1 SAMUELA 8:6 - Jinghpaw Hanson Version Bible

⁶ Anhte hpe tara dara na matu, hkawhkam jaw mi, nga nna hpyi ai lam hpe Samuela n ra wu ai rai nna, Yehowa kaw hpyi san wu ai.

Jinghpaw Common Language Bible 2009

⁶ Hkawhkam langai ra ga ai nga nna shanhte hpyi ai ga hpe Samuela n ra sharawng wu ai majaw dai Madu kaw shi akyu hpyi wu ai,

1 SAMUELA 8:6 ပူးပေါင်းရင်းမြစ်များ

SHAKAWN KUNGDAWN 109:4

Nye a tsawra ai malai, ngai hpe nhtan shai ai hku hkan galaw ma ai: Ngai chyawm gaw akyu hpyi nga nngai.

PRU MAT 32:21

Shing rai Mawshe gaw Arun hpe mung, “Ndai amyu hta nde wa kaba ai yubak shapraw na gaw, shanhte nang hpe kaning di ma ta?” ngu nna san wu yang,

PRU MAT 32:32

rai timung, shanhte a yubak dat kau mayu yang gaw, dat kau ya u; dai n rai yang gaw, nang ka da ai laika hta na nye mying mung arut kau ya e law,” ngu nna hpyi wu ai.

HOSEA 13:10

Na a hkawhkam wa gaw, mare shagu hta nang hpe hkye hkrang la lu hkra, ya kanang rai nga a ta? Anhte hpe hkawhkam hte du jaw mi, nga nna nang hpyi ai tara agyi ni gaw, kanang rai nga ma ta?

BU HKAWM 16:15

Shaloi Mawshe masin grai pawt nna Yehowa hpe, “Ndai masha ni jau ai kumhpa hkum hkap la ya et; shanhte a lawze langai mi muk ngai n la ya nngai; shanhte hta na langai mi hpe muk ngai n zingri yu nngai,” ngu nna tsun wu ai.

BU HKAWM 16:22

Shan chyawm gaw dingnyawm dagup let, “Karai Wa e, hkrung mahkrung a asak sumri shum ai Karai Kasang e, masha langai mi shut ai a majaw sha shawa hpung ting hpe masin pawt nga wu ni?” ngu nna hpyi nem mu ai.

BU HKAWM 16:46

Bai Mawshe gaw Arun hpe, “Na a wan ban la nna tawn hkungri na wan hta bang nhtawm, lawban mara lang let, shawa hpung de alawan gat nna shanhte a matu htingrai htingrat su: Yehowa a pawt ai sindawng pru ra ai; ana zinli mung du rau ra ai,” ngu nna shangun dat wu ai.

HPILIPI 4:6

Hpa lam hta mung myit hkum ru hkum tsang myit; lam shagu hta akyu hpyi nna tawngban ai hte shakawn kungdawn let, nanhte a hpyi mahpyi hpe Karai Kasang kaw shana nga mu.

YAKU 1:5

Nanhte hta na marai langai ngai hpaji byeng-ya kadawn nga yang gaw, n jet kau ai sha, nlang hte hpe ndaw nhta a jaw nga ai Karai Kasang kaw, hpyi nga u ga; shaloi shi lu la na ru ai:

1 SAMUELA 10:19

rai timung, nanhte a ru tsang hte tsin-yam tsindam yawng hta na nanhte hpe hkye shaw la ai nanhte a Karai Kasang hpe, dai ni nanhte kau da nna, Anhte a ntsa e hkawhkam shadun ya mi, nga n nga shi kaw tsun myit dai. Dai re ai majaw, amyu langai hte langai, nta dap langai hte langai, Yehowa man de sit sa marit,” ngu wu ai.

1 SAMUELA 12:12

Dai hpang, Amon kashu kasha ni a hkawhkam Nahasha, nanhte hpe gasat sa wa ai mu jang, ‘Shawng na zawn n rai saga, anhte a ntsa e hkawhkam she up mi ga,’ nga nna, nanhte a Karai Kasang Yehowa nanhte a hkawhkam rai nga ninglen, ngai kaw shing nga hpyi myit dai.

1 SAMUELA 12:17

Dai ni nhtoi gaw, hkaulan mam dan ai ta rai nga ai, n rai ni? Yehowa hpe ngai hpyi nna, mu shangoi ai hte marang jahtu dat na ru ai; dai hta e, nanhte hkawhkam hpyi ai lam, Yehowa man e shut hpyit mara kaba nga malit dai gaw, nanhte mu chye na marin dai,” ngu nna mung masha ni hpe tsun wu ai.

1 SAMUELA 12:19

Mung masha ni nlang hte mung, Samuela hpe, “Na a mayam ni n si n ga, na a Karai Kasang Yehowa kaw anhte a matu hpyi nem ya mi: anhte hkawhkam hpyi kau ai majaw, shawng na shut ai mara ni a ntsa e, bai shut jat sagaw ai,” ngu mu ai.

1 SAMUELA 12:23

Ngai chyawm gaw, nanhte a matu n hpyi nna, Yehowa hpe shut ai lam gaw, ngai hte tsan nga u ga law: dai mai kaja ai hte tengman ai lam hpe ngai nanhte hpe naw madun na nngai.

1 SAMUELA 15:11

shi myit yit mat wa nna nye a hpang n hkan ai hte ngai hkang da ai ga n shatup nu ai,” ngu wu ai.

1 SAMUELA 7:5

Bai Samuela gaw, “Israela masha ni yawng hpe Mizpa shara e jahpawng mu; nanhte a matu Yehowa kaw ngai hpyi ya na nngai,” ngu nna hkang da wu ai.