1 SAMUELA 8:8 - Jinghpaw Hanson Version Bible

⁸ Ngai shanhte hpe Egutu mung na shaw woi wa ai shani kaw nna, dai ni du hkra ngai hpe kau nna maigan Hpara ni hpe jaw jau ga ai akyang hte maren, nang hpe mung di da ndai.

Jinghpaw Common Language Bible 2009

⁸ Ngai shanhte hpe Egutu mung kaw nna woi shapraw wa ai shani kaw na shanhte ngai kaw na kayin mat wa nhtawm kaga hpara ni hpe nawku ma ai; ngai hpe galoi mung shanhte dai hku galaw ma ai zawn ya mung nang hpe dai hku galaw nga ma ai.

1 SAMUELA 8:8 ပူးပေါင်းရင်းမြစ်များ

SHAKAWN KUNGDAWN 78:8

Htawm hpang e du ai amyu ni a kashu kasha ni, Dai tara hpe chye na lu nna, Shanhte gaw tinang a kashu kasha ni hpe bai gawn dan nna, Dai lam ni kashu kasha ni hpe sharin ya mu ga, Shi anhte a ji woi ni hpe hkang da mu ai.

PRU MAT 16:3

Shanhte gaw, “Egutu mung e shan di ni a makau e anhte dung nna hkru hkru kat kat muk sha lu nga yang, Yehowa a lata hte si mat yang grau mai ai: ndai shawa hpung ting hpe kawsi ai hte sat kau na, nga nna ndai nam mali de nan anhte hpe woi wa myit hka,” nga nna shan hpe tsun mu ai.

PRU MAT 17:2

Dai re ai majaw amyu masha ni gaw, “Anhte hpe lu na ntsin jaw mi,” nga nna Mawshe hte ndang kalang hkat nga ma ai. Mawshe mung, “Nanhte ngai hpe hpa rai ahtu nga myit ta? hpa rai Yehowa hpe chyam yu nga myit ta?” ngu nna shanhte hpe htan mu ai.

PRU MAT 32:1

Ya dai bum e Mawshe na na nga mat ai hpe amyu masha ni mu ma yang, shanhte gaw Arun kaw hpawng sa nna, “Rawt u, anhte a shawng e sa wa na hpara, anhte a matu galaw ya mi: anhte hpe Egutu mung na woi wa ai wa, dai Mawshe hta hpa byin sai gaw, anhte n chye saga ai,” ngu nna tsun mu ai.

EZEKELA 2:3

Shaloi shi gaw, “Masha kasha e, ngai hpe gumlau ai amyu ngu ai, dai ni du hkra kaji kawa ni hte hpawn ngai hpe tut gumlau nna, shut hpyit nga ai Israela kashu kasha ni hpang de ngai nang hpe shangun dat na nngai.

BU HKAWM 16:41

Hpang jahpawt e Israela shawa hpung ting gaw Mawshe yan Arun hpe, mara shagun let, “Nan Yehowa a masha ni hpe sat kau myit dai,” nga nna aput ma ai.

TARA JAHPRANG 9:24

Ngai she mu mu ai kaw nna nanhte Yehowa hpe gumlau hkrai gumlau myit dai.

TARA AGYI 13:1

Ya Israela kashu kasha ni gaw Yehowa a man e n shawp ai amu bai galaw ma ai; dai rai nna Yehowa gaw shanhte hpe Hpilisti masha ni a lata hta mali shi ning tup ap kau ya mu ai.

TARA AGYI 2:20

Shaloi Yehowa Israela hpe pawt bu let tsun wu ai gaw, “Amyu ndai, nye a ga n madat sha ya ai hte, shanhte a kaji kawa ni hpe ngai tawn da ai ga shaka tawt lai ma ai majaw;

TARA AGYI 4:1

Ya, Ehud si mat ai hpang, Israela kashu kasha ni gaw, Yehowa man e n shawp ai amu bai galaw ma ai.

TARA AGYI 6:1

Bai, Israela kashu kasha ni gaw Yehowa a man e n shawp ai amu galaw ma ai: dai rai nna Yehowa gaw shanhte hpe Midian masha ni a lata hta sanit ning tup ap kau wu ai.

1 SAMUELA 8:7

Yehowa mung Samuela hpe, “Amyu masha ni nang hpe tsun matsun madat ya mu: shanhte nang hpe kau ai n rai; ngai shanhte a hkawhkam n tai na hku, ngai hpe kau ai she rai ma ai.

1 SAMUELA 8:9

Ya shanhte a ga madat ya mu; rai timung, shadum jahprang nna shanhte hpe up na hkawhkam wa a htung hking madun dan u,” ngu wu ai.