1 SAMUELA 8:7 - Jinghpaw Hanson Version Bible

⁷ Yehowa mung Samuela hpe, “Amyu masha ni nang hpe tsun matsun madat ya mu: shanhte nang hpe kau ai n rai; ngai shanhte a hkawhkam n tai na hku, ngai hpe kau ai she rai ma ai.

Jinghpaw Common Language Bible 2009

⁷ dai Madu gaw, “Amyu masha ni nang hpe tsun ai lam magup hpe madat u, shanhte nang hpe kau ai n rai; shanhte a hkawhkam n tai na hku shanhte kau ai gaw ngai mahtang she rai nga nngai.

1 SAMUELA 8:7 ပူးပေါင်းရင်းမြစ်များ

PRU MAT 16:8

Bai Mawshe gaw, “Shana de sha na matu shan, jahpawt e hkru ram hkra sha na muk, Yehowa nanhte hpe jaw na myit dai shaloi, nye a ga teng na ra ai: Yehowa hpe nanhte aput ai ga shi na nu ai: an wa mi hpa rai ga ta? nanhte aput ai ga gaw an hta hkra ai n rai, Yehowa hta hkra nga ai,” ngu wu ai.

ESAIA 66:4

Ngai mung, shanhte hkan ai kaman lila lam san da nna, shanhte hkrit nga ai hpe shanhte a ntsa e shapraw na nngai: kaning rai nme law, ngai shaga yang, htan ai wa n nga ai; ngai ga tsun yang, shanhte n madat ma ai: shanhte gaw nye a man e n hkru ai amu galaw nna, ngai n ra ai hpe lata la ma ai.

EZEKELA 2:3

Shaloi shi gaw, “Masha kasha e, ngai hpe gumlau ai amyu ngu ai, dai ni du hkra kaji kawa ni hte hpawn ngai hpe tut gumlau nna, shut hpyit nga ai Israela kashu kasha ni hpang de ngai nang hpe shangun dat na nngai.

EZEKELA 3:7

Israela amyu chyawm gaw, na a ga hpe madat na n rai; nye a ga hpe pyi n madat ma ai; Israela amyu ting, man htat ai hte myit ja ai amyu rai nga ai.

BU HKAWM 22:20

Shana e Karai Kasang Balam kaw du nna, “Dai masha ni nang hpe shaga ma yang gaw, rawt u, shanhte kaw hkan sa su; rai timung, ngai hkang da ai hku sha galaw lu na rai ndai,” ngu dat wu ai.

MAHTE 10:40

Nanhte hpe hkap hkalum la ai wa gaw, ngai hpe mung hkap hkalum la ai; ngai hpe hkap hkalum la ai wa mung, ngai hpe shangun dat ai wa hpe hkap hkalum la ai rai nga ai.

LUKA 10:16

Nanhte a ga madat ai wa gaw, nye a ga madat ai mung, rai nga ai. nanhte hpe gang kau ai wa gaw, ngai hpe mung gang kau ai, rai nga ai: ngai hpe gang kau ai wa gaw, ngai hpe shangun dat ai wa hpe mung, gang kau ai rai nga ai,” ngu nna tsun dat mu ai.

LUKA 19:14

Shi a mung masha ni chyawm gaw, shi hpe n dawng da mu ai rai nna, ‘Ndai wa anhte a ntsa e up nga na, anhte n ra ga ai,’ ngu nna shi a hpang e kasa hkan shangun dat mu ai.

LUKA 19:27

Dai hta kaga, shanhte a ntsa e ngai hpe up shangun na n ra ai, nye a gumlau ni hpe, nang de dun wa nna, nye a man e sat kau maru, ngu nna hkang dat mu ai,” ngu wu ai.

YAWHAN 13:16

Ngai nanhte hpe gaja wa teng teng tsun made ga, Mayam wa gaw madu hta grau ai n rai, kasa mung shangun dat ai wa hta grau ai n rai.

TARA AGYI 8:23

Gidon chyawm gaw, “Ngai nanhte a ntsa e up na n rai; ngai sha mung up na n rai: Yehowa shi nanhte a ntsa e up nga ai.

1 SAMUELA 10:19

rai timung, nanhte a ru tsang hte tsin-yam tsindam yawng hta na nanhte hpe hkye shaw la ai nanhte a Karai Kasang hpe, dai ni nanhte kau da nna, Anhte a ntsa e hkawhkam shadun ya mi, nga n nga shi kaw tsun myit dai. Dai re ai majaw, amyu langai hte langai, nta dap langai hte langai, Yehowa man de sit sa marit,” ngu wu ai.

1 SAMUELA 12:1

Shaloi Samuela Israela masha ni mahkra hpe tsun wu ai gaw, “Nanhte tsun matsun ngai madat nna, nanhte a ntsa e hkawhkam shadun masade ai.

1 SAMUELA 12:12

Dai hpang, Amon kashu kasha ni a hkawhkam Nahasha, nanhte hpe gasat sa wa ai mu jang, ‘Shawng na zawn n rai saga, anhte a ntsa e hkawhkam she up mi ga,’ nga nna, nanhte a Karai Kasang Yehowa nanhte a hkawhkam rai nga ninglen, ngai kaw shing nga hpyi myit dai.

1 SAMUELA 8:22

Yehowa mung, shanhte a ga hkan nna, shanhte a matu hkawhkam sharawt ya u, ngu wu ai. Dai rai nna Samuela gaw Israela masha ni hpe, “Nanhte langai hte langai tinang a mare de naw wa manu,” ngu wu ai.

1 SAMUELA 8:8

Ngai shanhte hpe Egutu mung na shaw woi wa ai shani kaw nna, dai ni du hkra ngai hpe kau nna maigan Hpara ni hpe jaw jau ga ai akyang hte maren, nang hpe mung di da ndai.