

1 SAMUELA 10:5

Dai kaw na lai wa yang, Hpilisti dap nga ai Karai Kasang a kawng de nang du na ra ai: dai kaw nna mare de shang wa yang myihtoi hpung mi shupsheng, bau bre, sumhpyi hte tingse dum let, myihtoi htoi nna, kawng tsaw de na yu wa ai hte, nang hkrum na rin dai:

1 SAMUELA 16:2

Samuela chyawm gaw, “Ngai kaning rai sa lu na rai ta? Shawlu na jang, ngai hpe sat kau na ring ngai,” ngu wu ai. Yehowa gaw, “Dumsu upra langai mi la nna, Yehowa hpe hkungga jaw na sa wa nngai, ngu nna tsun u.

1 SAMUELA 2:35

Bai, nye a myit, nye a kraw lawang na ra ai hku hkan ya ai kangka re ai hkinjawng, ngai paw pru shangun na we ai: shi a matu ngang ai nta ngai gaw ya nna, shi gaw nye a namman chya ai wa a man e tutnawng e hkawm sa lu na ra ai.

1 SAMUELA 20:6

Na nwa ngai n lawm ai dum jang, ‘Dawi nta dap ni nlang a matu, shaning shagu na hkungga nawng nhtoi du ai majaw, shi a mare Betlehem de gat wa na nga, akroi anoi hpyi ai,’ ngu nna tsun u.

1 SAMUELA 7:17

Bai wa yang, Rama de wa du du re ai; dai yang e shi a nta rai nga sai: dai kaw mung Israela masha ni hpe tara dara ya let, Yehowa matu tawn hkungri gaw da nna nga nga ai.