1 SAMUELA 8:9 - Jinghpaw Hanson Version Bible

⁹ Ya shanhte a ga madat ya mu; rai timung, shadum jahprang nna shanhte hpe up na hkawhkam wa a htung hking madun dan u,” ngu wu ai.

Jinghpaw Common Language Bible 2009

⁹ Dai rai nna, shanhte a ga hpe madat ya u, rai ti mung shanhte a hkawhkam ni shanhte hpe kaning di wa na lam hpe chyawm gaw atsawm sha sang lang dan nna shanhte hpe ja ja sadi jaw u,” ngu nna tsun wu ai.

1 SAMUELA 8:9 ပူးပေါင်းရင်းမြစ်များ

YEREMIA 11:7

Kaning rai nme law, nanhte a nji nwa ni hpe Egutu mung na shapraw woi wa ai shani kaw nna dai ni du hkra, ngai jau jau rawt nna, Nye a ga madat mara mu, ngu nna shanhte hpe atit anang shadum jahprang timung, shanhte n madat ai hte n na la ai sha, langai hte langai tinang a n hkru ai myit ja ai hte maren hkan hkawm nga ma ai: dai re ai majaw, ngai shanhte hpe hkang da timung, shanhte n hkan shatup ai, ndai ga shaka mungga mahkra hpe, ngai shanhte a ntsa e shadu na we ai, nga ai.

EZEKELA 3:18

Ngai gaw tara n lang ai wa hpe, Nang teng teng si na ndai, nga nna shi hpe tsun ninglen, nang shi hpe n shadum, tara n lang ai wa asak lawt na matu, nang shi hpe lam madun ai ga n tsun ai nga yang, dai tara n lang ai wa gaw, tinang a yubak hta si wa na ra ai: shi a asai chyawm gaw, na a lata na ngai hpyi la na nngai.

EZEKELA 46:18

Dai hta n-ga du wa gaw, mung masha ni a sali ga hpe, adip arip kashun la nna, ga madu hpe shaden kau lu na n rai; nye a amyu masha ni gaw tinang a sali ga hta na ayai kau ai n hkrum hkra, du wa gaw tinang a kasha ni hpe tinang a sali ga hta na sali wunli karan jaw u ga.

1 SAMUELA 10:25

Samuela mung, dai mungdan htung tara masha ni hpe tsun dan nna, laika hta ka da nhtawm, Yehowa man e tawn da wu ai. Shing rai, mung masha ni mahkra hpe tinang a dum nta de dat dat mu ai.

1 SAMUELA 12:1

Shaloi Samuela Israela masha ni mahkra hpe tsun wu ai gaw, “Nanhte tsun matsun ngai madat nna, nanhte a ntsa e hkawhkam shadun masade ai.

1 SAMUELA 14:52

Shawlu a prat tup Hpilisti masha ni hte majan kaba rai nga ai rai nna, Shawlu gaw n-gun ja ai hte nden ja ai masha hkrup mahkrup hpe lata san da wu ai.

1 SAMUELA 2:13

Mung masha ni hta shanhte galaw ai htung hking ning rai malu ai: hkungga nawng na nga masha ni shan shadu tawn jang, hkinjawng wa a shangun ma sa nna, masum bra re ai shan lakung lang nna,

1 SAMUELA 8:8

Ngai shanhte hpe Egutu mung na shaw woi wa ai shani kaw nna, dai ni du hkra ngai hpe kau nna maigan Hpara ni hpe jaw jau ga ai akyang hte maren, nang hpe mung di da ndai.